Jérémie 49:3 - Mbeti ti Nzapa - Tënë so amu fini

³ Ala, azo ti Heshebon, ala he bia ti totongo kuâ, ala tene: “A buba gbata ti Ai kue awe!” Ala, akete kodro so ayeke nduru na Raba, ala dekongo ngangu! Ala yu bongo ti mua, ala dema tere, ala tambula asi kâ, asi ge na ya ti gbagba: a gbu nzapa Milkom ti gue na lo na kodro wande, lo na awayango-sandaga ti lo na amakonzi ti lo.

Jérémie 49:3 Iomraidhean Croise

2 Samuel 11:1

Na tongo nda ti ngu, na ngoi so agbia ayeke gue ka ti tiri bira, David atokua Yoab, na aturugu ti kota kamba nga na aturugu ti Israel kue ti fâ azo ti Amon, ti ngoro Raba, li-kodro ni ti mu ni na bira. Me David angba ti lo na Jérusalem.

1 Agbia 11:33

Mbi yeke sara ye ni tongaso, ngbanga ti so azo ti Israel ado mbi azia si ala voro Astarte, nzapa-wali ti azo ti mara ti Sidon; ala voro Kemosh, nzapa ti azo ti mara ti Moab nga na Milkom, nzapa ti azo ti mara ti Amon. Azo ti Israel amu lege so mbi fa na ala so pepe, ala sara ye so ayeke nzoni na le ti mbi pepe; ala sara ye na lege ti andia ti mbi pepe nga na lege ti asarango ye so mbi fa na ala so pepe. Ala sara ye tongana ti David, babâ ti Salomon pepe.

1 Agbia 11:5

Salomon avoro Astarte, nzapa-wali ti azo ti Sidon. Lo voro nga Milkom, fungo nzapa ti azo ti mara ti Amon.

2 Agbia 23:13

Ando so azo aleke na ndö ti ahoto si ayeke baa le na Jérusalem, na mbage ti Mbongo, gbia asara si aga *sioni. Salomon, gbia ti Israel asara ando ni ndali ti Astarte, fungo nzapa-wali ti azo ti Sidon. Salomon asara nga ni ndali ti Kemosh, fungo nzapa ti azo ti Moab, ndali ti Milkom, fungo nzapa ti azo ti Amon.

Esdras 2:28

akoli ti kodro ti Betel na ti Ai ayeke 223;

Ésaïe 13:6

Ala dekongo na vundu maa! *Lango ti KOTA GBIA aga nduru awe; lango ni ayeke tongana mbeni kota kpale so ayeke buba ndo kue; kpale ni alondo na lo so ngangu ti lo ahon angangu kue.

Ésaïe 14:31

Ala ayanga ti gbata, ala dema tere ti ala ma! Ala agbata, ala dekongo ma! Sese ti Filistii kue awoko kue awe: mbeni ngbongboro guru ti wâ alondo na Banga si ayeke ga. Na mbage ti awato, ala kue abongbi tere ti ala, zo oko angba na peko pepe.

Ésaïe 15:2

Azo ti Dibon ague ti toto na ndo so a leke na nduzu ti voro anzapa nde daa. Na Nebo nga na Medeba, azo ti Moab ayeke he bia ti demango tere. A kio kua ti li ti azo kue, a fâ kua ti yanga ti azo kue.

Ésaïe 16:7

Me fadeso, azo ti Moab ayeke dema tere ndali ti Moab. Ala kue ayeke he bia ti demango tere ndali ti agatoo so a sara na le ti *vinye so a sara na Kir-Heres. Na vundu na be, ala yeke dema.

Ésaïe 23:1

Nengo tënë na ndö ti Tir. “Ala amangboko ti Tarsis, ala he bia ti demango tere! Biani, a buba ndo ti lutingo ti amangboko ti Tir awe, ada ayeke daa mbeni pepe.” So ala londo na zoa ti Shipre, ala kiri laa ala ma tënë ni.

Ésaïe 23:6

Ala fâ kota ngu-ingo ni ngbii ala si na Tarsis; ala azo so ayeke lango na tere ti ngu so, ala he bia ti demango tere!

Jérémie 4:8

Ayeke nzoni ala yu bongo ti mua, ala toto, ala dema tere, ngbanga ti so ngonzo ti *KOTA GBIA so alondo na tere ti e tongana wâ so, ade ti de pepe.

