Jérémie 48:12 - Mbeti ti Nzapa - Tënë so amu fini

¹² “Tënë so KOTA GBIA atene ayeke so: Ndani laa, mbeni lango ayeke ga so mbi yeke tokua azo titene ala tuku lo na ya ti mbeni ta nde. Ye so kue ayeke na ya ti ata ti lo, fade azo ni atuku na sese si ala fâ ya ti ata ni.

Jérémie 48:12 Iomraidhean Croise

Abia (Psaumes) 2:9

Fade mo yeke sara ngangu komandema na ndö ti ala, mo yeke kungbi ala tongana ta ti sese.’ ”

Ésaïe 16:2

Awali ti Moab ayeke luti na ndo so a yeke fâ ngu ti Arnon daa na gere. Ala kpa andeke so akpe, andeke so a tumba ala na da ti ala.

Ésaïe 30:14

Ya ti dere ni afâ kete kete tongana ta ti wasarango-ta; zo alingbi ti kiri ti leke ni pepe. Zo alingbi ti mu mbeni fango ni ti mu na le ti wâ na ya ti duke pepe wala ti to na ngu na ya ti du ti ngu pepe.”

Jérémie 14:3

Akota zo atokua azo ti kua ti ala ti to ngu, azo ti kua ni ague na du ti ngu, me ala wara ngu pepe. Ala mu lege akiri, ya ti ata ti ala senge; kamene agbu le ti ala, ala yeke na vundu si ala ba li ti ala na sese.

Jérémie 19:10

“Na pekoni, fade mo yeke bo ya ti ta ni na sese na le ti azo so amu peko ti mo;

Jérémie 25:34

Ala azo ti li ti kodro, ala dema tere, ala dekongo! Ala awabatango-taba, ala rule tere ti ala na sese! Biani, lango ti fango ala alingbi awe. Fade a yeke kangbi ala kirikiri si ala yeke ti na sese tongana ta ti ngangu ngere.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 48:11

“Ti londo na ngoi so Moab ade kete ngbii asi laso, lo duti nzoni: laoko a gbu lo a gue na lo na kodro wande pepe. Lo duti ando gi kpoo tongana vin so aduti na ndö ti puru ni. Laoko a tuku vin ni na ya ti mbeni ta nde pepe. Ndani laa lo bata nzerengo ti lo nga na nzoni fion ti lo.

Jérémie 48:13

Fade Kemosh, nzapa ti Moab ayeke bi kamene na le ti lo tongana ti so Betel, nzapa ti Israel abi kamene na le ti lo. Andaa Israel azia ando be ti lo kue na ndö ti nzapa ni so.

Jérémie 48:15

Ka so kodro ti Moab abuba kue awe so, azo alondo ti tiri bira na agbata ni si ala mu angangu maseka ti lo ti gue na ala na ndo ti fango azo so!” Gbia so iri ti lo ayeke KOTA GBIA so ayeke na ndö ti dunia kue, tënë so lo tene ayeke so:

Jérémie 48:38

Na li ti ada so ayeke na Moab nga na ndo so gba ti azo ayeke bongbi daa, gi abia ti totongo kuâ si a yeke ma. “Mbi fâ ya ti Moab awe tongana ti so zo a fâ ya ti ta so lo ke ni awe”; so tënë ti yanga ti KOTA GBIA laa.

Jérémie 48:8

Fade zo ti bubango ye ayeke si na ya ti agbata oko oko, gbata oko ayeke ngba pepe. Lo yeke buba ye kue na popo-hoto nga na kpangbara sese”. Tënë so KOTA GBIA atene laa.

Nahum 2:2

Ninive, azo ayeke ga na ngangu ti tiri bira na mo. Ala aturugu, ala bata ngangu gbagba! Le ti ala akpengba na ndö ti alege, ala leke tere ti ala ti tiri bira, ala luti ngangu tongana koli!