Jérémie 51:3 - Mbeti ti Nzapa - Tënë so amu fini

³ Ayeke nzoni a agboto ya ti kokora na tere ti zo so agboto ya ti kokora ti lo, na tere ti zo so ayu bongo ti wen si lo yeke pika kate ti lo ndali ni. Ala baa mawa ti angangu zo ti bira ti ala pepe! Ala fâ aturugu ni kue kue kue!

Jérémie 51:3 Iomraidhean Croise

Abia (Psaumes) 137:9

Ti lo nzoni, zo so ayeke mu akete molenge ti mo ti nika ala na ndö ti kota têne!

Jérémie 46:4

Ala kanga aye ti bira na ndö ti ambarata! Ala azo ti kpengo na mbarata, ala londo! Ala yu kpoto ti bira, ala luti na molongo! Ala leke yanga ti alikongo, aza! Ala yu kazaka ti wen!”

Jérémie 50:14

Ala so kue ayeke pika kokora, ala leke tere ti ala angoro Babilone kue ti tiri bira na lo. Ala pika lo na kokora, ala bata ale ti kokora oko pepe! Biani, Babilone asara sioni ti ke KOTA GBIA.

Jérémie 50:21

KOTA GBIA atene na wato ti Babilone, lo tene: “Londo, mo tiri bira na kodro ti Maratim, tiri bira na azo ti Pekod. Mo fâ azo ni kue, mo hunzi ala! Mo sara ye so kue alingbi na yanga so mbi mu na mo!

Jérémie 50:27

Ala fâ angangu turugu ti lo kue, ala gue na aturugu ni na ndo ti fango azo! So ye ti mawa na aturugu ni! Biani, lango ni alingbi awe, ndembe so KOTA GBIA ayeke ga na tere ti ala!

Jérémie 51:53

Ataa Babilone ama na nduzu ngbii lo si na le ti nduzu, ataa lo honde tere ti lo na peko ti mbeni ngangu gbagba so zo alingbi ti si daa pepe, mbi yeke mu yanga na azo so kua ti ala ayeke ti bubango aye titene ala gue ngbii asi na tere ti lo kâ”; so tënë ti yanga ti KOTA GBIA laa.

Jérémie 9:21

“Ti mo Jérémie, mo tene: So tënë ti yanga ti KOTA GBIA laa: ‘Kuâ ti azo ayeke lango na sese tongana puru na le ti yaka, tongana ale ti kobe so azo ti fango ale ti kobe afâ ni si ati na sese si zo ti rongo ni ayeke daa pepe.’ ”

Ndia ti fani use ni 32:25

Na ndö ti alege, amolenge ti ala ayeke kui kuâ ti yongoro zeme, na ya ti da, azo ayeke kui na mbeto. Azo kue ayeke kui, ataa amaseka-koli na amaseka-wali, ataa amolenge so angba ti nyon me na ambakoro.’

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.