Jérémie 5:3 - Mbeti ti Nzapa - Tënë so amu fini

³ KOTA GBIA, ye so anzere na mo ayeke titene zo asara lakue ye so ayeke na legeni; ni laa ape? Mo pika ala, me pika ni aso ala pepe. Mo ye ti nika ala biani biani, me ala ke ti ma ye so mo fa na ala. Li ti ala akpengba ahon têne, ala ke ti kiri na mbage ti mo.

Jérémie 5:3 Iomraidhean Croise

Tongo nda ti aye 19:34

Lango oko na pekoni, kozo molenge ni atene na ngambe ti lo, atene: “Baa, biri na bi, mbi lango na babâ ti mbi. Ayeke nzoni e kiri e mu samba na lo na bi so, lo nyon si mo gue, mo lango na lo. Tongaso si e sara titene babâ ti e awara amolenge ti zia na peko ti lo.”

1 Agbia 13:33

Ataa so kue, Yeroboam azia ngbene lege ti sarango ye ti lo pepe. Lo ngba ti sara ngangu li. Lo ngba ti mu azo kirikiri na popo ti azo ti Israel ti zia ala tongana awayango-sandaga ti ando so a leke na ndö ti ahoto ti voro anzapa nde daa. Zo so kue aye ti ga wayango-sandaga, lo yeke mu lo wayango-sandaga ti ando so a leke na ndö ti ahoto ti voro anzapa nde daa.

2 Agbia 1:13

Ti fani ota ni, Ahazia akiri atokua mbeni makonzi so ayeke na li ti aturugu baleoku na aturugu ti lo baleoku ti gbu Élie. Makonzi ni na aturugu ti lo ague na li ti hoto ni. So lo si na tere ti Élie, lo kuku na sese na gbe ti Élie, lo voro lo, lo tene: “Zo ti Nzapa, mbi gbu gere ti mo, bata fini ti mbi na ti aturugu baleoku so ayeke azo ti kua ti mo!

2 Mbai 16:9

Biani, le ti KOTA GBIA ayeke baa ndo na ndö ti sese kue titene lo mu maboko na azo so azia be ti ala kue na lo. Me ye so mo sara so, mo sara ni tongana zo so li ti lo ayeke daa pepe. Ndani laa, ti fadeso, awato ti mo ayeke ga na bira na tere ti mo.”

2 Mbai 28:22

Na ngoi so gbia Ahaz ayeke na ya ti kpale so, lo ngba ngbango ti sara sioni mingi so ake KOTA GBIA.

Abia (Psaumes) 51:6

Mbi sara siokpari so ake mo, ake gi mo oko; mbi sara ye so ayeke sioni na le ti mo. Tongaso, fade azo ayeke baa so mo yeke mbirimbiri na lege ti tënë ti yanga ti mo; fade ala yeke baa so fango ngbanga ti mo ayeke na legeni.

Abia (Psaumes) 51:8

Me ye so anzere na be ti mo ayeke titene taa-tënë aduti na be ti mbi. Na be ti mbi kâ, mo yeke fa na mbi lege ti ndara.

Abia (Psaumes) 55:20

Ayeke nzoni Nzapa ama mbi, lo zia kamene na le ti ala; lo so lo duti gbia ngbene ye so dunia abaa gigi! Luti kete Azo ni ayeke sanze sarango ye ti ala pepe, ala yeke kpe mbeto ti Nzapa pepe.

Amato 21:29

Zo ti sioni asara tere ti lo tongana zo so alingbi awe; me zo ti mbirimbiri ayeke sara si mbeni ye ayeke yingi dutingo ti lo pepe.

Amato 22:12

Le ti KOTA GBIA akpengba na ndö ti hingango ye, me lo yeke buba ya ti tënë ti zo ti handango ndo.

Amato 23:35

Fade mo yeke tene: “A pika mbi, me aso oko pepe! A pika mbi, me mbi hinga ye oko daa pepe! Mbi ye ti zingo na lango hio ti kiri ti nyon mbeni samba si!”

