Jérémie 5:1 - Mbeti ti Nzapa - Tënë so amu fini

¹ “Ala tambula na ndö ti alege ti Jérusalem mbage na mbage kue, ala baa ndo, ala hunda ndo, ala gi ndo na ndö ti abalabala ti wara mbeni zo, zo so ayeke sara ye mbirimbiri, zo so ayeke sara ye na legeni. Tongana ala wara mbeni zo oko tongaso, fade mbi yeke zi siokpari na li ti azo ti Jérusalem.”

Jérémie 5:1 Iomraidhean Croise

1 Agbia 19:10

Élie akiri tënë: “KOTA GBIA Nzapa, mo so ngangu ti mo ahon angangu kue, tënë ti mo agbu be ti mbi mingi. Me azo ti Israel azia lege ti *mbuki ti mo awe, ala kungbi na sese agbalaka ti mo si ala fâ awayanga ti mo. Mbi ngba gi mbi oko si azo ayeke gi lege ti fâ mbi.”

2 Mbai 16:9

Biani, le ti KOTA GBIA ayeke baa ndo na ndö ti sese kue titene lo mu maboko na azo so azia be ti ala kue na lo. Me ye so mo sara so, mo sara ni tongana zo so li ti lo ayeke daa pepe. Ndani laa, ti fadeso, awato ti mo ayeke ga na bira na tere ti mo.”

Abia (Psaumes) 12:1

Bia ti David; bia so ayeke ndali ti makonzi-bia. A he ni na kundi ti akamba miombe.

Abia (Psaumes) 14:2

Kâ na yayu, *KOTA GBIA aba tere ti lo na mbage ti azo ti sese ti baa ndo, ti gi zo so li ti lo ayeke daa, zo so ayeke gi Nzapa.

Abia (Psaumes) 14:3

Ala kue agirisa nzoni lege awe, ala kue aga sioni legeoko; zo oko ti sara nzoni ayeke daa pepe, ataa oko ayeke daa pepe.

Abia (Psaumes) 94:16

Zo wa laa ayeke gbu ande koko ti mbi ti kanga lege na azo ti sioni so, zo wa? Zo wa laa ayeke mu mbage ti mbi ti kanga lege na azo ti sarango sioni so, zo wa?

Amato 20:6

Azo mingi ayeke gonda tere ti ala atene, ani yeke nzoni; me zo wa laa alingbi ti wara zo so lo lingbi ti zia be ti lo na ndö ti lo?

Amato 23:23

Gi lege ti tene taa-tënë, ti wara ndara, nzoni wango na hingango ndo. Tongana mo wara ni awe, alingbi mo buba ni kirikiri pepe.

Amato 8:3

Na tere ti ayanga ti gbagba, na ndo so azo ti gbata ni ayeke bongbi daa, lo yeke dekongo, lo tene:

B. ti abia 3:2

Fade mbi yeke londo, mbi yeke hon na ya ti gbata, na ndö ti alege nga na le ti akodro. Fade mbi yeke gi lo so be ti mbi aye lo; mbi gi lo, me mbi wara lo pepe.

Ésaïe 59:4

Tënë so ala gue na ni na le ti ngbanga, ayeke na legeni pepe; ala yeke gbu koko ti azo na lege ti taa-tënë pepe. Ala yeke luti na ndö ti ye so ayeke ye oko pepe, ala yeke tene atënë ti mvene; ala yeke mu ngo ti ye ti sioni si ala yeke du ye ti kirikiri.

Jérémie 2:29

“Ngbanga ti nyen si ala ye ti bi tënë na li ti mbi? Ala kue, ala ke mbi awe. So tënë ti yanga ti KOTA GBIA laa.