Jérémie 46:25

KOTA GBIA so ayeke na ndö ti dunia kue, Nzapa ti Israel atene: “Mbi yeke ga na tere ti Amon, nzapa ti Tebes, lo na Ezipte na anzapa ti lo nga na agbia ti lo; mbi yeke ga na tere ti Faraon na azo so kue azia be ti ala na ndö ti lo.

Jérémie 48:2

Ye so ayeke sara gonda ti Moab ahunzi awe. Azo aleke tënë ti sara sioni na gbata ti Heshebon, ala tene: ‘E gue, e zi gbata so na popo ti amara!’ Madmen, mo nga a kanga yanga ti mo awe, bira ayeke tumba peko ti mo.

Jérémie 48:20

Fade azo ni ayeke kiri tënë: “A nika Moab awe! Kamene ahon ndö ti kodro ni awe!” Ala dekongo, ala dekongo ngangu! Ala to mbela na tënë ni na tere ti ngu ti Arnon, ala tene: Moab ati awe!

Jérémie 48:37

Akoli kue akio kua ti li ti ala, ala fâ kua ti yanga ti ala, ala suru tere ti amaboko ti ala na ka si ala yu bongo ti mua.

Jérémie 48:7

Moab, ando mo zia be ti mo na ndö ti asarango ye ti mo nga na ndö ti amosoro ti mo. Mo nga, a gbu mo awe! Fade a yeke gbu nzapa ti mo Kemosh ti gue na lo na lo na kodro wande, lo na awayango-sandaga ti lo na amakonzi ti lo.

Jérémie 49:1

Tënë na ndö ti azo ti mara ti Amon. Tënë so *KOTA GBIA atene ayeke so: “Israel ayeke na molenge-koli pepe? Israel ayeke na mbeni zo ti wara aye na peko ti lo pepe? Ngbanga ti nyen si nzapa Milkom amu sese ti Gad si aga ti lo so? Ngbanga ti nyen si azo ti Milkom amu gbata ti Gad si ayeke lango daa so?

Jérémie 51:8

Me gi hio tongaso, Babilone ati, ya ti lo afâ kue. “Ayeke nzoni ala he bia ti totongo kuâ ndali ti lo. Ala zia mafuta na le ti aka ti lo; e hinga pepe, fade tere ti lo ayeke ga nzoni!”

Jérémie 6:26

“Ala azo ti mbi, ayeke nzoni ala yu bongo ti mua, ala rule tere ti ala na ya ti fuku ti sese, ala sara aye so kue zo ayeke sara na ngoi ti mua, ala toto na ngu ti le tongana ti so zo ayeke toto ndali ti oko molenge ti lo ti koli so akui. Biani, gi hio tongaso, wato ayeke ga ti hunzi e kue!”

Amos 1:15

Fade a yeke gbu gbia ti ala ti gue na lo na kodro wande, lo na amakonzi ti lo kue”; tënë so KOTA GBIA atene laa.

Sofonii 1:5

Fade mbi yeke hunzi azo so ayeke gue na li ti ada ti voro lâ, nze nga na atongoro, mbi yeke hunzi azo so ayeke voro mbi *KOTA GBIA si ala yeke deba na iri ti mbi, me na pekoni, ala yeke deba nga na iri ti yanda ti ala Milkom.

Jacques 5:1

Ala azo ti mosoro, ala ma si! Ala dekongo, ala toto ndali ti pasi so ayeke ga ande na ndö ti ala!

Josué 7:2

So ala yeke na Jéricho, Josué atokua ambeni koli na gbata ti Ai so ayeke nduru na gbata ti Bet-Aven, na mbage ti To ti Betel. Lo tene na ala: “Ala gue *abembe ndo na gbata ni.” Akoli ni ague, abembe ndo ni.

Josué 8:1

*KOTA GBIA atene na Josué: “Sara mbeto pepe, be ti mo awoko pepe. Mu aturugu ti mo kue, mo gue, mo tiri bira na azo ti gbata ti Ai. Baa, mbi zia na maboko ti mo awe gbia ti Ai, azo ti gbata ti lo, gbata ti lo nga na kodro ti lo.

Josué 8:28

Josué agbi Ai; lo sara si gbata ni aga gba ti têne kpu na kpu, aga tongana benyama; angba tongaso ngbii asi laso.