Jérémie 49:11 - Mbeti ti Nzapa - Tënë so amu fini

¹¹ ‘Ala zia anyindu ti ala na mbi senge; mbi laa, fade mbi yeke bata ala. Awali-mua ti ala alingbi ti zia be ti ala na ndö ti mbi senge.’ ”

Jérémie 49:11 Iomraidhean Croise

Abia (Psaumes) 146:9

KOTA GBIA ayeke bata awande, lo yeke mu maboko na nyindu nga na wali-mua, me lo yeke sara si azo ti sioni agirisa lege.

Abia (Psaumes) 68:5

Ala azo, ala he bia na Nzapa, ala he bia ti gonda na iri ti lo! Ala leke lege ndali ti lo so lo yeke hon na ndö ti ambinda tongana zo ti kpengo na mbarata. Iri ti lo ayeke *KOTA GBIA, ala dodo na ngia na le ti lo!

Abia (Psaumes) 82:3

Zo so ngangu atia lo nga na nyindu, ala fâ ngbanga ti ala na legeni! Zo ti mawa na zo so ye atia lo, ala fâ ngbanga ti ala mbirimbiri!

Osée 14:3

Ala kiri na KOTA GBIA si ala tene na lo atënë so: “Sioni so kue e sara so, zi tënë ni na li ti e. Yamba e na nzoni be! E ye ti ya na mo atënë ti yanga ti e, ahon titene e ya na mo *sandaga ti akoli-bagara.

Jonas 4:11

Ti mo, mo ye fade titene mbi baa mawa ti azo ti Ninive pepe? Ninive, kota gbata so wungo ti azo ti ya ni ahon saki ngbangbo oko na baleuse, azo ni ahinga ti kangbi popo ti ye ti nzoni na ye ti sioni pepe; anyama nga ayeke na ya ni gbani gbani.

Zakarii 7:10

Ala sara mbana pepe na awali-mua nga na anyindu, wala na agene nga na azo ti mawa. Ayeke nzoni zo agbu li ti lo pepe ti sara sioni na mba ti lo.”

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Ndia ti fani use ni 10:18

Lo yeke gbu koko ti anyindu na awali-mua; lo ye awande si lo yeke mu na ala kobe ti tengo ni na bongo ti yungo ni.

1 Timothée 5:5

Ti taa wali-mua so lo yeke duti gi lo oko, lo zia be ti lo ti ku Nzapa; lo sambela lakue bi na lâ titene Nzapa amu maboko na lo.

Jacques 1:27

Mbirimbiri vorongo Nzapa so sioni ye oko ayeke daa pepe, ayeke mungo maboko na anyindu nga na awali-mua so ayeke baa pasi; mbirimbiri vorongo Nzapa ayeke nga ti ke sarango aye ti potopoto ti dunia so.