Jérémie 42:4 - Mbeti ti Nzapa - Tënë so amu fini

⁴ Wayanga-Nzapa Jérémie atene na ala: “Mbi ma awe! Fade mbi yeke sambela KOTA GBIA, Nzapa ti ala tongana ti so ala hunda na mbi. Na pekoni, tënë so kue KOTA GBIA ayeke kiri ni na ala, fade mbi yeke fa ni na ala; mbi yeke honde tënë oko na ala pepe.”

Jérémie 42:4 Iomraidhean Croise

Abia (Psaumes) 40:10

Na ya ti kota bongbi ti azo, mbi fa tënë ti mbirimbiri ti mo; mbi kanga yanga ti mbi pepe, KOTA GBIA, mo hinga ni kue.

Jérémie 23:28

Tongana mbeni wayanga-Nzapa abaa li ti lo, lo tene peko ni na azo ma! Me tongana lo wara mbeni tënë so alondo na yanga ti mbi, ayeke nzoni lo tene ni kue na legeni! Aporo ti le ti kobe na ale ti kobe alingbi tere? So tënë ti yanga ti KOTA GBIA laa.

Jérémie 23:35

Tënë so ala yeke tene ande na popo ti ala na amba ti ala laa: ‘KOTA GBIA akiri tënë, lo tene nyen?’ wala ‘KOTA GBIA atene nyen?’

Jérémie 26:2

“Tënë so KOTA GBIA atene ayeke so: Gue mo luti na ya ti gbagba ti kota da ti KOTA GBIA, mo to mbela na tënë so na azo so kue alondo na ya ti agbata ti Juda si aga ti voro Nzapa na ya ti kota da so. Mo tene na ala atënë so kue mbi mu yanga na mo ti tene; mo zi mbeni tënë oko na ya ni pepe.

Ezekiel 2:7

Fade mo yeke tene na ala atënë ti mbi, ataa ala ma mo, ataa ala ma mo pepe; azo ni ayeke azo ti ngangu li.

Awatokua 20:20

Mbeni ye so alingbi ti sara nzoni na ala, ala hinga so mbi honde ni na ala oko pepe: mbi fa tënë kue si mbi fa nda ti ye kue na ala na le ti azo kue nga na ya ti ada.

Awatokua 20:27

Biani, aye so kue Nzapa aleke na be ti lo so, mbi fa na ala awe, mbi honde ye oko pepe.

Rome 10:1

A-ita, tënë so agbu be ti mbi si mbi yeke sambela Nzapa ndali ti azuife, ayeke titene ala soo kuâ.

1 Samuel 12:23

Ti mbi, fade mbi yeke sambela KOTA GBIA lakue ndali ti ala; mbi yeke ngba ti fa na ala nzoni lege nga na lege so ayeke mbirimbiri. Tongana mbi sara tongaso pepe, andaa mbi sara sioni mingi na KOTA GBIA.