Jérémie 49:2 - Mbeti ti Nzapa - Tënë so amu fini

² Ndani laa, ambeni lango ayeke ga so mbi yeke sara titene azo ama dekongo ti bira na Raba, li-kodro ti azo ti mara ti Amon; so tënë ti yanga ti KOTA GBIA laa. Fade gbata ni ayeke ga ngonda, wâ ayeke gbi akete kodro so ayeke na tere ni. Na pekoni, Israel ayeke kiri ti mu ye so ayeke lani ti lo.” Tënë so KOTA GBIA atene laa.

Jérémie 49:2 Iomraidhean Croise

2 Samuel 11:1

Na tongo nda ti ngu, na ngoi so agbia ayeke gue ka ti tiri bira, David atokua Yoab, na aturugu ti kota kamba nga na aturugu ti Israel kue ti fâ azo ti Amon, ti ngoro Raba, li-kodro ni ti mu ni na bira. Me David angba ti lo na Jérusalem.

Abia (Psaumes) 48:11

Nzapa, azo ayeke gonda mo ngbii asi na nda ti sese kue, ala hinga mo ngbii asi na nda ti sese kue. Maboko ti mo ti koli asi singo na sarango ye ti mbirimbiri.

Abia (Psaumes) 97:8

Azo ti *Sion ama tënë ni si ala duti na ngia. Agbata ti Juda ayeke dodo na ngia ndali ti fango ngbanga ti mo KOTA GBIA.

Ésaïe 11:14

Na mbage ti Do, ala yeke ti na ndö ti azo ti Filistii; na mbage ti To, ala kue ayeke nzi ye ti amara so ayeke na benyama: azo ti mara ti Edom na ti Moab ayeke ti na gbe ti ala, azo ti mara ti Amon ayeke ga angbaa ti ala.

Ésaïe 17:1

Nengo tënë na ndö ti Damas. Baa, Damas ayeke kiri ti ngba gbata pepe, gi gba ti atêne laa ayeke ngba.

Jérémie 4:19

Ae ya ti mbi! Ya ti mbi! Ya ti mbi ayeke so mbi sioni; be ti mbi kue ayeke so mbi! Ya ti mbi ni ayeke kporo kporongo. Lege titene mbi kanga yanga ti mbi ayeke daa pepe, ngbanga ti so mbi ma gi toto ti didi na dekongo ti azo ti bira.

Jérémie 49:1

Tënë na ndö ti azo ti mara ti Amon. Tënë so *KOTA GBIA atene ayeke so: “Israel ayeke na molenge-koli pepe? Israel ayeke na mbeni zo ti wara aye na peko ti lo pepe? Ngbanga ti nyen si nzapa Milkom amu sese ti Gad si aga ti lo so? Ngbanga ti nyen si azo ti Milkom amu gbata ti Gad si ayeke lango daa so?

Ezekiel 21:20

Yongoro zeme ni ayeke woko be ti azo ni, ayeke sara si ala ti gbani gbani. Mbi zia yongoro zeme ti fango zo na yanga ti ada kue; a sara ni ti bi na wâ ti bekpa, yanga ni aza ti fâ na azo kue.

Ezekiel 21:25

Oko ti alege ni, aturugu ti Babilone ayeke mu ni ti gue na Raba, gbata ti azo ti mara ti Amon. Use lege ni, ala yeke mu ni ti gue na Juda, na Jérusalem, gbata so a sara ngangu gbagba na tere ni.

Amos 1:14

Fade mbi yeke zia wâ na gbagba ti Raba si wâ ni ayeke gbi ayangbo ti gbata ni kue na lango ti bira, na popo ti dekongo ti bira, na ndembe so pupu ti ngu-Nzapa na ngangu pupu ayeke ya.

Abdias 1:19

Azo ti Juda so ayeke lango na mbage ti Mbongo ayeke mu hoto ti Ezau. Ala so ayeke lango na *Kodro-ti-gbeni ayeke mu sese ti Filistii, sese ti Samarii, sese ti Efraim. Azo ti Benjamin ayeke mu ti ala sese ti Galaad.

Wungo ti azo 10:9

“Na kodro ti ala, tongana ala gue ti tiri bira na awato ti ala so ayeke sara ngangu na ala, ayeke nzoni ala huru tatalita ni si ngangu dekongo ayeke na gbe ni. Tongaso, mbi KOTA GBIA Nzapa ti ala, mbi yeke dabe ti mbi na ala si mbi yeke zi ala na maboko ti awato ti ala ni.

Wungo ti azo 21:25

Azo ti Israel amu agbata ti azo ti Amori kue, ala mu nga gbata ti Heshebon na akete kodro so kue ayeke na tere ni si ala sara kodro kâ.

Ndia ti fani use ni 13:16

fade ala yeke fâ azo ti gbata ni kue, ala yeke fâ nga anyama kue. Na pekoni, ala yeke buba gbata ni na aye ti ya ni kue:

Ndia ti fani use ni 3:11

– Og, gbia ti Bashan ayeke tanga ti azo ti mara ti Refa so angba na fini. Laso na Raba, li-kodro ti azo ti mara ti Amon, azo angba ti baa gbogbo ti lo, gbogbo ti lo ti wen so yongoro ni ahon metere osio, nduru ni ayeke metere use. –

Josué 17:11

Na sese ti Isakar na ti Aser, a mu na azo ti mara ti Manase Bet-Shean na Ibleam nga na akete kete kodro so ayeke na tere ni. A mu nga na ala Dor, En-Dor, Taanak, Megido na azo ti agbata ni nga na akete kete kodro so ayeke na tere ni, so ti tene lando ti Dor.

Josué 17:16

Ahale ti Joseph atene na lo: “Biani, sese ti ahoto ni alingbi na e pepe. Me azo ti Kanaan so kue ayeke duti na sese ti alando ayeke na apusu ti bira so a sara na wen; azo so ayeke na Bet-Shean na akete kete kodro so ayeke na tere ni nga na ala so ayeke na popo-hoto ti Yizreel, ala nga ayeke na apusu ti mbarata ti wen.”