Jérémie 48:3 - Mbeti ti Nzapa - Tënë so amu fini

³ A ma dekongo ti azo na Horonaim, atene: ‘Ye kue abuba awe! So kota kpale ti bubango ndo!’

Jérémie 48:3 Iomraidhean Croise

Ésaïe 15:2

Azo ti Dibon ague ti toto na ndo so a leke na nduzu ti voro anzapa nde daa. Na Nebo nga na Medeba, azo ti Moab ayeke he bia ti demango tere. A kio kua ti li ti azo kue, a fâ kua ti yanga ti azo kue.

Ésaïe 15:5

Mbi dema na vundu ndali ti Moab. Azo ni akpe ngbii asi na Soar nga na Eglat-Selisia. Ala yeke toto si ala yeke ma hoto ti Luhit. Na lege ti guengo na Horonaim, ala yeke dekongo, atene: “Ye kue abuba awe!”

Ésaïe 15:8

Na tere ti sese ti Moab kue, azo ayeke dekongo. Abia ti demango tere ti ala ague ngbii asi na Eglaim, ague ngbii asi na du ti ngu ti Elim.

Ésaïe 22:4

Ndani laa mbi tene na ala: “Ala zia mbi, mbi toto ngangu mingi. Kota kpale asi na azo ti mbi, ala tara ti de be ti mbi pepe.

Jérémie 20:16

Ayeke nzoni zo so aga tongana agbata so KOTA GBIA abuba ni si lo baa mawa ni pepe so! Ayeke nzoni na ndaperere, zo ni ama toto ti demango tere si na bekombite, lo ma dekongo ti bira!

Jérémie 47:2

Tënë so KOTA GBIA atene ayeke so: “Baa, ngu so asuku alondo na Banga ti ga; aga ngu so ayeke sua ngangu, asuku amu le ti kodro kue nga na aye so ayeke na ya ni; amu agbata na azo so ayeke lango na ya ni. Azo ato nda ti dekongo; azo ti kodro kue ayeke he bia ti totongo kuâ.

Jérémie 48:34

Azo ti Heshebon adekongo; dekongo ni asi na Elale. A ma go ti ala na Yahas; a ma nga go ti ala, ti londo na Soar ngbii asi na Horonaim nga na Eglat-Selisia. Ataa angu ti Nimrim ahole kue si aga kuru sese.

Jérémie 48:4

Kodro ti Moab ati awe! A ma amolenge ti lo so adekongo ngangu.

Jérémie 48:5

Azo ayeke toto si ayeke ma hoto ti Luhit. So azo alondo na Horonaim ti zu, a yeke ma dekongo ti mawa ndali ti aye so abuba.

Jérémie 51:54

Ala ma si: A ma dekongo so alondo na Babilone; wuluwulu ti mbeni ye so abuba ahon ndoni alondo na kodro ti Kalde.