Jérémie 49:8 - Mbeti ti Nzapa - Tënë so amu fini

⁸ Ala azo ti Dedan, ala turne peko, ala kpe! Ala honde tere ti ala na ya ti adu ti têne! Mbi yeke sara si ye ti vundu aga na ndö ti ala, *ahale ti Ezau; ndembe titene mbi ga na tere ti ala alingbi awe.

Jérémie 49:8 Iomraidhean Croise

Ésaïe 2:21

Na ngoi so lo yeke londo ti zia mbeto na be ti azo ti sese so, ala yeke li na ya ti adu ti têne nga na popo ti atêne so ya ni asuru, ti kpe kota ngonzo ti KOTA GBIA nga na gonda ti lo so ayeke kota ahon ndoni.

Ésaïe 21:13

Nengo tënë na ndö ti Arabii. Ala azo ti Dedan so ayeke tambula na lege so, ala yeke lango ande na benyama ti Arabii.

Ésaïe 34:5

Na yayu kâ, yongoro zeme ti KOTA GBIA ayeke tongana zo so anyon samba ahon ndö ti lo Baa yongoro zeme ni ayeke ti na ndö ti azo ti Edom, na ndö ti azo so KOTA GBIA azia ala titene a fâ ala, a hunzi ala.

Jérémie 25:23

– azo ti kodro ti Dedan, ti Tema, ti Buz na ala so ayeke kio kua ti tere ti li ti ala;

Jérémie 46:21

Aturugu ti kodro wande so Ezipte afuta ala, ala yeke tongana abagara ti mafuta. Ala nga, ala zia peko ti ala na amba ti ala awe, ala kue, ala kpe legeoko. Ala gbu le ni pepe na lango so ye ti vundu ayeke ga na ndö ti ala, na ndembe so mbi yeke ga na tere ti ala.

Jérémie 48:28

Ala, azo ti Moab, ala zia agbata, ala gue, asara kodro na popo ti atêne. Ala sara ye tongana *ambipa so asara da ti ala na mbeni mbage ti kota du kâ.

Jérémie 48:44

Zo so ayeke kpe na dawa ti kota mbeto, lo yeke ti na ya ti kota du; zo so ayeke londo na ya ti du ni ti sigigi, lo yeke ti na ya ti gbanda. Biani, mbi yeke sara si ye so aga na ndö ti Moab na ngu so mbi yeke ga na tere ti lo; so tënë ti yanga ti KOTA GBIA laa.

Jérémie 48:6

‘Ala kpe ahon, ala soo fini ti ala-oo! Ala ngba na ya ti benyama tongana lele ti ngonda.’

Jérémie 49:30

Ala azo ti Hasor, ala kpe, ala hon hio! Ala honde tere ti ala na ya ti adu ti têne! So tënë ti yanga ti KOTA GBIA laa. Biani, Nabukodonosor, gbia ti Babilone, agbu li ti lo ti sara sioni na ala, lo leke na be ti lo ti sara sioni na ala.

Jérémie 49:32

Fade awato ayeke mu azambala ti azo ni nga na gba ti abagara ti azo ni tongana ye so a gbu na peko ti bira. Azo so ayeke kio kua ti tere ti li ti ala, mbi yeke kangbi ala na ando nde nde kue. Mbi yeke sara si akpale alondo mbage na mbage ti ga na ndö ti ala; so tënë ti yanga ti KOTA GBIA laa.

Jérémie 50:27

Ala fâ angangu turugu ti lo kue, ala gue na aturugu ni na ndo ti fango azo! So ye ti mawa na aturugu ni! Biani, lango ni alingbi awe, ndembe so KOTA GBIA ayeke ga na tere ti ala!

Jérémie 6:1

Ala, azo ti Benjamin, ala sigigi na ya ti Jérusalem. Ala kpe agi ndo ti honde tere ti ala daa. Kâ na Tekoa, ala huru didi; kâ na Bet-Kerem, ala yo na nduzu mbeni bendere ti fa atene, mbeni ye ti sioni na kota kpale ti bubango ndo alondo na Banga ti ga.

Ezekiel 25:13

Ndali ni, tënë so mbi Kota Gbia NZAPA, mbi tene ayeke so: Fade mbi yeke yoro maboko ti mbi ti pika azo ti Edom; mbi yeke hunzi azo na anyama ti kodro ni kue kue kue. Mbi yeke sara titene kodro ni aga ndo ti gba ti atêne, ato nda ni na gbata ti Teman ngbii asi na Dedan. Fade a yeke fâ azo ni na yongoro zeme.

Malashii 1:3

me mbi ke Ezau. Mbi sara si ahoto ti lo aga ngonda; mbi mu aye ti lo na *anzagua ti benyama.

Malashii 1:4

Tongana azo ti Edom atene: ‘A buba agbata ti e kue awe, me fade e yeke kiri ti leke ni senge.’ ” Tënë so KOTA GBIA so ayeke na ndö ti dunia kue atene ayeke so: “Ala kiri aleke ni ma! Me ti mbi, mbi yeke kungbi ni kue na sese. Fade a yeke iri ala: ‘Sese ti azo ti sarango sioni’, wala ‘Azo so KOTA GBIA asara ngonzo na tere ti ala kpu na kpu’.

Aye so Nzapa afa 6:15

Agbia ti sese so, akota zo, amakonzi ti aturugu, azo ti mosoro, angangu zo, azo so ayeke angbaa na azo so ayeke angbaa pepe, ala kue akpe ti honde tere ti ala na ya ti adu ti têne wala na popo ti akota têne so ayeke na ndö ti ahoto.

Awafango-ngbanga 6:2

Azo ti Madian asara ngangu mingi na azo ti Israel. Ndali ti azo ti Madian ni, azo ti Israel aleke ando na gbe ti sese, na ya ti adu ti têne nga na li ti ahoto ti honde tere ti ala daa.

1 Samuel 13:6

So azo ti Israel abaa so ala yeke na ya ti ye ti ngangu, ngbanga ti so azo ti Filistii aga nduru nduru na ala, ala kpe ahonde tere ti ala na ya ti adu ti têne, na ya ti adu, na gbe ti akota têne, na gbe ti sese nga na ya ti adu ti ngu.