Jérémie 43:6 - Mbeti ti Nzapa - Tënë so amu fini

⁶ Azo ni ayeke akoli, awali, amolenge, amolenge-wali ti gbia na azo so kue Nebuzaradan, makonzi ti aturugu ti batango gbia azia ala titene ala ngba, ala na Gedalia, molenge ti Ahikam, molenge ti Shafan. Ala mu nga wayanga-Nzapa Jérémie, lo na Baruk, molenge ti Neria si ague na ala.

Jérémie 43:6 Iomraidhean Croise

Jérémie 38:22

awali so kue angba na yangbo ti gbia ti Juda, fade a yeke mu ala ti gue na ala na aturugu ti kota kamba ti gbia ti Babilone; awali ni ayeke he bia so na iri ti mo, atene: ‘Ataa azo so aye mo mingi, ala handa mo alingbi ala awe! Mo linda na ya ti potopoto awe, ala do mo azia!’

Jérémie 39:10

Me lo zia na ya ti kodro ti Juda ambeni wayere kete so ye ti ala oko ayeke daa pepe; lo mu na ala ayaka ti vinye na ayaka.

Jérémie 40:11

Legeoko nga, azo ti Juda so ayeke na sese ti Moab, ala so ayeke na ndo ti azo ti mara ti Amoni nga na ala so ayeke na sese ti Edom, wala ala so ayeke na ya ti akodro nde nde ama a tene, gbia ti Babilone azia lani tanga ti azo angba na sese ti Juda. Lo zia Gedalia, molenge ti Ahikam, molenge ti Shafan na li ti ala.

Jérémie 40:7

Andaa ambeni makonzi ti aturugu, ala na aturugu ti ala angba na ya ti ngonda. Ala ma a tene, gbia ti Babilone amu Gedalia, molenge ti Ahikam azia lo na li ti kodro ni. Ala ma nga atene, gbia ni amu na lo akoli, awali, amolenge nga na awayere ti kodro ni, azo so a gue na ala na Babilone pepe, titene lo baa ndo na ndö ti ala.

Jérémie 41:10

Na pekoni, lo gbu azo so kue angba na Mispa si ala ga azo ti kanga; lo gbu nga amolenge-wali ti gbia ni nga na azo so kue Nebuzaradan, makonzi ti aturugu ti batango gbia amu ala na Gedalia, molenge ti Ahikam si ala ga azo ti kanga. Ismael amu azo ti kanga ni si lo gue na ndo ti azo ti mara ti Amon.

Jérémie 43:3

Me Baruk, molenge ti Neria laa ayeke pusu mo na tere ti e. Biani, lo ye ti zia e na maboko ti azo ti Babilone titene ala fâ e wala titene ala gbu e ti gue na e na Babilone.”

Jérémie 45:1

Na ngu osio ni so Yoakim, molenge ti Yosias ayeke gbia ti Juda laa Baruk, molenge ti Neria asu na mbeti atënë so asigigi na yanga ti wayanga-Nzapa Jérémie. Jérémie atene na Baruk:

Jérémie 52:10

Na Ribla, gbia ti Babilone afâ go ti amolenge ti Sedesias taa na le ti lo; lo fâ nga go ti akota zo ti kua kue ti Juda.

Abia ti demango tere 3:1

So *KOTA GBIA apika mbi na lege ti ngonzo ti lo, mbi yeke zo so mbi hinga ye so iri ni pasi.

Jean 21:18

Biani, mbi tene na mo taa-tënë: na ndembe so mo de maseka, mo wani laa mo yeke kanga kamba ti ndö ti bongo ti mo si mo yeke gue na ndo so kue be ti mo aye. Me tongana mo ga mbakoro awe, fade mo yeke yoro maboko ti mo si mbeni zo nde ayeke kanga kamba ti ndö ti bongo ti mo si lo yeke gue na mo na ndo so be ti mo aye pepe.”