Jérémie 5:15 - Mbeti ti Nzapa - Tënë so amu fini

¹⁵ So tënë ti yanga ti KOTA GBIA laa: Ti ala azo ti Israel, mbi yeke tokua mbeni mara so alondo na yongoro ndo ti ga na tere ti ala; ayeke mara so ala lingbi ti kinda ni pepe, mara ni ayeke ando giriri; ala hinga yanga ti kodro ti azo ti mara ni pepe, ala ma ya ti atënë so ala yeke tene pepe.

Jérémie 5:15 Iomraidhean Croise

Tongo nda ti aye 11:7

Tongaso e zu, e buba ya ti yanga ti kodro ti ala si mbeni zo akiri ama tënë so mba ti lo atene na lo pepe!”

Abia (Psaumes) 81:5

Biani, so ayeke mbeni ndia ndali ti azo ti Israel, mbeni kpengba tënë ti Nzapa ti Jacob;

Ésaïe 28:11

Biani, fadeso *KOTA GBIA ayeke tene tënë na azo so na lege ti guguma, na yanga ti kodro ti awande.

Ésaïe 29:3

Mbi yeke sara bâbâ ti ngoro mo kue; mbi yeke zia aturugu ti ngoro mo, mbi yeke sara gbagba na tere ti mo ti tiri bira na mo.

Ésaïe 29:6

KOTA GBIA so ayeke na ndö ti dunia kue ayeke ga ti mu maboko na mo na lege ti toto ti bekpa, na lege ti ye so atoto ngangu, na ya ti ngangu pupu, na ya ti pupu ti ngu-Nzapa nga na wâ so ayeke gbi ye kue.

Ésaïe 33:19

Azo ti baba so, ala so ayeke tene yanga ti kodro so zo ayeke ma ya ni pepe, ala so ayeke tene guguma so zo alingbi ti ma ni pepe, mo yeke kiri ti baa ala pepe.

Ésaïe 39:3

Na pekoni, wayanga-Nzapa Ésaïe aga awara gbia Ezekias si ahunda lo, atene: “Azo so atene na mo nyen? Ala londo na ndo wa?” Ezekias akiri tënë: “Ala londo na yongoro ndo, na Babilone, ti ga ti baa mbi.”

Ésaïe 5:26

KOTA GBIA ayo bendere na nduzu ndali ti amara so alango yongoro lo huru yanga ti lo na ala si ala londo na nda ti sese kâ aga. Baa, ala mu loro si ala si hio.

Ésaïe 5:7

Andaa yaka ti vinye ti *KOTA GBIA, lo so lo yeke na ndö ti dunia kue, ayeke azo ti Israel. Azo ti mara ti Juda laa ayeke ye so lo lu si lo ye ni mingi. Lo ku fade titene azo ni afâ ngbanga na legeni, me ala fâ ngbanga ti mbana kirikiri. Lo ku fade titene azo ni asara ye alingbi na ndia, me gi dekongo ti azo ti mawa laa mo yeke ma.

Jérémie 1:15

Mbi yeke iri amara nde nde ti Banga kue ti ga; ala yeke londo na ya ti akodro-gbia; so tënë ti yanga ti KOTA GBIA laa. Fade ala yeke ga, ala zia ambata ti ala ti gbia taa na tere ti ayanga ti gbagba ti Jérusalem; ala yeke zia ambata ni na tere ti gbagba ni angoro ni kue, nga na tere ti agbata ti sese ti Juda kue.

Jérémie 2:26

Legeoko tongana zo ti nzi so kamene ayeke sara lo na ndembe so a gbu lo, fade kamene ayeke sara azo ti Israel, ala na agbia ti ala, na akota zo ti kodro ti ala, na awayango-sandaga na awayanga-Nzapa ti ala.”

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 4:16

Ala dabe ti amara nde na tënë so; ala sara titene azo ti Jérusalem ahinga tënë ni: azo alondo na mbeni kodro yongoro, ala ga ti mu gbata ni na bira. Ala yeke dekongo ti bira si ala yeke ga na tere ti agbata ti Juda.

Jérémie 5:11

Azo ti Israel na azo ti Juda ahanda mbi biani awe”; so tënë ti yanga ti KOTA GBIA laa.

Jérémie 6:22

Tënë so KOTA GBIA atene ayeke so: “Mbeni mara alondo na mbeni kodro ti Banga si ayeke ga; mbeni kota mara alondo yongoro na nda ti sese si ayeke ga.

Ezekiel 18:31

Ala bi asioni sarango ye ti ala yongoro, ala sara si be ti ala na yingo ti ala aga fini ni! Ala azo ti Israel, ala ye ti kui ngbanga ti nyen?

Daniel 1:4

Alingbi mbeni ye ti tere ti amaseka-koli ni oko abuba pepe; ala yeke pendere mingi; ala si singo na ndara, ala yeke azo ti hingango mbeti na azo ti hingango ndo. Tongaso, fade ala yeke sara kua na yangbo ti gbia; fade a yeke fa na ala agere ti mbeti nga na yanga ti kodro ti azo ti Babilone.

Daniel 7:7

Na pekoni mbi baa ndo, mbi baa na bi na ya ti mbeni ye tongana bango-li osio nyama ni. Lo yeke mu mbeto mingi na zo, lo yeke taa sioni sioni; ngangu ti lo ahon ndoni. Lo yeke na akota pembe ti wen so lo yeke te na ye, lo yeke suru na ya ti aye kete kete. Aye so lo yeke te ni pepe, lo yeke do na gere ti lo. Lo yeke ti lo nde na akozo nyama ota so; lo yeke na didi baleoko.

Amos 6:14

Me ti mbi, fade mbi yeke tokua na tere ti ala, azo ti Israel, mbeni mara ti sara ngangu na ala, ti londo na Banga ti Lebo-Hamat ngbii asi na tere ti kota ngu ti Gba-ti-ingo, na mbage ti Mbongo; so tënë ti yanga ti KOTA GBIA, Nzapa so ayeke na ndö ti dunia kue laa.

Habakuk 3:16

Mbi ma tënë ti aye so si li ti mbi kue akpe. Toto ti aye ni asara si yanga ti mbi ado dongo, bio ti mbi awoko kue, gere ti mbi awoko kue, mbi lingbi ti luti na nduzu pepe. Mbi duti kpoo ti ku lango ti ye ti vundu ni, ti ku lango ti gue ti tiri bira na azo so ayeke sara ngangu na e.

1 Korente 14:21

Na ya ti mbeti ti *Ndia, *Kota Gbia atene: “Fade mbi yeke mu azo so ayeke tene tënë na mbeni yanga nde titene ala tene peko ti tënë ti mbi na azo so; mbi yeke tene tënë na ala na lege ti yanga ti awande. Ataa so kue, ala yeke ma tënë ti mbi pepe.”

Ndia ti fani use ni 28:33

Mbeni mara so ala, azo ti Israel, ala hinga lo pepe, ayeke te akobe ti ayaka ti ala nga na aye so ala wara na lege ti kua ti ala. A yeke sara ngangu na ala lakue si a yeke nika ala.

Ndia ti fani use ni 28:49

KOTA GBIA ayeke tokua na ndö ti ala mbeni mara so alondo na yongoro ndo, na nda ti sese; mbeni mara so ayeke huru ti ti na ndö ti ala tongana *ngoalo, mara so ala ma yanga ti kodro ti lo pepe.