Jérémie 44:15

Akoli so kue ahinga atene, awali ti ala ayeke mu *sandaga na anzapa nde, ala na awali so abongbi gbani gbani na ndo so; so ti tene azo so kue aga ti duti na Ezipte nga na Patros atene na Jérémie:

Jérémie 8:6

Atënë so ala yeke tene so, mbi ma ni nzoni: atënë ni agbu le ni oko pepe. Zo oko azia lege ti sioni ti lo pepe; lo tene nga pepe: ‘Nyen laa mbi sara so?’ Zo oko oko amu lege so be ti lo aye tongana mbarata so ali na loro na ya ti bira.

Jérémie 9:2

*KOTA GBIA atene: “Menga ti ala ayeke tongana kokora so a gboto ya ni. Ala yeke ga kota na ya ti kodro ni na lege ti taa-tënë pepe, me na lege ti mvene. Ala yeke sara gi sioni ti gue na ni, me mbi, ala hinga mbi pepe; so tënë ti yanga ti KOTA GBIA laa.

Jérémie 9:7

Menga ti azo ni ayeke tongana le ti kokora so ayeke fâ zo; atënë ti ala gi atënë ti mvene: nzoni tënë ayeke sigigi na yanga ti ala na tere ti amba ti ala, me na be ti ala kâ, ala leke kuku ti gbu na amba ti ala ni.

Ezekiel 22:30

Mbi gi mbeni zo na popo ti ala titene lo leke gbagba ti bata na kodro ni, ti luti na dawa ti mbi na ndo so du akoro daa na tere ti gbagba ni; tongaso si mbi buba kodro ni pepe; me mbi wara zo oko pepe.

Ezekiel 9:9

KOTA GBIA akiri tënë na mbi, atene: “Sioni ti azo ti Israel na ti azo ti Juda ayeke kota ahon ndoni; mene asi singo na ya ti kodro ni, sarango ngangu na azo asi singo na ya ti gbata ni. Biani, azo ni ayeke tene: ‘KOTA GBIA ado kodro ni azia awe, lo lingbi ti baa e oko pepe.’

Daniel 12:4

‘Me ti mo Daniel, mo honde tënë so hondengo. Kozo si lango ti ndani alingbi, tënë so a su na ya ti mbeti so, mo fa ni na gigi pepe. Fade gba ti azo ayeke diko mbeti ni si hingango ndo ti ala ayeke kono.’ ”

Joël 2:9

Ala mu ya ti gbata kue, ala yeke kpe loro na ndö ti agbagba ti bira, ala yeke ko na li ti ada; ala yeke li na ya ti ada na le ti afenetere tongana azo ti nzi.

Amos 8:12

Fade azo ayeke tambula tongana ti azo so nzara awoko ala, ti londo na mbage ti Mbongo ti si na mbage ti Do, ti londo na mbage ti Banga ti si na mbage ti To, ala yeke fono ti gi ti ma tënë ti KOTA GBIA, me ala yeke wara ni pepe.

Zakarii 2:4

Mbi hunda ndo, mbi tene: “Ala ga ti sara nyen?” Lo kiri tënë na mbi, lo tene: “Azo ti pikango ndao ni aga ti zia mbeto nga ti tumba angangu mara so akangbi azo ti Juda na ando nde nde; mbeni zo oko so agbu le ni na angangu mara ni ayeke daa pepe.”

Nzoni Tënë so Luc asu na mbeti 14:21

Zo ti kua ni akiri si lo fa peko ti tënë ni na makonzi ti lo. Tongaso, ngonzo agbu makonzi ti da ni si lo tene na zo ti kua ti lo ni, lo tene: ‘Gue fafadeso na ndo so azo abongbi daa, na ndö ti abalabala ti gbata ni, mo iri azo ti mawa, azo so mbage ti tere ti ala abuba, awaziba na ala so gere ti ala aba bango, mo ga na ala na ndo so.’

2 Tesalonike 2:10

Fade lo yeke sara aye ti sioni nde nde ti handa na azo so ayeke mu lege ti kuâ. Ala yeke na lege ti kuâ, ngbanga ti so ala ke ti yamba taa-tënë so alingbi fade ti soo ala na kuâ, ala ke nga ti ye taa-tënë ni.