Jérémie 45:3 - Mbeti ti Nzapa - Tënë so amu fini

³ Mo tene: ‘So mawa na mbi! Mbi baa pasi kozoni awe, me KOTA GBIA akiri azia mbeni vundu na ndö ni! Mbi woko kue awe na peko ti dema ti mbi; mbi wara lege ti wu tere pepe!’

Jérémie 45:3 Iomraidhean Croise

Mbeti ti Job 23:2

Laso, mbi ye ti kanga be na ndö ti demango tere ti mbi, me pasi ti mbi ahon ndö ti mbi.

Abia (Psaumes) 120:5

Mawa na mbi so mbi lango na popo ti awande, mawa na mbi so mbi duti na popo ti azo ti sarango sioni so!

Abia (Psaumes) 27:13

Mbi hinga biani so fade mbi yeke ngba na fini na ndö ti dunia so ti baa anzoni ye so KOTA GBIA ayeke sara.

Abia (Psaumes) 42:7

Nzapa ti mbi, mbi yeke na vundu. Na ndo so kue mbi yeke daa, ataa mbi yeke kâ na sese ti Jourdain, ataa mbi yeke na li ti ahoto ti Hermon, ataa mbi yeke na tere ti hoto ti Misar, mbi yeke dabe ti mbi na mo.

Abia (Psaumes) 6:6

Zo so akui awe, lo lingbi ti dabe ti lo na mo? Na ndo ti akuâ, zo wa laa alingbi ti mu singila na mo, zo wa?

Abia (Psaumes) 6:7

Mbi dema ngbii ngangu ti mbi ahunzi kue. Lakue na bi, ngu ti le ti mbi ayeke yuru na ndö ti gbogbo ti mbi; ndö ti gbogbo ti mbi kue gi na ngu ti le.

Abia (Psaumes) 69:3

Mbi yeke li na ya ti potopoto so ali mingi, mbeni ndo titene mbi luti daa ayeke daa pepe. Mbi si na ya ti ngu so gbe ni ali mingi, ngangu ti ngu ni amu mbi ti hon na mbi.

Amato 24:10

Tongana be ti mo awoko na lango so ye ti ngangu asi na mo, andaa ngangu ti mo ayeke kete biani!

Jérémie 45:2

“Baruk, tënë so *KOTA GBIA, Nzapa ti Israel atene ndali ti mo ayeke so:

Jérémie 8:18

Vundu ti be ti mbi ahon ndoni, yoro ni ayeke daa pepe; na ya ti be ti mbi kâ, mbi yeke baa pasi mingi.

Jérémie 9:1

Tongana a mu na mbi fade mbeni ndo ti azo ti lege kâ na benyama titene mbi lango daa, ka mbi yeke zia azo ti kodro ti mbi, mbi hon yongoro na tere ti ala! Ala kue ayeke azo ti gingo akoli wala awali ti azo; ala ayeke bongbi ti azo so ake Nzapa awe.

Abia ti demango tere 1:13

Kâ na nduzu, KOTA GBIA atokua mbeni wâ; wâ ni ali na ya ti abio ti mbi. KOTA GBIA aleke mbeni gbanda ti gbu na gere ti mbi; gbanda ni agbu mbi, agboto mbi na peko. Mbi ga tongana wali so ye ahunzi na lo awe; lakue, tere ti mbi ayeke so gi songo.

Abia ti demango tere 1:22

Asioni ye so ala sara so, ayeke nzoni asi na le ti mo, mo baa! Ye so mo sara na mbi ndali ti sioni ti mbi so, ayeke nzoni mo sara nga na ala tongaso. Baa, mbi yeke dema, mbi yeke dema; aye so kue asara mbi kobela.

Abia ti demango tere 3:32

Tongana lo zia vundu na be ti zo, fade lo yeke baa mawa ti zo ni, ngbanga ti so ndoye ti lo ayeke kota.

2 Korente 4:1

Nzapa asara nzoni be na e si lo mu na e kua ni so, nilaa be ti e awoko pepe.

2 Korente 4:16

Ndani laa be ti e awoko pepe. Ataa so tere ti e ti zo ayeke buba kete na kete, fini so ayeke na be ti e kâ ayeke wara ti lo ngangu lakue.

Galasii 6:9

Be ti e awoko pepe na sarango nzoni ye, ndali ti so tongana ndembe ni alingbi si e ngba na lege ni, fade e yeke ko lengo ni.

2 Tesalonike 3:13

Ti ala, a-ita, be ti ala awoko na lege ti sarango nzoni ye pepe.