Jérémie 44:7 - Mbeti ti Nzapa - Tënë so amu fini

⁷ “Fadeso, tënë so KOTA GBIA, Nzapa so ayeke na ndö ti dunia kue, Nzapa ti Israel atene ayeke so: ‘Ala ngba ti sara sioni gbani gbani na ala wani tongaso ngbanga ti nyen? Ala ye ti hunzi azo ti mara ti Juda hunzingo: akoli, awali, amaseka na amolenge so angba ti nyon me? Ala ye titene mbeni zo oko ti ala akiri angba na fini pepe?

Jérémie 44:7 Iomraidhean Croise

Amato 1:18

Me ti azo ti fango azo ni, ala bi gbanda ndali ti ala wani, ala honde tere ti ala ti sara sioni na ala wani.

Amato 15:32

Zo so ake wango abi tere ti lo na sese; me zo so aye titene a gboto mê ti lo, lo yeke ga zo ti hingango ndo.

Amato 5:22

Sarango ye ti kirikiri ti zo wani laa akanga lo; siokpari ti lo agbu lo tongana kuku.

Amato 8:36

Me zo so asara sioni ti ke mbi, lo wani, lo zia ka na tere ti lo; azo so kue be ti ala ake mbi, ala ye kuâ.”

Jérémie 25:6

Ala mu peko ti anzapa nde pepe ti voro ala, ala kuku nga na gbe ti ala pepe; ala zia ngonzo na be ti mbi pepe ndali ti ayanda so ala leke ni so. Tongaso, fade mbi yeke sara sioni na ala oko pepe.

Jérémie 25:7

Me ala ma mbi pepe; so tënë ti yanga ti KOTA GBIA laa. Ala zia gi ngonzo na be ti mbi na lege ti aye so maboko ti ala asara; andaa ala yeke baa sioni na peko ni.’

Jérémie 26:19

Gbia Ezekias na azo ti Juda afâ wayanga-Nzapa Mishe ndali ni? Oko pepe, me ala kpe mbeto ti KOTA GBIA, nilaa ala sara kue ti de be ti lo. Tongaso, sioni kpale so KOTA GBIA atene tënë ti tokuango ni na ndö ti ala, lo zia lege ni. Ti e, tongana e fâ ngbanga fadeso na li ti koli so, andaa e sara sioni mingi na e wani.”

Jérémie 3:24

Ti londo na ngoi so e de molenge ngbii asi laso, Kamene ate aye ti peko ti kua ti akotara ti e kue: ataba ti ala na abagara ti ala, amolenge ti ala ti koli nga na ti wali.

Jérémie 38:17

Tongaso Jérémie atene na Sedesias: “Tënë so KOTA GBIA, Nzapa so ayeke na ndö ti dunia kue, Nzapa ti Israel atene ayeke so: ‘Tongana mo sigigi ti gue ti zia tere ti mo na maboko ti aturugu ti kota kamba ti gbia ti Babilone, fade mo yeke soo fini ti mo si a yeke gbi gbata so pepe; mo yeke ngba na fini, mo na asewa ti mo.

Jérémie 42:20

Ala tokua mbi na KOTA GBIA, Nzapa ti ala ti hunda lo ndali ti tënë ti ala. Ala tene na mbi: ‘Sambela KOTA GBIA, Nzapa ti e ndali ti e. Tënë so kue KOTA GBIA ayeke tene, tene na e, fade e yeke sara ni.’ Andaa kuâ laa ala iri na ndö ti ala.

Jérémie 44:14

Na popo ti tanga ti azo ti Juda so angba si aga ti honde tere ti ala na Ezipte, fade mbeni oko ayeke kpe pepe, mbeni oko ayeke ngba na fini pepe. Kodro ti Juda so ala yeke sara nzara ti kiri ti duti daa, zo oko ayeke kiri kâ pepe. Biani, ala yeke kiri kâ pepe, me gi ambeni zo oko oko so akpe.’ ”

Jérémie 44:8

Ala ye ti zia ngonzo na be ti mbi na lege ti asarango ye ti ala? Biani, ala mu asandaga na anzapa nde na kodro ti Ezipte so ala ga aduti daa so! Ala ye ti hunzi kue titene ala ga tapande ndali ti azo so ayeke deba amba ti ala na ye ti kamene ndali ti amara kue ti dunia?

