Jérémie 49:5 - Mbeti ti Nzapa - Tënë so amu fini

⁵ Mbi yeke sara titene kota mbeto aga na ndö ti mo; mbeto ni ayeke londo mbage na mbage kue si aga na ndö ti mo; so tënë ti yanga ti Kota Gbia NZAPA so ayeke na ndö ti dunia kue laa. Fade ala yeke kangbi kirikiri si zo oko oko akpe, lo baa ndo na peko pepe. Azo so ayeke kpe, zo oko ti bongbingo ala ayeke daa pepe.

Jérémie 49:5 Iomraidhean Croise

2 Agbia 19:7

Gbia ayeke ma mbeni tënë; mbi yeke tokua mbeni yingo na ya ti lo si lo yeke kiri na kodro ti lo. Mbi yeke sara titene lo kui kuâ ti yongoro zeme na kodro ti lo wani.’ ”

Mbeti ti Job 15:21

Lo yeke ma toto ti mbeni go so ayeke zia mbeto na be ti zo. Na ngoi so lo yeke duti na siriri si azo ti bubango ye ayeke ti na ndö ti lo.

Amato 28:1

Zo ti sioni ayeke kpe, ataa zo oko atumba peko ti lo pepe; me zo ti mbirimbiri ayeke tongana bamara so ayeke na mbeto oko pepe.

Ésaïe 16:3

Azo ti Moab ahunda na Jérusalem, atene: “Mo mu na e wango, mo mu yanga biani. Taa na kota lâ, mo gbara gbe-de ti mo na ndö ti e ti bata e tongana bi so ayeke gbara gbe-de ti lo. Azo ti e so akpe so, mo honde ala, mo ka ala pepe.

Jérémie 15:8

Mbi sara si awali-mua ti ala akiri aga gbani gbani tongana mbutu ti yanga ti kota ngu-ingo. Taa na kota lâ, mbi tokua mbeni zo ti bingo kpale ti ga na ndö ti mama ti ngangu zo ti bira. Gi hio tongaso, mbi bi na ndö ti lo kota ye ti vundu na ye ti mbeto.

Jérémie 16:16

“So tënë ti yanga ti KOTA GBIA laa: Mbi yeke tokua gba ti azo ti gingo susu ti gbu azo ni tongana ti so zo ayeke gbu susu. Na pekoni, mbi yeke tokua gba ti azo ti gingo nyama ti gi azo ni na ndö ti akota hoto kue, na ndö ti akete hoto kue nga na ya ti adu ti têne tongana ti so zo ayeke gi nyama.

Jérémie 20:4

Biani, tënë so KOTA GBIA atene ayeke so: ‘Mbi yeke sara si mo ga zo ti ziango mbeto na be ti mo wani nga na be ti amba ti mo so mo na ala aye tere mingi. Amba ti mo ni ayeke kui kuâ ti yongoro zeme na maboko ti awato ti ala. Ti mo, mo yeke luti ande ti baa ye ni na le ti mo. Mbi yeke sara si azo ti Juda kue ati na maboko ti gbia ti Babilone; lo yeke gbu ala ti gue na ala na Babilone si lo yeke fâ ala na yongoro zeme.

Jérémie 46:5

Me nyen laa asi, nyen? Nyen laa mbi yeke baa so, nyen? Be ti azo ni afun kue awe, ala yeke kiri na peko! A kinda angangu zo ti bira ti ala awe; ala yeke kpe kirikiri, ala baa ndo na peko pepe; mbeto ayeke mbage na mbage kue; so tënë ti yanga ti KOTA GBIA laa.

Jérémie 49:29

Ayeke nzoni ala gbu ada ti bongo na abagara ti azo ni, abongo ti ala ti sarango na da nga na akungba ti ala ahon na ni. Ala mu nga *azambala ti azo ni ahon na ni; ala dekongo na li ti ala, atene: ‘Mbeto ayeke mbage na mbage kue!’

Jérémie 6:25

Ala sigigi ti gue na yaka pepe, ala fono na ndö ti alege pepe, ngbanga ti so wato ayeke kâ si lo yeke fâ azo; mbeto ayeke mbage na mbage kue.”

Abia ti demango tere 4:15

Tongana ala si na mbeni ndo, azo ayeke dekongo na ndö ti ala, atene: “Ala hon kâ, ala asarate zo so! Ala ndu tere ti e pepe! Ala hon kâ, ala hon kâ!” So ala yeke kpe gi kirikiri ti hon, azo ti akodro wande ayeke tene: “Ala lingbi ti duti na popo ti e mbeni pepe.”

Amos 4:3

Fade ala yeke sigigi na lege ti adu ti gbagba ti gbata ni, zo oko oko ayeke kpe mbirimbiri na lege so ayeke na dawa ti lo; fade a yeke bi ala na mbage ti Banga”, so tënë ti yanga KOTA GBIA laa.

Josué 2:9

Lo tene na ala: “Mbi hinga, mbi tene, KOTA GBIA amu kodro ni na ala awe. Mbeto ti ala agbu e mingi si tere ti azo ti kodro ni kue ado na mbeto ndali ti gango ti ala.