Jérémie 48:11 - Mbeti ti Nzapa - Tënë so amu fini

¹¹ “Ti londo na ngoi so Moab ade kete ngbii asi laso, lo duti nzoni: laoko a gbu lo a gue na lo na kodro wande pepe. Lo duti ando gi kpoo tongana vin so aduti na ndö ti puru ni. Laoko a tuku vin ni na ya ti mbeni ta nde pepe. Ndani laa lo bata nzerengo ti lo nga na nzoni fion ti lo.

Jérémie 48:11 Iomraidhean Croise

Abia (Psaumes) 123:4

Azo so ayeke duti nzoni ayeke he e na ngia, azo ti baba ayeke baa e tongana mbumbuse ye; ye ni ahon ndö ti e awe!

Abia (Psaumes) 55:19

Lo zi mbi si lo mu na mbi siriri; lo bata mbi na ya ti bira so awato ayeke tiri na mbi; awato ti mbi so ayeke gbani gbani.

Amato 1:32

Ngangu li ti azo so li ti ala ayeke daa pepe laa ayeke fâ ala; kangango le na ndö ti akpale laa ayeke fâ azo so ahinga ndo pepe.

Ésaïe 16:6

E ma tënë ti baba ti Moab awe; baba ti lo so ahon ndoni, pikango kate ti lo, bango azo tongana mbumbuse ye, kuru baba ti lo so ahon ndoni, fango tere ti lo so ayeke senge senge.

Ésaïe 24:3

Sese abuba biani biani awe; azo anzi aye ti sese ni kue ahon na ni. Biani, ye ni asi alingbi na peko ti tënë ti yanga ti KOTA GBIA.

Ésaïe 25:6

Na ndö ti hoto ti *Sion, *KOTA GBIA so ayeke na ndö ti dunia kue ayeke leke matanga ndali ti azo kue, matanga ti nyama ti mafuta na ti vin ti nzoni ni, ti nyama ti mafuta so awoko pendere na vin so ayeke nzoni mingi.

Jérémie 22:21

Lani mbi gboto mê ti mo na ndembe so mo duti na siriri, me mo kiri tënë: ‘Zia mê ti mbi, mbi ke awe!’ So fini ye pepe: sarango ye ti mo ngbene ye na molenge laa; laoko mo ma tënë ti mbi pepe!

Jérémie 48:12

“Tënë so KOTA GBIA atene ayeke so: Ndani laa, mbeni lango ayeke ga so mbi yeke tokua azo titene ala tuku lo na ya ti mbeni ta nde. Ye so kue ayeke na ya ti ata ti lo, fade azo ni atuku na sese si ala fâ ya ti ata ni.

Jérémie 48:29

E ma tënë ti pikango kate ti Moab awe, pikango kate ti lo so ahon ndoni; e ma tënë ti baba ti lo, tënë ti pikango kate ti lo, tënë ti kuru baba ti lo, tënë ti sioni yanga ti lo; lo baa tere ti lo kota lo hon azo kue.

Jérémie 51:34

“Nabukodonosor, gbia ti Babilone ate mbi awe, lo pete ya ti mbi kue, lo do mbi, lo zia tongana sembe so ya ni angba senge. Lo mene mbi tongana kota ngbo so amene ye; lo sara si ya ti lo asi na anzerengo ye ti tere ti mbi; na pekoni lo bi tanga ni na ngonda.

Nahum 2:10

Ala azo, ala nzi nginza na lôro ahon na ni! Amosoro asi singo na ya ti gbata ni, apendere ye ayeke daa gbani gbani.

Nahum 2:2

Ninive, azo ayeke ga na ngangu ti tiri bira na mo. Ala aturugu, ala bata ngangu gbagba! Le ti ala akpengba na ndö ti alege, ala leke tere ti ala ti tiri bira, ala luti ngangu tongana koli!

Sofonii 1:12

Na ngoi ni so, fade mbi yeke mu lamba ti gi ndo na ya ti gbata ti Jérusalem; mbi yeke ga na tere ti azo so ayeke duti senge senge na ndö ti mosoro ti ala so; ala yeke tene na be ti ala, atene: ‘KOTA GBIA alingbi ti sara mbeni ye oko pepe, ataa nzoni ye wala sioni ye!’

Zakarii 1:15

Me be ti mbi aso mingi na amara so abaa tere ti ala tongana amara so alingbi awe so. Na ndembe so lani mbi sara ngonzo gi kete na tere ti azo ti Israel, ti ala, ala sara si mawa ti Israel akiri ahon ndoni.