Jérémie 48:2 - Mbeti ti Nzapa - Tënë so amu fini

² Ye so ayeke sara gonda ti Moab ahunzi awe. Azo aleke tënë ti sara sioni na gbata ti Heshebon, ala tene: ‘E gue, e zi gbata so na popo ti amara!’ Madmen, mo nga a kanga yanga ti mo awe, bira ayeke tumba peko ti mo.

Jérémie 48:2 Iomraidhean Croise

Ésaïe 15:1

Nengo tënë na ndö ti Moab. Gbata ti Ar-Moab, a buba ni gi na bi ni oko, ye oko angba na ya ni pepe. Gbata ti Kir-Moab, a buba ni gi na bi ni oko, ye oko angba na ya ni pepe.

Ésaïe 15:5

Mbi dema na vundu ndali ti Moab. Azo ni akpe ngbii asi na Soar nga na Eglat-Selisia. Ala yeke toto si ala yeke ma hoto ti Luhit. Na lege ti guengo na Horonaim, ala yeke dekongo, atene: “Ye kue abuba awe!”

Ésaïe 16:14

Fadeso, KOTA GBIA atene: “Na peko ti ngu ota, so ti tene mbeni lango oko ayeke ti na ndö ni pepe, akota zo ti Moab na gba ti azo ti kodro ni ayeke ngba zo pepe. Gi azo kete laa ayeke ngba ande, wungo ti ala ayeke kpa ye oko pepe.”

Ésaïe 25:10

Maboko ti KOTA GBIA ayeke na ndö ti hoto so.” Me a yeke do Moab na gbe ti gere na ndo so lo yeke daa, tongana ti so a yeke do holengo pere na ndo so puru ti bagara ayeke daa.

Jérémie 25:15

Tënë so *KOTA GBIA, Nzapa ti Israel atene na mbi ayeke so: “Mu na maboko ti mbi kopo ti vin so; ngonzo ti mbi asi singo na ya ni. Mu ni na amara so kue mbi yeke tokua mo na mbage ti ala titene ala nyon.

Jérémie 25:17

Tongaso, mbi mu kopo ni na maboko ti KOTA GBIA si mbi mu na amara so kue KOTA GBIA atokua mbi na mbage ti ala titene ala nyon ni.

Jérémie 31:36

So tënë ti yanga ti KOTA GBIA laa: “Mbeni lâ, tongana mbi lingbi ti yeda titene ngangu ti andia ti dunia so amingo, andaa mbi lingbi nga ti yeda titene azo ti Israel kue akiri abongbi mbeni pepe ti ga mara oko!

Jérémie 33:24

“Mo ma tënë so azo ayeke tene so pepe? Azo ni atene: ‘Israel na Juda, asewa use so KOTA GBIA asoro ala lani so, fadeso lo ke ala awe!’ Na tenengo mara ti tënë tongaso, azo ni abaa azo ti mbi tongana mara mbeni pepe; ala baa azo ni tongana ambumbuse zo.

Jérémie 46:28

Mo Israel, zo ti kua ti mbi, sara mbeto pepe! So tënë ti yanga ti KOTA GBIA laa. Biani, mbi yeke na mo. Amara so kue mbi kangbi mo lani na popo ti ala, mbi yeke fâ ala kue ti hunzi ala; me ti mo, mbi yeke hunzi mara ti mo pepe. Biani, mbi pika mo, me na legeni; mbi lingbi fade ti zia mo senge tongaso pepe!”

Jérémie 48:17

Ala kue, ala so alango nduru na lo, ala hinga lo nzoni so, ala dema lo. Ala tene: “Azo-oo, azo! Mara ti ngangu tongaso, mara ti gonda na komandema tongaso, ya ni alingbi ti fâ?”

Jérémie 48:42

A buba ye kue na Moab awe, lo kiri lo ngba mara pepe. Lo baa fade tere ti lo kota ahon KOTA GBIA.

Jérémie 48:45

Azo so akpe, ngangu ti ala ahunzi awe, nilaa ala luti ti wu tere ti ala na Heshebon. Me mbeni wâ asigigi na ya ti gbata ni; na yangbo ti gbia Sihon, mbeni menga ti wâ ague, agbi kodro ti azo ti sarango wusuwusu ni so, ti londo na katikati ti Moab ngbii asi na be ti kodro ni.

Jérémie 49:3

Ala, azo ti Heshebon, ala he bia ti totongo kuâ, ala tene: “A buba gbata ti Ai kue awe!” Ala, akete kodro so ayeke nduru na Raba, ala dekongo ngangu! Ala yu bongo ti mua, ala dema tere, ala tambula asi kâ, asi ge na ya ti gbagba: a gbu nzapa Milkom ti gue na lo na kodro wande, lo na awayango-sandaga ti lo na amakonzi ti lo.

Jérémie 49:37

Mbi yeke sara si azo ti Elam ado na mbeto na le ti awato ti ala nga na le ti azo so aye gi kuâ ti ala. Ye ti vundu so mbi yeke tokua ti ga na ndö ti ala ayeke ngonzo ti mbi ti wâ; so tënë ti yanga ti KOTA GBIA laa. Mbi yeke tumba peko ti ala na bira ngbii mbi hunzi ala kue.

Wungo ti azo 32:37

Azo ti mara ti Ruben akiri aleke agbata ti Heshebon, ti Elale, ti Kiriataim,