Jérémie 49:7 - Mbeti ti Nzapa - Tënë so amu fini

⁷ Tënë na ndö ti Edom. Tënë so KOTA GBIA so ayeke na ndö ti dunia kue atene ayeke so: “Azo ti ndara ayeke na Teman mbeni pepe? Li ti azo ti hingango ndo ayeke daa mbeni pepe? Ndara ti ala afun awe?

Jérémie 49:7 Iomraidhean Croise

Tongo nda ti aye 25:30

Ezau atene na Jacob: “Mbi gbu gere ti mo, zia mbi nyon mbeni ngu-kasa so, ngu-kasa so le ni abe bengo so, ngbanga ti so ngangu ahunzi na mbi kue awe.” Ndani laa azo airi lo Edom.

Tongo nda ti aye 27:41

Ezau azia Jacob na be ndali ti tufa so babâ ti lo asara na ndö ti lo so. Lo tene na be ti lo, lo tene: “Lango ti kuâ ti babâ ti mbi aga nduru awe. Tongaso mbi yeke fâ ita ti mbi Jacob.”

Tongo nda ti aye 32:3

Gi so Jacob abaa ala, lo tene: “So bâbâ ti Nzapa laa!” Nilaa lo di iri ti ndo so Mahanaim.

Tongo nda ti aye 36:11

Amolenge ti Elifaz ti koli ayeke so: Teman, Omar, Sefo, Gatam na Kenaz.

Tongo nda ti aye 36:15

Amakonzi ti amolenge ti Ezau ayeke so: Elifaz, kozo molenge ti Ezau, amakonzi ni ayeke so: makonzi Teman, makonzi Omar, makonzi Sefo, makonzi Kenaz,

Tongo nda ti aye 36:34

Yobab akui si Husham, zo ti sese ti Teman aga gbia na peko ti lo.

Tongo nda ti aye 36:8

Ezau, so ti tene Edom asara kodro na ndö ti hoto ti Seir.

1 Mbai 1:53

Kenaz, Teman, Mibsar,

Mbeti ti Job 2:11

Amba ti Job ota ama tënë ti aye ti vundu so kue asi na lo si zo oko oko alondo na kodro ti lo aga ti baa lo. Ayeke azo tongana: Elifaz, zo ti kodro ti Teman; Bildad, zo ti kodro ti Shuha nga na Sofar, zo ti kodro ti Naama. Ala ma tere titene ala ga akangbi vundu na lo, ti de be ti lo.

Mbeti ti Job 4:1

Elifaz, zo ti kodro ti Teman amu tënë si lo tene:

Abia (Psaumes) 137:7

KOTA GBIA, dabe ti mo na azo ti Edom; ando, na ngoi so ye ti ngangu asi na Jérusalem, ala tene: “Kungbi ni, kungbi ni ngbii asi na agere ni kue!”

Ésaïe 21:11

Nengo tënë na ndö ti Duma. Ti londo na Seir, mbeni go adekongo na mbi, atene: “Sanziri, bi aga nduru ti hunzi awe? Sanziri, bi aga nduru ti hunzi awe?”

Ésaïe 29:14

Ndani laa, fade mbi yeke ngba ti sara si li ti azo so akpe na lege ti aye ti dongo be. Fade a yeke buba ndara ti azo ti ndara, a yeke honde hingango ndo ti azo ti hingango ndo.”

Jérémie 12:14

Tënë so KOTA GBIA atene ayeke so: “Asioni zo so ayeke lango nduru na azo ti mbi, ala ndu ye so aga ye ti mbi, ala ndu sese so mbi mu ando na Israel, azo ti mbi. Fade mbi yeke gboto azo ni na ndö ti sese ti ala tongana ti so a yeke gboto pere; mbi yeke gboto nga azo ti Juda na popo ti ala.

Jérémie 18:18

Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Jérémie 25:21

– azo ti sese ti Edom; azo ti sese ti Moab na ala ti Amoni;

Jérémie 25:23

– azo ti kodro ti Dedan, ti Tema, ti Buz na ala so ayeke kio kua ti tere ti li ti ala;

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 49:20

Azo, ala ma tënë ti ye so KOTA GBIA agbu li ti lo ti sara na Edom, tënë ti ye so lo leke na be ti lo ti sara na azo so alango na Teman. Biani, fade a yeke gbu ala ti hon na ala tongana akete bagara. Biani, ndali ti ala, fade a yeke buba ndo ti dutingo ti ala.

Jérémie 8:9

So ye ti kamene ti nyen na azo ti ndara! Li ti ala aga kirikiri awe; ala ti na ya ti gbanda ti ala wani. So ala baa tënë ti KOTA GBIA tongana buba ye na le ti ala so, ndara ti nyen laa ala yeke na ni?

Abia ti demango tere 4:21

Ala sara ngia ma, ala, azo ti sese ti Edom! Ala dodo na ngia ma, ala, azo so alango na kodro ti Us! Fade a yeke mu nga na ala gi oko kopo ni si ala nyon asara ala tongana samba; fade ala zi bongo na ngbonda ti ala.

Ezekiel 32:29

“Baa, azo ti Edom laa, ala na agbia ti ala na amakonzi ti ala. Ataa aye ti koli so ala sara ando, a zia ala na popo ti azo so akui na ya ti bira; a lu ala legeoko na azo so afâ ganza pepe nga na azo so azu na ya ti du ti kuâ.

Daniel 11:41

Lo yeke li na ya ti pendere kodro ni. Kâ, fade azo mingi ayeke kui. Me azo ti kodro ti Edom, ti Moab na akpengba zo ti mara ti Amon laa ayeke kpe na maboko ti lo.

Habakuk 3:3

Nzapa alondo na Teman si ayeke ga; lo so lo yeke nde si lo yeke nzoni kue so, lo londo na ahoto ti Paran si lo yeke ga. Luti kete Nengo ti lo ti gbia amu ya ti yayu kue, sese asi singo na tënë ti sepelango lo.

Ndia ti fani use ni 23:7

Na ngoi so kue ala yeke ngba na fini, fade ala yeke gi maingo ti azo ti mara ni so oko pepe, ala yeke gi nzoni dutingo ti ala oko pepe.