Jérémie 48:9 - Mbeti ti Nzapa - Tënë so amu fini

⁹ Ala mu *kpangi na Moab, lo ye ti huru ti hon! Agbata ti lo ayeke ga ngonda, zo ayeke duti daa mbeni pepe.

Jérémie 48:9 Iomraidhean Croise

Abia (Psaumes) 11:1

Bia ti David; bia so ayeke ndali ti makonzi-bia. *KOTA GBIA ayeke ndo so mbi kpe daa ti bata tere ti mbi. Ngbanga ti nyen si ala tene na mbi, atene: “Kpe mo gue na ndö ti ahoto tongana ndeke!”?

Abia (Psaumes) 55:6

Mbeto asara mbi mingi, tere ti mbi ayeke do; mbeto ahon ndö ti mbi.

Ésaïe 16:2

Awali ti Moab ayeke luti na ndo so a yeke fâ ngu ti Arnon daa na gere. Ala kpa andeke so akpe, andeke so a tumba ala na da ti ala.

Jérémie 44:22

KOTA GBIA akanga be ti lo gbaa na asioni sarango ye ti ala nga na asioni sarango ye ti ala so zo alingbi ti baa na le ti lo fani use pepe so. Ndani laa kodro ti ala aga ndo ti gba ti atêne, aga ngonda si zo ayeke daa mbeni pepe, aga tapande ndali ti azo so ayeke deba amba ti ala; ye ni laa a yeke baa ni laso so.

Jérémie 46:19

Azo ti kodro ti Ezipte, ngoi titene ala ro akungba ti ala ti gue na kodro wande alingbi awe. Biani, fade gbata ti Manfis ayeke ga ngonda, wâ ayeke gbi ni, zo ayeke kiri ti duti daa pepe.

Jérémie 48:28

Ala, azo ti Moab, ala zia agbata, ala gue, asara kodro na popo ti atêne. Ala sara ye tongana *ambipa so asara da ti ala na mbeni mbage ti kota du kâ.

Sofonii 2:9

Mbi yeke na fini! So tënë ti yanga ti *KOTA GBIA so ngangu ti lo ahon angangu kue, Nzapa ti Israel laa: Ndani laa, fade Moab ayeke ga tongana Sodome, azo ti Amon ayeke ga tongana Gomore. Kodro ti ala ayeke ga mbeni ndo so akeke ti ki amu ya ni kue, mbeni ndo so gi ingo laa ayeke daa, kodro ni ayeke buba biani biani. Tanga ti azo ti mbi so angba na fini, ala yeke ro aye ti kodro ni kue, ala yeke mu kodro ni ti ga ti ala.”

Aye so Nzapa afa 12:14

Me a mu *akpangi use ti kota *ngoalo na wali ni titene lo huru na ni, lo gue na benyama. Lo gue na ndo so a leke ndali ti lo titene lo duti yongoro na tere ti sioni nyama ni. Kâ, a yeke mu kobe na wali ni na ya ti ngu ota na ndambo.