Jérémie 51:22

Mbi mu mo ti nika akoli na awali, amaseka na akangba, amolenge-koli na amolenge-wali.

Jérémie 7:19

Mbi laa ala yeke sara sioni na mbi so? Oko pepe! Ala sara ye ni ti bi kamene gi na le ti ala wani; so tënë ti yanga ti KOTA GBIA laa.”

Jérémie 9:21

“Ti mo Jérémie, mo tene: So tënë ti yanga ti KOTA GBIA laa: ‘Kuâ ti azo ayeke lango na sese tongana puru na le ti yaka, tongana ale ti kobe so azo ti fango ale ti kobe afâ ni si ati na sese si zo ti rongo ni ayeke daa pepe.’ ”

Abia ti demango tere 2:11

Mbi toto ngbii, le ti mbi avuko kue; akamba ti ya ti mbi ayeke do dongo. Tongana mbi baa akpale so asi na azo ti kodro ti mbi, mbi woko kue. Mbi baa akete molenge na ala so angba ti nyon me; ala woko kue si ala ti kirikiri na be ti lege ti gbata ni.

Abia ti demango tere 2:22

Azo so alango nduru na mbi si mbeto ti ala agbu mbi mingi so, mo tisa ala ti ga na tere ti mbi, mo baa mo tene, azo na lango ti matanga. KOTA GBIA, na lango so ngonzo ti mo alondo, zo oko ti kpe ti soo kuâ ayeke daa pepe, zo oko ti ngba na fini ayeke daa pepe. Amolenge so mbi bata ala si ala kono na da ti mbi so, awato aga afâ ala, ahunzi ala kue!

Ezekiel 33:11

Tene na ala, mo tene: Fini ti mbi! So tënë ti yanga ti Kota Gbia NZAPA laa. Mbi yeke wara ngia ndali ti kuâ ti zo ti sioni? Ye so anzere na be ti mbi ayeke titene zo ti sioni azia sioni lege ti sarango ye ti lo si lo duti na fini. Ala azo ti Israel, ala zia sioni lege ti sarango ye ti ala, ala zia ni! Ala ye ti kui ngbanga ti nyen?

Ezekiel 9:6

Ataa ambakoro, ataa amaseka-koli wala amaseka-wali, ataa amolenge wala awali, ala fâ ala, ahunzi ala kue. Me azo so nzoroko ayeke na ndö ti le ti ala, ala ndu ala pepe. Ala to nda ni ge na ndo so a zia ni nde ndali ti mbi.” Nilaa akoli ni ato nda ti fâ *akangba so ayeke na dawa ti kota da ti Nzapa.

Habakuk 2:10

Na sarango ye tongaso, mo yeke zia kamene na le ti asewa ti mo, mo yeke buba fini ti gba ti amara, mo yeke buba nga fini ti mo wani.

Ndia ti fani use ni 32:25

Na ndö ti alege, amolenge ti ala ayeke kui kuâ ti yongoro zeme, na ya ti da, azo ayeke kui na mbeto. Azo kue ayeke kui, ataa amaseka-koli na amaseka-wali, ataa amolenge so angba ti nyon me na ambakoro.’

Josué 6:21

Ala buba aye so kue ayeke na ya ti gbata ni; akoli na awali, amaseka na ambakoro, abagara, ataba na alele, ala fâ ala kue.

Awafango-ngbanga 21:11

Baa ye so ala yeke sara laa: fade ala yeke fâ akoli kue kue kue nga awali so kue ahinga koli awe.”

1 Samuel 15:3

Fadeso, gue, mo tiri bira na azo ti Amalek, mo buba aye ti ala kue, mo zia mbeni oko angba pepe. Mo fâ akoli na awali, amolenge na akete amolenge so angba ti nyon mê, abagara, ataba, *azambala nga na alele.’ ”

1 Samuel 22:19

Na Nob, gbata ti awayango-sandaga, Saul afâ akoli, awali, amolenge na akete molenge so angba ti nyon mê; lo fâ abagara, alele nga na ataba.