Jérémie 47:2 - Mbeti ti Nzapa - Tënë so amu fini

² Tënë so KOTA GBIA atene ayeke so: “Baa, ngu so asuku alondo na Banga ti ga; aga ngu so ayeke sua ngangu, asuku amu le ti kodro kue nga na aye so ayeke na ya ni; amu agbata na azo so ayeke lango na ya ni. Azo ato nda ti dekongo; azo ti kodro kue ayeke he bia ti totongo kuâ.

Jérémie 47:2 Iomraidhean Croise

Abia (Psaumes) 24:1

Bia ti David. Sese so na aye ti ndö ni kue ayeke ti *KOTA GBIA. Dunia so na azo ti ndö ni kue ayeke ti lo.

Abia (Psaumes) 50:12

Tongana nzara ti kobe asara fade mbi, ka mbi tene tënë ni na mo? Biani, dunia na aye so kue ayeke na ya ni ayeke ti mbi.

Abia (Psaumes) 96:11

Ayeke nzoni yayu asara ngia, ayeke nzoni sese adodo na ngia si kota ngu-ingo na aye so kue ayeke na ya ni atoto ngangu!

Abia (Psaumes) 98:7

Ayeke nzoni kota ngu-ingo na aye so kue ayeke na ya ni atoto ngangu, sese na azo so kue ayeke na ndö ni adekongo ngangu!

Ésaïe 14:31

Ala ayanga ti gbata, ala dema tere ti ala ma! Ala agbata, ala dekongo ma! Sese ti Filistii kue awoko kue awe: mbeni ngbongboro guru ti wâ alondo na Banga si ayeke ga. Na mbage ti awato, ala kue abongbi tere ti ala, zo oko angba na peko pepe.

Ésaïe 15:8

Na tere ti sese ti Moab kue, azo ayeke dekongo. Abia ti demango tere ti ala ague ngbii asi na Eglaim, ague ngbii asi na du ti ngu ti Elim.

Ésaïe 22:1

Nengo tënë na ndö ti popo-hoto, ndo so mbeni ye asigigi daa na ya ti mbeni ye tongana bango-li. Jérusalem, nyen laa asara si azo ti mo kue ama na li ti da so?

Ésaïe 28:17

Mbi yeke mu sarango ye na legeni tongana kamba ti hakango na ye, ye ti mbirimbiri tongana kamba ti amason.” Me fade *pembe ti bekpa ayeke zi ndo ti batango tere ti ala ti mvene ti hon na ni, ngu ayeke suku ti mu ndo ti hondengo tere ti ala.

Ésaïe 59:19

Tongaso, ti londo na To ngbii asi na Do, fade azo ayeke kpe mbeto ti iri ti KOTA GBIA, azo kue ayeke kpe mbeto ti gonda ti lo. Biani, fade lo yeke ga tongana *bale so asua ngangu si pupu ti KOTA GBIA ayeke pusu ni.

Jérémie 1:14

Tongaso KOTA GBIA atene na mbi: “Na mbage ti Banga laa ye ti ngangu ayeke kporo ti ga na ndö ti azo ti kodro ni kue.

Jérémie 46:12

Amara nde ama tënë ti ye ti kamene so asi na mo, ngbanga ti so demango tere ti mo amu ndo kue. Ngangu zo ti bira ati na ndö ti mbeni ngangu zo ti bira; ala use kue ati legeoko gburrr.

Jérémie 46:13

Tënë ti *KOTA GBIA asi na wayanga-Nzapa Jérémie ndali ti Nabukodonosor, gbia ti Babilone na ndembe so lo ga ti tiri bira na Ezipte:

Jérémie 46:20

Ezipte ayeke ando mbeni pendere mama ti bagara! Me mbeni sioni vuma alondo na mbage ti Banga, aga ati na ndö ti lo.

Jérémie 46:24

Kamene agbu le ti maseka-wali Ezipte: a zia lo na maboko ti mbeni mara so alondo na Banga si aga.”

Jérémie 48:39

“Azo-oo! Azo! A nika Moab awe! Ala dema maa! Azo-oo! Azo! So ye ti kamene ti nyen! Moab azia peko ti lo na amba ti lo awe!” Fade Moab ayeke ga ye ti hengo na ngia na ye ti ziango mbeto na be ti azo so kue ayeke nduru na lo.

Jérémie 6:22

Tënë so KOTA GBIA atene ayeke so: “Mbeni mara alondo na mbeni kodro ti Banga si ayeke ga; mbeni kota mara alondo yongoro na nda ti sese si ayeke ga.

Jérémie 8:16

Wato asi na sese ti Dan awe; so ambarata ti lo ayeke dekongo kâ, azo ayeke ma toto ni mango ge. Ndali ti toto ti ambarata ni, sese kue ayingi. Ala yeke ga, ala yeke buba kodro ni na aye ti ya ni kue; ala yeke buba gbata ni na azo ti ya ni kue.”

Daniel 11:22

Aturugu gbani gbani so amu ndo tongana ngu so asuku alingbi ti kinda lo pepe; lo yeke nika ala kue. Lo yeke fâ nga makonzi ti azo ti *mbuki.

Nahum 1:8

na ndembe so ye ti ngangu ahon ndö ti ala tongana ngu so ayeke sua ngangu. Me lo yeke buba kodro ti awato ti lo si lo yeke tumba ala na ndo so avuko pitipiti.

1 Korente 10:26

Biani, sese na aye so kue ayeke na ndö ni ayeke ti *Kota Gbia.

1 Korente 10:28

Me tongana mbeni zo atene na ala: “Kasa ti nyama ni ayeke ti nyama so azo aya na *sandaga na anzapa nde”, ala te ni pepe, ndali ti zo so atene tënë ni na ala so, tongaso si be ti zo ni agi ti lo pepe.

Jacques 5:1

Ala azo ti mosoro, ala ma si! Ala dekongo, ala toto ndali ti pasi so ayeke ga ande na ndö ti ala!

Aye so Nzapa afa 17:1

Tongaso, mbeni *ange oko na popo ti a-ange mbarambara so ayeke na akopo mbarambara so, aga na tere ti mbi si lo tene na mbi: “Ga, mbi yeke fa na mo lege so a yeke fâ ande ngbanga na li ti kota wali-ndumba, lo so lo yeke kota gbata so a leke ni na tere ti akota ngu so.

Aye so Nzapa afa 17:15

Ange ni akiri atene na mbi: “Angu so mo baa so si wali-ndumba ni ayeke lango na tere ni so, ayeke azo ti akodro nde nde, azo gbani gbani, azo ti amara nde nde na azo ti ayanga ti kodro nde nde.