Jérémie 43:5 - Mbeti ti Nzapa - Tënë so amu fini

⁵ Nilaa Yohanan, molenge ti Karea na amakonzi ti aturugu ni amu tanga ti azo ti Juda so kue angba si ague na ala. Azo ni ayeke azo so a tumba ala na ya ti akodro nde nde so ayeke nduru na Juda si ala kiri aduti na Juda.

Jérémie 43:5 Iomraidhean Croise

2 Agbia 25:22

Nabukodonosor, gbia ti Babilone azia lani ambeni zo angba na kodro ti Juda. Lo mu Gedalia, molenge ti Ahikam, molenge ti Shafan ti ga govoronere ti azo ni.

Jérémie 40:10

Ti mbi, mbi yeke ngba ge na Mispa ti luti na iri ti ala na le ti azo ti Babilone so ayeke ga na ndo ti e. Me ti ala, ala ko ale ti *vinye, ale ti keke na mafuta, ala bata ni; ala ngba na ya ti agbata so ala mu ti duti daa.”

Jérémie 41:10

Na pekoni, lo gbu azo so kue angba na Mispa si ala ga azo ti kanga; lo gbu nga amolenge-wali ti gbia ni nga na azo so kue Nebuzaradan, makonzi ti aturugu ti batango gbia amu ala na Gedalia, molenge ti Ahikam si ala ga azo ti kanga. Ismael amu azo ti kanga ni si lo gue na ndo ti azo ti mara ti Amon.

Jérémie 41:17

Azo ni ague ngbii, ala duti na ndo ti lango ti Kimeham, nduru na Betlehem. Ala ye fade ti gue ti si na Ezipte

1 Samuel 26:19

Fadeso, ayeke nzoni gbia, kota zo ti mbi ama tënë ti mbi, zo ti kua ti lo nzoni. Tongana KOTA GBIA laa apusu mo ti sara sioni na mbi, ayeke nzoni *sandaga so azo amu na lo ade be ti lo. Me tongana azo laa apusu mo, ayeke nzoni KOTA GBIA adeba ala, ngbanga ti so ala laa atumba mbi na kodro fadeso; ala laa ake titene mbi lango na kodro so KOTA GBIA amu na azo ti lo. Na sarango ye tongaso, ala ye ti tene na mbi: ‘Gue, mo voro ambeni nzapa nde!’