Jérémie 40:3 - Mbeti ti Nzapa - Tënë so amu fini

³ KOTA GBIA atokua ye ni awe; lo sara si ye ni asi alingbi na tënë so lo tene ando. Biani, ala sara siokpari ti ke KOTA GBIA, ala ma yanga ti lo pepe. Ndani laa ye so kue asi na ala.

Jérémie 40:3 Iomraidhean Croise

Néhémie 9:28

Me gi so ala wara lege ti duti na siriri awe, ala kiri ato nda ti sara siokpari so ake mo. Nilaa mo zia ala na maboko ti awato ti ala so asara komandema na ndö ti ala. Tongaso ala kiri atoto na mo si kâ na yayu, mo ma ala. Na lege ti kota nzoni be ti mo, mo zi ala fani mingi.

Néhémie 9:33

Na ya ti aye so kue asi na e, mo sara ye mbirimbiri nga na lege ti taa-tënë; me ti e, e sara ye so ayeke sioni.

Jérémie 11:17

KOTA GBIA so ayeke na ndö ti dunia kue laa alu keke ni. Ti fadeso, lo yeke iri kpale na ndö ti lo ndali ti sioni so azo ti Israel na azo ti Juda asara. Biani, ala zia ngonzo na be ti KOTA GBIA na lege so ala ya asandaga na *Baal.

Jérémie 22:8

“Awande mingi ayeke hon nduru na tere ti gbata so; ala yeke hunda tere ti ala, atene: ‘Ae! KOTA GBIA asara mara ti ye tongaso na kota gbata so ngbanga ti nyen?’

Jérémie 39:16

“Gue mo tene na Ebed-Melek, zo ti Etiopii so, mo tene: ‘Tënë so KOTA GBIA so ayeke na ndö ti dunia kue, Nzapa ti Israel atene ayeke so: Lani mbi tene tënë ti nzoni ti azo ti gbata so pepe, me mbi tene tënë ti sioni ye so ayeke si na ala. Biani, fade mbi yeke sara si ye ni asi alingbi na ni; na lango ni so, fade mo wani, mo yeke baa na le ti mo.

Jérémie 44:23

Ndani so kpale ni asi na ala ayeke so: ala zö dukani na anzapa nde, ala sara siokpari ti ke KOTA GBIA, ala ma yanga ti lo pepe, ala ke ti sara ye alingbi na aye so lo fa, andia ti lo nga na awango ti lo; ye ni laa a yeke baa ni laso so.”

Jérémie 50:7

Azo so kue awara ala ayeke te ala. Awato ti ala ayeke tene: ‘E sara ti e sioni oko pepe! Biani, azo ni laa asara siokpari ti ke KOTA GBIA, lo so lani lo yeke ndo ti dutingo mbirimbiri ti ala, lo so akotara ti ala azia ando be ti ala ti ku lo.’

Abia ti demango tere 2:17

KOTA GBIA asara ye so lo leke na be ti lo ti sara; lo sara ye alingbi na tënë ti yanga ti lo, tënë so lo leke na be ti lo ando kozoni so. Lo buba kodro ni kue awe; lo baa mawa ti zo oko pepe. Lo mu lege na awato ti he gbata ti Jérusalem; lo kiri lo mu ngangu mingi na awato ni.

Rome 2:5

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri,

Rome 3:19

E hinga so atënë ti *Ndia kue abaa azo so ayeke na gbe ti Ndia. Tongaso si zo oko awara tënë ti kiringo na ni pepe si na le ti Nzapa, ngbanga ayeke na li ti azo ti dunia kue.

Ndia ti fani use ni 29:25

Ala gue ti voro ambeni nzapa nde, ala kuku na gbe ti ala. Andaa ala hinga anzapa ni so kozoni pepe; KOTA GBIA amu yanga na ala pepe ti voro anzapa ni so.