Amato 27:22

Ataa mo pika zo ti buba na ya ti kpu tongana ti so a yeke pika ale ti kobe, mo yeke sara gbaa, asarango ye ti buba ti lo ayeke ngba lakue na tere ti lo.

Ésaïe 26:11

KOTA GBIA, mo yo maboko ti mo na nduzu ti pika ala, me ala baa ni pepe. Fade ala yeke baa so mo yeke na nzara mingi ti sara na azo ti mo, tongaso kamene ayeke gbu le ti ala. Wâ so a leke ndali ti awato ti mo ayeke gbi azo ni.

Ésaïe 42:25

Ndani laa KOTA GBIA atuku na ndö ti Israel ngonzo ti lo ti wâ nga na sioni ye ti bira. Bira ni abi wâ na tere ti ala mbage na mbage kue, me Israel ahinga ye oko daa pepe. Wâ ni agbi azo ni, me tënë ni agbu be ti ala pepe.

Ésaïe 48:4

Mbi hinga kue, ala yeke azo ti ngangu li, li ti ala akpengba tongana wen, li ti ala akpengba mingi.

Ésaïe 9:13

Tongaso, gi na ya ti lango oko, KOTA GBIA azi na Israel li na damba, maboko ti mburu na pere ti sosongo.

Jérémie 15:7

Na ya ti gbata oko oko ti kodro ni, mbi pe ala tongana ale ti kobe ti kangbi ala kirikiri. Mbi fâ azo ti mbi, mbi hunzi amolenge kue, me azo ni azia lege ti sarango ye ti ala pepe.

Jérémie 17:23

Ti akotara ti ala ni, ala ma mbi pepe, ala dingi mê ti ala ti ma mbi pepe. Ala sara ngangu li, ala ke ti ma tënë si ala ke awango ti mbi.

Jérémie 19:15

“Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Akpale so kue mbi tene tënë ni so, fade mbi yeke sara si ati na ndö ti gbata so nga na ndö ti akete kodro so kue ayeke na tere ni. Biani, azo ti gbata ni asara ngangu li si ala ke ti ma tënë ti mbi.’ ”

Jérémie 2:30

Mbi pika ala gbaa; li ti ala aga daa oko pepe. Ala wani afâ awayanga-Nzapa ti ala na yongoro zeme tongana ti so bamara ayeke suru ya ti nyama.

Jérémie 3:3

Ndani laa le ti nduzu akanga si ngu-Nzapa ti ndani apika pepe. Me le ti mo angba ti za tongana ti wali-ndumba; kamene asara nga mo kete pepe.

Jérémie 32:19

Apialo ti mo ayeke kota; na lege ti ngangu ti mo, mo yeke sara si apialo ni abaa gigi. Ye so azo ayeke sara, mo yeke baa ni kpoo. Tongaso, mo yeke sara na zo oko oko alingbi na lege ti dutingo ti lo nga na lengo ti sarango ye ti lo.

Jérémie 35:13

“Tënë so KOTA GBIA so ayeke na ndö ti dunia kue, Nzapa ti Israel atene ayeke so: Gue mo tene na azo ti Juda nga na azo ti Jérusalem, mo tene: Fade ala yeke ma wango ti mbi pepe? Ala yeke ma tënë ti mbi pepe? So tënë ti yanga ti KOTA GBIA laa.

Jérémie 44:10

Vundu ade agbu ala ndali ni pepe ngbii asi laso; zo oko akpe mbeto ti mbi pepe, zo oko abata lege ti aye so mbi fa na ala pepe; andia so mbi mu na ala nga na akotara ti ala, ala bata lege ni pepe.’ ”

Jérémie 7:26

Me ala ma mbi pepe; ala dingi mê ti ala kete pepe ti ma mbi; ala sara ngangu li ahon ndoni, ala sara sioni ahon akotara ti ala.

