Jérémie 48:6 - Mbeti ti Nzapa - Tënë so amu fini

⁶ ‘Ala kpe ahon, ala soo fini ti ala-oo! Ala ngba na ya ti benyama tongana lele ti ngonda.’

Jérémie 48:6 Iomraidhean Croise

Tongo nda ti aye 19:17

So ala sigigi na lo awe, ala tene na lo: “Kpe, mo hon! Tongaso si mo soo fini ti mo. Mo baa ndo na peko ti mo pepe! Mo luti na mbeni ndo na lando ni so pepe! Mo kpe, mo gue na ndö ti hoto! Tongaso si mo kui pepe.”

Abia (Psaumes) 11:1

Bia ti David; bia so ayeke ndali ti makonzi-bia. *KOTA GBIA ayeke ndo so mbi kpe daa ti bata tere ti mbi. Ngbanga ti nyen si ala tene na mbi, atene: “Kpe mo gue na ndö ti ahoto tongana ndeke!”?

Jérémie 17:6

Lo yeke tongana mbeni kete keke na ndö ti kuru sese: pasa ti lo ayeke daa oko pepe titene nzoni ye aga na lo. Lo yeke ngba na ndo so gi atêne laa ayeke daa, na ndö ti sese so ingo asi singo daa, ndo so zo asara kodro daa pepe.

Jérémie 51:6

Ala azo, ala sigigi na ya ti Babilone, ala kpe ahon! Ayeke nzoni zo oko oko asoo fini ti lo; tongaso si ala kui ndali ti sioni ti lo pepe. Biani, ndembe titene KOTA GBIA akiri na kodro ni peko ti sioni ti lo alingbi awe. Lo futa kodro ni alingbi na ye so lo sara.

Nzoni Tënë so Luc asu na mbeti 3:7

Gba ti azo aga na Jean titene lo batize ala si lo tene na ala, lo tene: “Ala, asioni mara ti ngbo! Zo wa laa afa na ala lege ti kpe ngonzo ti Nzapa so ayeke ga so?

Ahebro 6:18

Dengo ba so Nzapa ade na zendo so lo mu so ayeke ngba lakue; tënë ti mvene ayeke na ya ti aye use so oko pepe. Aye use so ayeke kpengba e mingi, e so e zia be ti e ti ku ti wara ye so Nzapa aye ti mu na e.