Jérémie 49:1 - Mbeti ti Nzapa - Tënë so amu fini

¹ Tënë na ndö ti azo ti mara ti Amon. Tënë so *KOTA GBIA atene ayeke so: “Israel ayeke na molenge-koli pepe? Israel ayeke na mbeni zo ti wara aye na peko ti lo pepe? Ngbanga ti nyen si nzapa Milkom amu sese ti Gad si aga ti lo so? Ngbanga ti nyen si azo ti Milkom amu gbata ti Gad si ayeke lango daa so?

Jérémie 49:1 Iomraidhean Croise

Tongo nda ti aye 19:38

Ngambe ni nga adu molenge-koli si lo di iri ti molenge ni Ben-Ami. Lo laa lo yeke kotara ti azo ti Amon ti laso so.

2 Agbia 10:33

Tongaso Hazael azi na maboko ti ala akodro so kue alondo na To ti ngu ti Jourdain ngbii asi na Banga ti Aroer, na tere ti ngu ti Arnon. Lo zi nga na maboko ti ala akodro ti sese ti Galaad na ti Bashan so azo ti mara ti Ruben, ti Gad na ti Manase aduti daa.

2 Agbia 24:2

*KOTA GBIA atokua na tere ti Yoakim gba ti azo ti Babilone so ayeke gbu ye ti azo na ngangu, ala ti Sirii, ala ti Moab na ala ti Amon. Ala tuku na ya ti kodro-gbia ti Juda si abuba kodro ni kue alingbi na tënë ti yanga ti KOTA GBIA so lo tene na lege ti azo ti kua ti lo, awayanga-Nzapa.

2 Mbai 20:1

Na pekoni, azo ti Moab, azo ti Amon na azo ti mara ti Meun aga ti tiri bira na Yosafat.

2 Mbai 20:23

Azo ti Amon na ti Moab alondo ti tiri na azo so ayeke lango na sese ti ahoto ti Seir. Ala fâ azo ti sese ni kue, ahunzi ala. Na pekoni, ala fâ tere na popo ti ala.

Néhémie 2:19

Me so Sanebalat, zo ti gbata ti Horon, lo na Tobia, zo ti mara ti Amon so ayeke mu maboko na lo, na Geshem so ayeke arabu ama tënë ni, ala to nda ti he e na ngia; ala baa e tongana ambumbuse zo, ala tene: “Nyen laa ala yeke sara so, nyen? Ala ye ti tomboka na tere ti gbia laa ma?”

Néhémie 4:7

Tongaso mbi leke mbeni ndo so gbagba ni ayeke na gbeni, na peko ti gbagba ni, mbi zia azo ni na lege ti kete mara ti ala; ayongoro zeme, alikongo na akokora ayeke na maboko ti ala.

Abia (Psaumes) 83:7

Azo ni ayeke azo ti Edom, ti Ismael, ti Moab na azo ti Agar,

Abia (Psaumes) 9:6

Mo be le na amara nde, mo sara si azo ti sioni akui; mo sara si iri ti ala ahon biani biani.

Jérémie 12:14

Tënë so KOTA GBIA atene ayeke so: “Asioni zo so ayeke lango nduru na azo ti mbi, ala ndu ye so aga ye ti mbi, ala ndu sese so mbi mu ando na Israel, azo ti mbi. Fade mbi yeke gboto azo ni na ndö ti sese ti ala tongana ti so a yeke gboto pere; mbi yeke gboto nga azo ti Juda na popo ti ala.

Jérémie 25:21

– azo ti sese ti Edom; azo ti sese ti Moab na ala ti Amoni;

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 27:3

Na pekoni, mo yeke tokua ni na gbia ti Edom, ti Moab, ti Amon, ti Tir na ti Sidon; mo yeke mu ni na alembe ti agbia ni so aga na Jérusalem ti baa gbia Sedesias titene ala gue na ni.

Jérémie 48:1

Tënë na ndö ti Moab. Tënë so *KOTA GBIA so ayeke na ndö ti dunia kue, Nzapa ti Israel atene ayeke so: “So mawa na azo ti Nebo: azo abuba gbata ni awe! So ye ti kamene na gbata ti Kiriataim: a mu gbata ni na bira awe! So ye ti kamene na gbata so ngangu gbagba ayeke na tere ni: a kungbi gbagba ni na sese awe!

Jérémie 49:23

Tënë na ndö ti Damas. “Kamene ahon ndö ti azo ti agbata ti Hamat na ti Arpad, ngbanga ti so ala ma sioni sango si ala yeke gi be ti ala. Ala yeke do tongana kota ngu-ingo so alingbi ti duti kpoo pepe.

Jérémie 49:28

Tënë na ndö ti a-arabu ti Kedar na akodro-gbia ti Hasor so Nabukodonosor, gbia ti Babilone, akinda ala na ya ti bira. Tënë so *KOTA GBIA atene ayeke so: “Ala azo, ala londo! Ala gue na tere ti Kedar ti mu ni na bira! Ala buba ye kue na ndo ti azo ti benyama!

Jérémie 49:7

Tënë na ndö ti Edom. Tënë so KOTA GBIA so ayeke na ndö ti dunia kue atene ayeke so: “Azo ti ndara ayeke na Teman mbeni pepe? Li ti azo ti hingango ndo ayeke daa mbeni pepe? Ndara ti ala afun awe?

Ezekiel 21:25

Oko ti alege ni, aturugu ti Babilone ayeke mu ni ti gue na Raba, gbata ti azo ti mara ti Amon. Use lege ni, ala yeke mu ni ti gue na Juda, na Jérusalem, gbata so a sara ngangu gbagba na tere ni.

Ezekiel 25:1

Tënë ti *KOTA GBIA asi na mbi, atene:

Sofonii 1:5

Fade mbi yeke hunzi azo so ayeke gue na li ti ada ti voro lâ, nze nga na atongoro, mbi yeke hunzi azo so ayeke voro mbi *KOTA GBIA si ala yeke deba na iri ti mbi, me na pekoni, ala yeke deba nga na iri ti yanda ti ala Milkom.

Wungo ti azo 1:24

Ti ahale ti Gad, a diko ala na lege ti kete mara ti ala oko oko, sewa ti ala oko oko; a su na mbeti iri ti akoli oko oko kue, ala so ngu ti ala alingbi baleuse na ala so ngu ti ala ahon baleuse, ala so alingbi ti sara kua ti turugu.

Ndia ti fani use ni 2:19

Ala yeke si na ndo so abaa le na sese ti azo ti mara ti Amon. Ala gi tënë na azo ti mara ti Amon ni pepe; ala tiri bira na ala pepe! Biani, fade mbi yeke mu sese na ala pepe na ya ti kodro ti azo ti mara ti Amon ni. Mbi mu sese ni na ahale ti Lot awe titene aga ti ala.”

Ndia ti fani use ni 23:3

Zo so babâ ti lo adu lo na mbeni wali nde, alingbi lo li na ya ti bongbi ti azo ti KOTA GBIA pepe. Ti londo na lo ngbii asi na molongo ti *ahale ti lo baleoko, alingbi zo oko ali na ya ti bongbi ti azo ti KOTA GBIA pepe.

Ndia ti fani use ni 23:4

Fade azo ti mara ti Amon na ti Moab ayeke li laoko pepe na ya ti bongbi ti azo ti KOTA GBIA. Ti londo na ala ngbii asi na molongo ti ahale ti ala baleoko, fade zo oko ayeke li na ya ti bongbi ti azo ti KOTA GBIA pepe.