Jérémie 43:2 - Mbeti ti Nzapa - Tënë so amu fini

² Azaria, molenge ti Hoshaya, na Yohanan, molenge ti Karea na ambeni zo ti sioni yanga, atene na Jérémie: “Tënë ti mvene laa mo yeke tene so! KOTA GBIA, Nzapa ti e atokua mo pepe ti tene na e: ‘Ala gue na Ezipte pepe ti honde tere ti ala kâ!’

Jérémie 43:2 Iomraidhean Croise

Tongo nda ti aye 19:14

Lot asigigi, atene na akogara ti lo so aye ti mu amolenge ti lo ti wali so, atene: “Ala londo na gbata so, ala sigigi, ngbanga ti so KOTA GBIA ayeke buba gbata ni.” Me akogara ti lo abaa ti ala atene, so tënë ti ngia laa.

2 Mbai 36:13

Lo tomboka na tere ti gbia Nabukodonosor so asara si Sedesias adeba yanga ti lo na iri ti Nzapa. Lo sara ngangu li, lo kpengba be ti lo, lo ke ti kiri na mbage ti KOTA GBIA, Nzapa ti Israel.

Abia (Psaumes) 119:21

Mo suku na azo ti baba so a deba ala awe, ala so azia lege ti atënë ti ndia ti mo si ala yeke mu mbeni lege nde so.

Abia (Psaumes) 12:3

Zo oko oko ayeke du mvene na li ti mba ti lo; tënë ti yanga ti ala anzere gi nzerengo, tënë ti be ti ala ayeke use use.

Abia (Psaumes) 123:4

Azo so ayeke duti nzoni ayeke he e na ngia, azo ti baba ayeke baa e tongana mbumbuse ye; ye ni ahon ndö ti e awe!

Sigingo 5:2

Faraon atene: “KOTA GBIA ni ayeke zo wa si mbi ma yanga ti lo ti zia lege na azo ti Israel ti gue so? Mbi hinga KOTA GBIA ni pepe; mbi yeke zia nga azo ti Israel ti gue pepe!”

Sigingo 9:17

Ataa so kue, mo ngba ti kanga lege na azo ti mbi titene ala gue.

Amato 16:5

Be ti KOTA GBIA ake azo ti baba mingi. Biani, fade peko ni ayeke ngba senge na ala pepe.

Amato 30:9

Biani, tongana mbi yeke na gba ti aye, mbi lingbi ti bere tënë ti mo, mbi tene: ‘KOTA GBIA ni ayeke zo wa?’ Wala tongana mbi yeke wayere, mbi lingbi ti nzi ye. Tongaso, fade mbi yeke buba iri ti Nzapa ti mbi.

Amato 6:17

le so abaa ndo na baba, yanga so ayeke tene mvene, maboko so ayeke tuku mene ti azo so tënë ayeke na li ti ala pepe;

Amato 8:13

Kpengo mbeto ti KOTA GBIA ayeke ti ke sioni ye. Baba, pikango kate, asioni sarango ye na atënë ti mvene, mbi ke ni.

Ésaïe 7:9

Samarii ayeke li-kodro ti Efraim, Peka ayeke gbia gi na Samarii. Tongana ala ma na be pepe, fade ala yeke gbu le ni pepe.”

Ésaïe 9:8

Fade azo kue, azo ti kodro-gbia ti Efraim nga na azo ti Samarii, ala kue ayeke hinga tënë ni. Baba ahon ndö ti ala si ala tene:

Jérémie 13:15

Ala ma si! Ala dingi mê ti ala! Ala baa tere ti ala tongana akota zo pepe. *KOTA GBIA laa ayeke tene tënë so.

Jérémie 18:18

Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Jérémie 40:8

Aturugu ni ague, awara Gedalia na Mispa. Amakonzi ti ala ayeke Ismael, molenge ti Netania; Yohanan na Jonatan, ala use kue ayeke amolenge ti Karea; Seraya, molenge ti Tanehumet; amolenge ti Efai ti Netofa na Yazania, zo ti Maaka, ala na azo ti ala.

Jérémie 41:16

Na pekoni Yohanan, molenge ti Karea, lo na amakonzi ti aturugu so amu peko ti lo amu azo so angba na fini ahon na ala; so ti tene azo so Ismael agbu ala lani na Mispa na peko ti fango Gedalia, molenge ti Ahikam so. Azo ni ayeke akoli, so ti tene aturugu; awali, amolenge, *ambaiwa, so ti tene azo so kue Yohanan amu ala na Gabaon si akiri na ala.

Jérémie 41:18

titene ala kpe azo ti Babilone so ala sara mbeto ti ala. Biani, Ismael afâ lani Gedalia, molenge ti Ahikam, lo so gbia ti Babilone azia lo na li ti kodro ni.

Jérémie 42:1

Tongaso amakonzi kue ti aturugu, mbirimbiri Yohanan, molenge ti Karea, lo na Yezania, molenge ti Hoshaya nga na azo so kue ayeke na ndo so, akete zo na akota zo, ague nduru na

Jérémie 42:20

Ala tokua mbi na KOTA GBIA, Nzapa ti ala ti hunda lo ndali ti tënë ti ala. Ala tene na mbi: ‘Sambela KOTA GBIA, Nzapa ti e ndali ti e. Tënë so kue KOTA GBIA ayeke tene, tene na e, fade e yeke sara ni.’ Andaa kuâ laa ala iri na ndö ti ala.

Jérémie 42:5

Ala kiri tënë na Jérémie: “E deba yanga ti e ti sara ye alingbi gi na tënë so KOTA GBIA, Nzapa ti mo ayeke fa na mo ti tene na e. Ayeke nzoni lo duti taa lo so ayeke bi tënë na li ti e tongana e sara ye alingbi na tënë ti yanga ti e ni pepe!

Jérémie 43:1

So Jérémie ahunzi ti tene na azo ni kue atënë so kue *KOTA GBIA, Nzapa ti ala atokua lo ti tene na ala, so ti tene atënë so kue a fa peko ni ge so,

Jérémie 44:16

“Ataa so mo tene tënë so na e na iri ti *KOTA GBIA, e ye ti ma mo pepe.

Jacques 4:6

Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”