Jérémie 5:22 - Mbeti ti Nzapa - Tënë so amu fini

²² Ala kpe mbeto ti mbi pepe? So tënë ti yanga ti KOTA GBIA laa. Tere ti ala ado na dawa ti mbi pepe? Mbi laa mbi zia mbutu ti sara si kota ngu-ingo angba na ndo so ayeke daa. So ayeke katikati so angba kpu na kpu; kota ngu-ingo ni ayeke hon ni pepe. Ataa *amapo ti ngu ni alondo tongana nyen, ngu ni alingbi ti hon ndö ni pepe.

Jérémie 5:22 Iomraidhean Croise

Tongo nda ti aye 1:9

Nzapa atene: “Ayeke nzoni angu so ayeke na gbe ti nduzu abongbi tere ti ala na ndo oko si holengo ndo asigigi.” Ye ni asi tongana ti so lo tene.

1 Agbia 13:28

Lo londo, lo gue, lo wara kuâ ti zo ti Nzapa so ayeke na ndö ti lege. Lele na bamara ayeke luti na tere ti kuâ ni. Bamara ni ate kuâ ni pepe, lo suru nga ya ti lele ni pepe.

Mbeti ti Job 26:10

Lo suru ye *kerebende na tere ti kota ngu-ingo, na ndo so vurungo ndo na vukongo ndo atengbi tere daa.

Mbeti ti Job 37:24

Ndani laa, alingbi azo akpe mbeto ti lo; me azo so abaa tere ti ala azo ti ndara, ngbanga ti lo ayeke na ala pepe.

Mbeti ti Job 38:8

Na ngoi so kota ngu-ingo akporo ti sigigi na ya ti mama ti lo, zo wa laa akanga yanga-da na ndö ti kota ngu-ingo ni?

Abia (Psaumes) 104:9

Mo leke mbeni maka so angu ni alingbi ti hon ni pepe; ala yeke kiri ti mu ndö ti sese kue pepe.

Abia (Psaumes) 119:120

Tere ti mbi kue ayeke do na mbeto na dawa ti mo, mbeto ti atënë ti fango ngbanga ti mo asara mbi.

Abia (Psaumes) 33:7

Lo bongbi ngu ti kota ngu-ingo na ndo oko tongana ti so a yeke bongbi ngu na ya ti kota sembe; kota ngu-ingo so ali mingi, lo bata ni batango.

Abia (Psaumes) 46:3

Ndani laa, mbeto ayeke sara e oko pepe, ataa sese ayingi na ndo kue, ataa ahoto alondo ati na be ti kota ngu-ingo,

Abia (Psaumes) 99:1

*KOTA GBIA ayeke gbia, tere ti azo ayeke do! Lo duti na ndö ti *asheruben, sese ayeke yingi!

Amato 8:29

na ndembe so lo leke maka titene akota ngu-ingo aluti daa, lo mu yanga titene ngu ahon ni pepe. Mbi yeke ando daa na ndembe so lo leke gere ti sese.

Ésaïe 50:2

Mbi ga, mbi wara zo oko pepe, ngbanga ti nyen? Mbi iri ndo, zo oko ayeda pepe, ngbanga ti nyen? Maboko ti mbi ayeke nduru mingi titene mbi zi ala? Ngangu laa atia mbi titene mbi soo ala? Gi so mbi suku, kota ngu-ingo ahole; mbi sara si *abale aga kuru sese. Ndali ti so ngu ayeke daa pepe, asusu ayeke kui nzara ti ngu si ala yeke fun.

Ésaïe 64:2

Tongana mo sara lani aye ti ziango mbeto na be ti zo so e ku pepe, tongana mo zu lani, ka ahoto ayingi na dawa ti mo.

Ésaïe 66:5

Ala ma tënë ti *KOTA GBIA, ala so tere ti ala ayeke do na mbeto ndali ti tënë ti lo: Ambeni ita ti ala ake ala si atumba ala ndali ti mbi. A-ita ti ala ni ayeke he ala si ayeke tene: “Ayeke nzoni KOTA GBIA afa gonda ti lo si e lingbi ti baa ngia ti ala ni!” Me a-ita ti ala ni laa kamene ayeke gbu ande le ti ala.

Jérémie 10:7

Mo so mo yeke gbia ti amara kue, zo wa laa alingbi ti kpe mbeto ti mo pepe? So laa alingbi titene azo asara na mo. Na popo ti azo ti ndara ti dunia so nga na ya ti akodro-gbia kue, mbeni zo tongana mo ayeke daa pepe.

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Jérémie 31:35

Tënë so KOTA GBIA atene ayeke so: Zo wa laa azia lâ titene lo su na kota lâ? Zo wa laa amu yanga na nze na atongoro ti su na bi na lege ti ndia ti ala? Zo wa laa ayingi kota ngu-ingo titene *amapo atoto? Ayeke KOTA GBIA so ayeke na ndö ti dunia kue; so iri ti lo laa.

Daniel 6:26

Na pekoni gbia Darius asara mbeti si lo tokua na azo nde nde kue, azo ti amara nde nde kue na azo ti ayanga ti kodro nde nde kue so asara kodro na ndö ti sese kue; lo tene: “Ayeke nzoni siriri asi ala singo!

Amos 4:12

“Ndani laa Israel, baa lege so mbi yeke sara ande na mo laa! Ndali ti so mbi yeke sara ye tongaso na mo, Israel, leke tere ti mo ti tengbi na Nzapa ti mo!”

Amos 9:6

Lo so lo leke ndo ti dutingo ti lo na yayu kâ, lo gbara le ti nduzu na ndö ti sese; lo so lo iri angu ti kota ngu-ingo ti ga si lo tuku ni na ndö ti sese, iri ti lo ayeke *KOTA GBIA.

Jonas 1:16

Mbeto ti KOTA GBIA ahon ndö ti azo ti mangboko ni, ala mu mbeni *sandaga na lo si ala deba yanga ti ala ti mu mbeni ye na lo.

Nahum 1:4

Lo suku na kota ngu-ingo si kota ngu-ingo ni ahole; lo sara titene *abale kue ahole. Tongaso apere so ayeke na sese ti Bashan na akeke ti hoto ti Karmel ahole; akongo ti pere ti hoto ti Liban ahole.

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

Marc 4:39

Lo londo, lo suku ngangu na pupu ni, lo tene: “Kai! Duti kpoo!” Tongaso pupu ni akai si ndo ade ngii.

Nzoni Tënë so Luc asu na mbeti 12:5

Me mbi ye ti fa na ala lo so ala lingbi ti kpe mbeto ti lo. Ayeke nzoni ala kpe mbeto ti Nzapa so, tongana lo fâ zo awe, lo yeke na ngangu ti bi zo ni na ndo so wâ ayeke gbi daa lakue. Biani, mbi tene na ala: lo laa ala lingbi ti kpe mbeto ti lo.

Ndia ti fani use ni 28:58

Atënë ti ndia ti Nzapa so kue a su na ya ti buku so, alingbi ala sara kue ti sara ye alingbi na ni. Alingbi ala ne iri ti lo so alingbi na gonda, iri so ayeke mu mbeto na zo: “KOTA GBIA Nzapa ti ala”.

Aye so Nzapa afa 15:4

Kota Gbia, zo wa laa ayeke kpe mbeto ti mo pepe? Zo wa laa ayeke gonda iri ti mo pepe? Biani, gi mo oko laa mo yeke nde si mo yeke nzoni kue. Fade amara kue ayeke ga ti kuku na gbe ti mo, ndali ti so ala kue abaa fadeso lege so mo yeke fâ na ngbanga ti mo awe.”