Jérémie 48:16 - Mbeti ti Nzapa - Tënë so amu fini

¹⁶ Lango ti tingo ti Moab aga nduru awe, ye ti ngangu ayeke ga na ndö ti lo fafadeso.

Jérémie 48:16 Iomraidhean Croise

Amato 7:23

ngbii mbeni le ti kokora akoro be ti lo. Lo ga tongana ndeke so ahuru ti ti na ya ti gbanda, me lo hinga ni pepe.

Ésaïe 13:22

Agbongo ayeke lango na ya ti ayangbo ti gbata ni si *anzagua ayeke lango ti ala na ya ti akota da ti ngia ti gbata ni. Ngoi ti Babilone aga nduru awe, lango ni asi awe; a yeke kiri ti zia mbeni lango na ndö ni pepe.

Jérémie 1:12

KOTA GBIA atene na mbi: “Mo baa ye ni nzoni! Fade le ti mbi ayeke kpengba na ndö ti tënë ti mbi, ti sara si aga taa-tënë.”

Ezekiel 12:23

Tene na azo ti Israel, mo tene: Tënë so mbi Kota Gbia NZAPA, mbi tene ayeke so: Mbi yeke kai mato so na yanga ti ala; mbeni zo ayeke kiri ti tene ni pepe na sese ti Israel. Me mo tene na ala: ‘Lango ayeke ga nduru so aye so kue azo abaa na ya ti mbeni ye tongana bango-li ayeke ga taa-tënë.’

Ezekiel 12:28

Ndali ni, mo tene na ala, mo tene: Tënë so mbi Kota Gbia NZAPA, mbi tene ayeke so: ‘Atënë so kue mbi yeke tene, ayeke ninga pepe ti ga taa-tënë.’ ” So tënë ti yanga ti Kota Gbia NZAPA laa.

Ndia ti fani use ni 32:35

mbi yeke kiri peko ti sioni na ala, mbi yeke kiri peko ti ye na ala alingbi na sarango ye ti ala na ndembe so gere ti ala ayeke *zene si ala ye ti ti. Biani, lango ti ye ti ngangu ni aga nduru awe, lango ti kuâ ti ala angba yongoro pepe.’

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.