Jérémie 47:1 - Mbeti ti Nzapa - Tënë so amu fini

¹ Tënë ti *KOTA GBIA asi na wayanga-Nzapa Jérémie ndali ti azo ti Filistii. Tënë ni asi na lo kozoni si Faraon ague ti tiri bira na Gaza.

Jérémie 47:1 Iomraidhean Croise

Tongo nda ti aye 10:19

si sese ti azo ti mara ti Kanaan ni alondo na Sidon ahon na Gerar ague ngbii asi na Gaza, ti gue na mbage ti Sodome na Gomore, na Adma, na Seboim, ngbii asi na Lesha.

Ésaïe 14:29

Ala azo ti Filistii kue, keke so lani ayeke pika ala, ya ni afâ awe; me alingbi tere ti ala anzere ndali ni pepe. Biani, fade mbeni sioni ngbo ayeke sigigi na ya ti ngbo so akui awe; na ya ti para ti sioni ngbo ni, mbeni sioni nyama so akpa ngunde si ayeke huru hurungo na le ti nduzu ayeke sigigi.

Jérémie 25:20

na amara nde nde so kue ayeke lango na Ezipte; – agbia ti kodro ti Us; – agbia ti sese ti Filistii: ala ti Askalon, ti Gaza, ti Ekron na tanga ti azo ti Asdod;

Ezekiel 25:15

“Tënë so mbi Kota Gbia NZAPA, mbi tene ayeke so: Azo ti Filistii asara ye ti kiri na peko ti sioni na azo ti Israel; na lege ti sioni baba ti be ti ala laa, ala kiri na peko ti sioni ti ke awato ti ala kpu na kpu; nilaa ala fâ awato ti ala ni kue kue kue.

Ezekiel 25:16

Ndali ni, tënë so mbi Kota Gbia NZAPA, mbi tene ayeke so: Fade mbi yeke yoro maboko ti mbi ti pika azo ti Filistii, mbi yeke fâ ala kue kue kue, azo ti Kaftor, ala so ayeke lango na yanga ti kota ngu-ingo so.

Joël 3:4

lâ ayeke ga vukongo ndo, nze ayeke ga bengba tongana mene. Na pekoni, fade *lango ti KOTA GBIA ayeke si, kota lango, lango so ayeke zia mbeto na be ti zo.”