Jérémie 48:10 - Mbeti ti Nzapa - Tënë so amu fini

¹⁰ Deba aga na ndö ti zo so ayeke sara kua ti KOTA GBIA na wokongo tere! Deba aga na ndö ti zo so ake titene yongoro zeme ti lo atuku mene!

Jérémie 48:10 Iomraidhean Croise

1 Agbia 20:39

So Akab aga ti hon, wayanga-Nzapa ni adekongo na lo, atene: “Gbia! Mbi zo ti kua ti mo, mbi yeke taa na ya ti bira. So bira ni angba ti kporo, mbeni zo so asigigi na ya ti bira ni aga azia na maboko ti mbi mbeni zo ti kanga; zo ni atene: ‘Mo bata na mbi koli so nzoni! Tongana lo kpe, fade mo laa, mo yeke wara kuâ na peko ti lo, wala mo yeke futa ale ti nginza saki ota.’

1 Agbia 20:40

So kua agbu le ti mbi mbage na mbage, zo ti kanga ni akpe!” Gbia ti Israel atene na lo: “Mo wani, mo fâ ngbanga ti mo awe!”

1 Agbia 20:42

Tongaso wayanga-Nzapa ni atene na lo: “Tënë so KOTA GBIA atene ayeke so: ‘Lani, mbi zia koli so titene a fâ lo; me mo zi maboko na tere ti lo si lo kpe, lo hon. Fadeso, mo laa mo yeke wara kuâ na peko ti lo si azo ti kodro ti mo ayeke wara nga kuâ na peko ti azo ti kodro ti lo.’ ”

2 Agbia 13:19

Zo ti Nzapa asara ngonzo na tere ti gbia si lo tene: “Tongana mo pika fade sese ni lege oku wala omene, ka mo yeke kinda azo ti Sirii ngbii mo hunzi ala kue. Ti fadeso, mo yeke kinda ala gi lege ota.”

Jérémie 11:3

Fade mo yeke tene na ala: Tënë so KOTA GBIA, Nzapa ti Israel atene ayeke so: Deba aga na ndö ti zo so abata tënë ti ya ti mbuki so pepe!

Jérémie 47:6

Ala tene: ‘So mawa! Yongoro zeme ti KOTA GBIA, mo yeke wu ka tere ti mo pepe? Kiri na ya ti bozo ti mo, mo duti kpoo! Awe!’

Jérémie 47:7

– Me yongoro zeme ni alingbi ti wu tere ti lo tongana nyen? KOTA GBIA laa amu yanga na lo ti gue ngbii ti si na Askalon nga na tere ti kota ngu-ingo. Ndo so lo mu yanga na lo ti si daa laa.”

Jérémie 50:25

KOTA GBIA azi yanga ti da ti batango aye ti bira ti lo; lo sigigi na aye ti bira ni ti fa ngonzo ti lo. Na kodro ti Babilone, kua ayeke kâ ndali ti Kota Gbia, NZAPA so ayeke na ndö ti dunia kue.

Jérémie 50:27

Ala fâ angangu turugu ti lo kue, ala gue na aturugu ni na ndo ti fango azo! So ye ti mawa na aturugu ni! Biani, lango ni alingbi awe, ndembe so KOTA GBIA ayeke ga na tere ti ala!

Josué 10:19

Me ti ala, ala luti pepe, ala tumba peko ti awato ti ala. Ala kanga lege na awato ni titene ala li na ya ti agbata ti ala pepe. Biani, *KOTA GBIA Nzapa ti ala, azia awato ni na maboko ti ala awe.”

Awafango-ngbanga 5:23

*Ange ti KOTA GBIA atene: Ala deba azo ti gbata ti Meroz! Ala deba ala, ngbanga ti so ala ke ti ga ti mu maboko na KOTA GBIA! Ala ke ti mu maboko na angangu turugu ti lo.

1 Samuel 15:3

Fadeso, gue, mo tiri bira na azo ti Amalek, mo buba aye ti ala kue, mo zia mbeni oko angba pepe. Mo fâ akoli na awali, amolenge na akete amolenge so angba ti nyon mê, abagara, ataba, *azambala nga na alele.’ ”

1 Samuel 15:9

Saul na azo ti lo abata Agag na fini. Ala bata nga anzoni taba na angasa, anzoni bagara so angba ngangu nga na akete taba. Anyama so kue ayeke anzoni, Saul na aturugu afâ ala pepe. Me gi angengo nyama, ala so ayeke nzoni pepe si ala fâ ala kue.