Jérémie 41:1 - Mbeti ti Nzapa - Tënë so amu fini

¹ Na nze mbarambara ni, Ismael, molenge ti Netania, molenge ti Elishama amu azo baleoko na peko ti lo si ala ga na tere ti Gedalia na gbata ti Mispa. Ismael ayeke mbeni zo ti sewa ti gbia, lo yeke oko ti akota zo so ayeke na yangbo ti gbia. Na ndembe so ala ngba ti te kobe na ndo oko na Mispa,

Jérémie 41:1 Iomraidhean Croise

2 Samuel 3:27

So Abner akiri na Hebron awe, Yoab amu lo yeke, ala hon yongoro kete, na yanga ti gbagba ti gbata ni, mo baa mo tene, lo ye ti tene mbeni tënë na lo so abaa gi ala use. Kâ, Yoab akpo ya ti Abner, lo fâ lo ndali ti ita ti lo Asael so lani Abner afâ lo so.

2 Agbia 11:1

So Atalii, mama ti Ahazia ama a tene, molenge ti lo akui awe, lo londo, lo fâ *ahale ti gbia kue.

2 Agbia 25:22

Nabukodonosor, gbia ti Babilone azia lani ambeni zo angba na kodro ti Juda. Lo mu Gedalia, molenge ti Ahikam, molenge ti Shafan ti ga govoronere ti azo ni.

2 Agbia 25:25

Me na nze mbarambara ni, Ismael, molenge ti Netania, molenge ti Elishama amu azo baleoko na peko ti lo si ala ga na tere ti Gedalia na gbata ti Mispa. Ismael ayeke zo ti sewa ti gbia. Lo na azo baleoko so ayeke na peko ti lo apika Gedalia si lo kui; ala fâ nga azo ti Juda na azo ti Babilone so ayeke na tere ti lo na Mispa.

2 Mbai 22:10

So Atalii, mama ti Ahazia ama a tene, molenge ti lo akui awe, lo londo, lo mu yanga titene a fâ *ahale ti gbia ti Juda kue.

Abia (Psaumes) 109:5

Mbi sara nzoni na ala, me ala kiri sioni na mbi; mbi ye ala, me be ti ala ake mbi.

Abia (Psaumes) 41:9

Ala yeke tene: “Lo wara sioni kobela awe! So lo lango na gbogbo awe so, lo yeke kiri ti londo pepe!”

Amato 13:10

Kuru baba ayeke sara si papa alondo; me ndara ayeke ye ti azo ti mango wango.

Amato 27:4

Ngonzo ti wâ ayeke sioni mingi, ngonzo ayeke buba ye mingi; me zo wa laa alingbi ti luti na le ti mbanda ti zo?

Jérémie 36:12

Lo zu na yangbo ti gbia si lo li na ya ti kota ya ti kubu ti wakuasu ni. Andaa akota zo ti kodro kue ayeke na bongbi ti kua kâ. Azo so ayeke kâ ayeke Elishama, wakuasu ti letaa, Delaya, molenge ti Shemaya, Elnatan, molenge ti Akbor, Gemaria, molenge ti Shafan, Sidekia, molenge ti Hanania na tanga ti akota zo ti kodro kue.

Jérémie 36:20

Akota zo ti kodro ni azia rulo ni na ya ti kota kubu ti Elishama, kota wakuasu ti letaa. Na pekoni, ala gue na yangbo ti gbia si ala tene na lo peko ti aye so kue asi.

Jérémie 39:14

Ala tokua azo ti gue ti mu Jérémie na ya ti gbagba ti aturugu ti batango gbia; ala zia lo na maboko ti Gedalia, molenge ti Ahikam, molenge ti Shafan. Gedalia amu yanga na Jérémie ti kiri na da ti lo. Tongaso Jérémie aduti na popo ti azo ti kodro ni.

Jérémie 40:13

Mbeni lâ, Yohanan, molenge ti Karea, lo na amakonzi ti aturugu so angba na ya ti ngonda aga na tere ti Gedalia, na gbata ti Mispa.

Jérémie 40:5

So Jérémie ade ti gue pepe, Nebuzaradan akiri atene na lo: “Mo lingbi ti kiri na tere ti Gedalia, molenge ti Ahikam, molenge ti Shafan. Gbia ti Babilone azia Gedalia titene lo ga govoronere ti agbata ti Juda. Mo na lo aduti na popo ti azo ti agbata ni, wala mo gue na ndo so kue mo baa nzoni na le ti mo.” Makonzi ti aturugu ni amu na Jérémie kobe ti tengo ni na lege; lo mu nga na lo amatabisi si lo zia lege na lo ti gue.

Jérémie 40:6

Tongaso Jérémie ague na Mispa, na tere ti Gedalia. Lo na Gedalia aduti na popo ti azo so angba na ya ti kodro ni.

Jérémie 40:7

Andaa ambeni makonzi ti aturugu, ala na aturugu ti ala angba na ya ti ngonda. Ala ma a tene, gbia ti Babilone amu Gedalia, molenge ti Ahikam azia lo na li ti kodro ni. Ala ma nga atene, gbia ni amu na lo akoli, awali, amolenge nga na awayere ti kodro ni, azo so a gue na ala na Babilone pepe, titene lo baa ndo na ndö ti ala.

Jérémie 40:8

Aturugu ni ague, awara Gedalia na Mispa. Amakonzi ti ala ayeke Ismael, molenge ti Netania; Yohanan na Jonatan, ala use kue ayeke amolenge ti Karea; Seraya, molenge ti Tanehumet; amolenge ti Efai ti Netofa na Yazania, zo ti Maaka, ala na azo ti ala.

Ezekiel 17:13

Na pekoni, lo mu mbeni zo ti sewa ti gbia ni, lo sara *mbuki na lo. Gbia ti Babilone asara si zo ni adeba yanga ti lo ti ngba na peko ti lo. Gbia ni ague na akota zo ti kodro ni na yongoro ndo

Jean 13:18

Mbi yeke tene tënë so ndali ti ala kue pepe; mbi hinga azo so mbi soro ala. Mbeti ti Nzapa atene: ‘Zo so mbi na lo, e yeke te kobe, lo laa lo yo gere ti lo ti do mbi.’ Alingbi tënë so aga taa-tënë.