Jérémie 7:28

Tongaso, fade mo yeke tene na ala, mo tene: Ala yeke azo ti mara so ama yanga ti KOTA GBIA, Nzapa ti ala pepe; ala ke ti ma wango. Taa-tënë ayeke mbeni pepe; zo ti tenengo taa-tënë ayeke daa mbeni pepe.”

Jérémie 8:5

Biani, azo ti Jérusalem agirisa lege awe; ngbanga ti nyen si ala ngba ngbango na ndö ti sioni lege so ala mu ni so? Ala gbu tënë ti anzapa ti mvene ti ala ni ngangu; ala ke ti kiri na mbi.

Ezekiel 2:4

Azo ti Israel ayeke azo ti ngangu li mingi, be ti ala akpengba mingi. Mbi yeke tokua mo ti tene na ala, mo tene: ‘Tënë so Kota Gbia NZAPA atene ayeke so.’

Ezekiel 24:13

Jérusalem, mo ga *sioni ndali ti sarango ye ti potopoto ti mo. Mbi sukula mo titene mo ga *nzoni, me mbi sara gbaa. Tongaso, kozo titene mo ga *nzoni, fade ngonzo ti mbi ti wâ ayeke londo na tere ti mo ngbii be ti mbi ade si.

Daniel 9:13

Asioni kpale so kue asi na e alingbi na tënë so a su na ya ti mbeti ti *Ndia ti Moïse. Me e de be ti mo, KOTA GBIA Nzapa ti e pepe; e zia lege ti siokpari ti e pepe si e baa taa-tënë ti mo tongana senge ye.

Awayango-sandaga 26:23

“Tongana ala yeda na apika ti mbi ni pepe si ala ngba ti sara ngangu li na mbi,

Amos 4:10

Mbi tokua na tere ti ala sioni kobela ti bubango kodro tongana ti so mbi tokua ando na tere ti azo ti Ezipte so. Mbi zia lege na awato ti fâ amaseka ti ala ti koli, awato ni agbu ambarata ti ala ahon na ni. Na ya ti bâbâ ti ala, mbi sara si fion ti akuâ afun sioni sioni na hon ti ala. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Amos 4:11

“Mbi buba aye so kue ayeke na ndo ti ala tongana ti so mbi buba ando aye kue na Sodome na Gomore. Ala sigigi na ya ni tongana nduru keke ti wâ so a gboto ni na ya ti wâ. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Amos 4:6

“Mbi *KOTA GBIA, mbi sara si nzara amu ya ti agbata ti ala kue; mbi sara si kobe atia na ya ti ada ti ala kue. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Amos 4:8

Azo alondo na ya ti agbata use wala ota, nzara ti ngu awoko ala kue si ala gue ti gi ngu ti nyongo ni na mbeni gbata, me ala wara ngu alingbi na ala pepe. Ataa ye so kue, ala kiri na mbage ti mbi pepe; so tënë ti yanga ti KOTA GBIA laa.

Amos 4:9

“Mbi tokua asioni kobela na tere ti ale ti kobe ti ala; ale ti kobe ni ahole gi na nduzu si afun. Akete yaka ti ala kue na ayaka ti *vinye ti ala, ayaka ti fige ti ala na ayaka ti olive ti ala, agbadola ate ni kue. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Sofonii 3:7

Mbi tene na be ti mbi, mbi tene: ‘Mo gbata so, tongana mo kpe fade mbeto ti mbi, tongana mo ma fade wango ti mbi, ka a yeke buba mo pepe.’ Me lakue so mbi yeke ga ti pika mo, azo ti mo ayeke kpe hio ti sara sioni ahon ndoni.

Rome 2:2

Biani, e hinga so, na lege ti taa-tënë, Nzapa ayeke fâ ngbanga na li ti zo so ayeke sara aye tongaso.

Ahebro 12:9

Ababâ ti e ti sese so ayeke pika ka e ti kiri na e na nzoni lege si e yeke kpe mbeto ti ala. Tongaso, ayeke nzoni ahon titene e ma yanga ti Babâ ti e so ayeke na yayu si e duti na fini.