Jérémie 49:10 - Mbeti ti Nzapa - Tënë so amu fini

¹⁰ Ala, *ahale ti Ezau, mbi laa mbi yeke zi aye ti ala na maboko ti ala, mbi yeke fa ndo so ala honde tere ti ala daa: ala lingbi ti honde tere ti ala mbeni pepe. Mara ti ala, na a-ita ti ala na azo so ayeke nduru na ala, fade a yeke hunzi ala kue; zo ayeke kiri ti tene na ala pepe, atene:

Jérémie 49:10 Iomraidhean Croise

Abia (Psaumes) 37:28

Biani, KOTA GBIA aye sarango ye ti mbirimbiri, lo yeke zia azo ti lo pepe. Lo yeke bata ala lakue; me ti ahale ti azo ti sioni, lo yeke bi ala na gigi.

Ésaïe 17:14

Na lakui, ala yeke zia kota mbeto na be ti azo; me kozo titene ndo ahan, mbeni ye oko akiri angba pepe. Azo so ayeke gbu aye ti e, baa ye so ayeke si ande na ala laa; azo so ayeke nzi aye ti e, baa ye so ayeke si ande na ala laa.

Ésaïe 45:3

Mbi yeke mu na mo amosoro so alu na gbe ti sese nga na amosoro so ahonde. Tongaso si mo hinga, mo tene, mbi laa mbi yeke KOTA GBIA. Sirus, mbi iri mo taa na iri ti mo, mbi so mbi yeke Nzapa ti Israel.

Jérémie 13:26

Mbi nga, mbi yeke yo yanga ti bongo ti mo na nduzu, ngbii asi na le ti mo si azo ayeke baa tere ti mo so angba ndumbu so.

Jérémie 23:24

Tongana mbeni zo ahonde tere ti lo, mbi lingbi ti baa lo pepe? So tënë ti yanga ti KOTA GBIA laa. Mbi yeke na ndo kue: ataa na yayu wala na sese; ala hinga tongaso pepe? So tënë ti yanga ti KOTA GBIA laa.”

Abia ti demango tere 4:22

Azo ti gbata ti Sion, akpale so asi na ala na peko ti asioni ti ala aga nduru ti hunzi awe. Titene a gbu ala na ngangu a gue na ala na kodro wande, Nzapa ayeke kiri ti sara ye so pepe. Ti ala azo ti sese ti Edom, asioni ye so ala sara so, KOTA GBIA ayeke zia peko ni na ala senge pepe; fade lo yeke fa asiokpari ti ala na gigi.

Amos 9:3

Tongana ala gue, ahonde tere ti ala na li ti hoto ti Karmel, mbi yeke gue ti gi ala si mbi yeke gboto ala kâ. Tongana ala linda na gbe ti kota ngu-ingo titene le ti mbi abaa ala pepe, mbi yeke tokua sioni ngbo ti gue ti te ala kâ.

Abdias 1:6

Biani, azo agi ya ti da ti Ezau kue awe! Mosoro ti lo so lo honde ni so, azo awara ni si ala sigigi na ni awe!

Abdias 1:9

Ti mo, gbata ti Teman, fade mbeto ayeke hon ndö ti angangu turugu ti mo. Nilaa fade a yeke fâ akoli kue ti ndö ti hoto ti Ezau.

Rome 9:13

Nilaa Mbeti ti Nzapa atene: “Mbi ye Jacob, me mbi ke Ezau.”