Jérémie 47:6 - Mbeti ti Nzapa - Tënë so amu fini

⁶ Ala tene: ‘So mawa! Yongoro zeme ti KOTA GBIA, mo yeke wu ka tere ti mo pepe? Kiri na ya ti bozo ti mo, mo duti kpoo! Awe!’

Jérémie 47:6 Iomraidhean Croise

2 Samuel 2:26

Abner airi Yoab si atene na lo: “Fade e yeke ngba ti fâ tere ti e na yongoro zeme lakue? Mo hinga, mo tene, vundu ayeke ga na peko ti ye so e yeke sara so pepe? Lawa laa mo yeke tene na azo ti mo titene ala zia lege ti tumbango peko ti a-ita ti ala ti fâ ala so?”

1 Mbai 21:27

Na pekoni, KOTA GBIA amu yanga na ange ni ti kiri na yongoro zeme ti lo na ya ti bozo ni.

Abia (Psaumes) 17:13

KOTA GBIA, londo, gue na tere ti ala, mo kinda ala! Na lege ti yongoro zeme ti mo, mo zi mbi na maboko ti azo ti sioni.

Ésaïe 10:15

Do ayeke pika kate ti lo na zo so amu do ni ti sara na kua? Sii ayeke fa baba na zo so ayeke sara kua na ni? Ye ni ayeke tongana nduru keke so ayingi fade zo so ayo keke ni na nduzu, wala tongana keke so ayo fade na nduzu zo so amu ni ti sara na kua!

Ésaïe 10:5

*KOTA GBIA atene: “Mawa na Asirii! Lo yeke tongana nduru keke ti ngonzo ti mbi; tongana lo gbu keke so na maboko ti lo, andaa sioni ngonzo ti mbi laa.

Jérémie 12:12

Na ndö ti alege so kue ayeke na benyama, azo ti bubango ye ayeke ga. Yongoro zeme ti KOTA GBIA ayeke fâ aye, ti londo na mbeni yanga ti kodro asi na mbeni yanga ni; zo oko ayeke na siriri mbeni pepe.

Jérémie 12:4

Kodro ni ayeke ngba na mua ngbii asi lawa? Apere ti ayaka kue ayeke ngba ti hole ngbii asi lawa? Ndali ti sioni ti azo ti kodro ni, anyama na andeke ayeke kui kue. Azo ni ayeke tene: “Jérémie ayeke hunzi kozo ti e.”

Jérémie 15:3

“So tënë ti yanga ti KOTA GBIA laa: Fade mbi yeke tokua asioni ye osio na ndö ti azo ni: yongoro zeme ti fâ ala kue, ambo ti gboto ala ti hon na ala, andeke ti nduzu na anyama ti sese ti suru ya ti ala, ti te ala kue.

Jérémie 25:27

KOTA GBIA ahunda na mbi ti tene na azo ni, atene: “Tënë so KOTA GBIA so ayeke na ndö ti dunia kue, Nzapa ti Israel, atene ayeke so: Ala nyon, ala nyon ahon ndö ti ala, ala de! Ala ti, ala ngba na sese na bango yongoro zeme so mbi yeke tokua na popo ti ala.”

Jérémie 4:21

Mbi yeke ngba ti baa abendere so a gboto na nduzu so ngbii asi lawa? Mbi yeke ngba ti ma toto ti didi ngbii asi lawa?

Jérémie 48:10

Deba aga na ndö ti zo so ayeke sara kua ti KOTA GBIA na wokongo tere! Deba aga na ndö ti zo so ake titene yongoro zeme ti lo atuku mene!

Jérémie 50:35

“Bira aga na tere ti Babilone, na tere ti azo ti Babilone, na akota zo ti kodro ti ala nga na azo ti ala so ayeke na ndara! So tënë ti yanga ti *KOTA GBIA laa.

Ezekiel 14:17

“Wala tongana mbi sara si bira aga na ya ti kodro ni, mbi yeke mu yanga na aturugu ti buba kodro ni nga ti fâ azo na anyama kue ti hunzi ala.

Ezekiel 21:30

“Ti mo, makonzi ti Israel, zo ti sioni, zo so asara sioni mingi so; lango ti mo ayeke ga, ngoi so asioni sarango ye ti mo ayeke hunzi.

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Jean 18:11

Me Jésus atene na Pierre: “Kiri na yongoro zeme ti mo na ya ti bozo ni. Kopo ti pasi so Babâ amu na mbi so, mo baa ti mo, mo tene, mbi yeke nyon ni ande pepe?”

Awafango-ngbanga 7:20

Ambeni bongbi use so ahuru nga tatalita si ala fâ ya ti ata ti ala. Ala gbu atanda na mbage ti maboko ti ala ti wali, atatalita na mbage ti maboko ti ala ti koli, ala dekongo atene: “E londo na bira ndali ti KOTA GBIA! Ndali ti Gédéon!”