Jérémie 4:9 - Mbeti ti Nzapa - Tënë so amu fini

⁹ So tënë ti yanga ti KOTA GBIA laa: “Na lango ni so, fade be ti gbia na akota zo ti kodro ti lo ayeke woko. Li ti awayango-sandaga ayeke kpe si kota mbeto ayeke gbu awayanga-Nzapa.

Jérémie 4:9 Iomraidhean Croise

2 Agbia 25:4

Tongaso azo akoro mbeni du na ya ti gbagba ti gbata ni. Na bi, aturugu ni kue akpe ahon. Ataa so azo ti Babilone angoro gbata ni kue, aturugu ni ahon na yanga ti gbagba so ayeke na popo ti agbagba use, nduru na tere ti kete yaka ti gbia. Na pekoni, ala mu lege so ague na popo-hoto ti Jourdain.

Abia (Psaumes) 102:4

Biani, lango ti fini ti mbi ahon tongana guru ti wâ, abio ti mbi ayeke gbi tongana le ti wâ.

Ésaïe 19:16

Na lango ni so, azo ti Ezipte ayeke ga tongana awali; ala yeke do na mbeto na ndembe so *KOTA GBIA so ayeke na ndö ti dunia kue ayeke yoro maboko ti lo ti be le na ala.

Ésaïe 19:3

Fade be ti azo ti Ezipte ayeke woko, mbi yeke buba ya ti apialo ti ala. Tongaso, ala yeke gue ti hunda ayanda, ayingo ti akuâ na azo so ayeke baa nda ti aye.

Ésaïe 28:19

Na ngoi so kue ye ti ngangu ni ayeke si, fade ayeke wara ala. Biani, ye ni ayeke hon na ndaperere, na kota lâ nga na bi. Gi so azo ayeke ma tënë ni, kota mbeto ayeke hon ndö ti ala.

Jérémie 2:26

Legeoko tongana zo ti nzi so kamene ayeke sara lo na ndembe so a gbu lo, fade kamene ayeke sara azo ti Israel, ala na agbia ti ala, na akota zo ti kodro ti ala, na awayango-sandaga na awayanga-Nzapa ti ala.”

Jérémie 25:34

Ala azo ti li ti kodro, ala dema tere, ala dekongo! Ala awabatango-taba, ala rule tere ti ala na sese! Biani, lango ti fango ala alingbi awe. Fade a yeke kangbi ala kirikiri si ala yeke ti na sese tongana ta ti ngangu ngere.

Jérémie 37:19

Awayanga-Nzapa ti ala so lani ayeke tene peko ti tënë ti yanga ti Nzapa na ala, atene: ‘Gbia ti Babilone ayeke ga ti tiri bira na ala pepe, lo yeke tiri nga bira na kodro so pepe’, ala yeke fadeso na ndo wa?”

Jérémie 48:41

A mu agbata na bira awe, ando so ngangu gbagba ayeke na tere ni, a mu ni awe. Tongaso, be ti angangu turugu ti Moab afun kue tongana ti wali na ndembe ti dungo ni.

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Jérémie 52:7

Tongaso azo akoro mbeni du na ya ti gbagba ti gbata ni. Na bi, aturugu ni kue asigigi na ya ti gbata ni akpe ahon. Ataa so azo ti Babilone angoro gbata ni kue, aturugu ni ahon na yanga ti gbagba so ayeke na popo ti agbagba use, nduru na tere ti kete yaka ti gbia. Na pekoni, ala mu lege so ague na popo-hoto ti Jourdain.

Awatokua 13:41

‘Azo so abaa tënë ti Nzapa tongana buba ye so, ala baa! Ala sara mbeto si ala kpe ahon! Biani, na ngoi so ala de na fini, mbi yeke sara mbeni ye, ye so, ataa mbeni zo atene peko ni na ala, ala yeke yeda na ni pepe.’ ”