Jérémie 4:8 - Mbeti ti Nzapa - Tënë so amu fini

⁸ Ayeke nzoni ala yu bongo ti mua, ala toto, ala dema tere, ngbanga ti so ngonzo ti *KOTA GBIA so alondo na tere ti e tongana wâ so, ade ti de pepe.

Jérémie 4:8 Iomraidhean Croise

Abia (Psaumes) 78:49

Nzapa atokua kota ngonzo ti lo na ndö ti azo ti Ezipte: ngonzo ti lo ti wâ, sioni ngonzo, aye ti ngangu; lo tokua a-ange ti bingo kpale na tere ti ala.

Ésaïe 10:4

Mbeni ye ti ala ti sarango ni ayeke daa pepe, gi titene ala ba tere ti ala na popo ti azo ti kanga, wala ala ti na sese na popo ti akuâ. Ataa so kue, ngonzo ti *KOTA GBIA akai pepe, maboko ti lo angba gi na nduzu.

Ésaïe 13:6

Ala dekongo na vundu maa! *Lango ti KOTA GBIA aga nduru awe; lango ni ayeke tongana mbeni kota kpale so ayeke buba ndo kue; kpale ni alondo na lo so ngangu ti lo ahon angangu kue.

Ésaïe 22:12

Na lango ni so, Kota Gbia, NZAPA so ayeke na ndö ti dunia kue, airi ala ti toto, ti dema tere, ti kio kua ti li ti ala, ti yu bongo ti mua.

Ésaïe 32:11

Ala awali so ye ti songo ala ayeke daa pepe so, alingbi ala do na mbeto. Ala awali so abaa tere ti ala atene, ala lingbi awe so, alingbi tere ti ala ado, ala zi bongo na tere ti ala, tere ti ala angba ndumbu, ala kanga bongo ti mua na ngbonda ti ala.

Ésaïe 5:25

Ndani laa ngonzo ti *KOTA GBIA alondo tongana wâ na tere ti azo ti lo. Lo yo maboko ti lo na nduzu ti pika ala. Ahoto ayingi, kuâ ti azo ni alango na ndö ti lege tongana zende. Ataa so kue, ngonzo ti KOTA GBIA akai pepe, maboko ti lo angba gi na nduzu.

Ésaïe 9:12

KOTA GBIA apika azo ti lo, me ala kiri na mbage ti lo pepe; KOTA GBIA so ayeke na ndö ti dunia kue, ala gi lo pepe.

Ésaïe 9:17

Biani, sioni ti azo ni ayeke gbi ye tongana wâ so ayeke gbi aki na akamba ti ki. Wâ ni ati na ya ti gbako si ngbongboro guru ayeke londo ti gue na nduzu.

Jérémie 25:34

Ala azo ti li ti kodro, ala dema tere, ala dekongo! Ala awabatango-taba, ala rule tere ti ala na sese! Biani, lango ti fango ala alingbi awe. Fade a yeke kangbi ala kirikiri si ala yeke ti na sese tongana ta ti ngangu ngere.

Jérémie 30:24

Ngonzo ti wâ ti KOTA GBIA ayeke kai ande pepe, ngbii ye so lo leke na be ti lo ti sara, lo sara ni kue si. Gbanda si ala yeke ma ya ti tënë so nzoni.

Jérémie 48:20

Fade azo ni ayeke kiri tënë: “A nika Moab awe! Kamene ahon ndö ti kodro ni awe!” Ala dekongo, ala dekongo ngangu! Ala to mbela na tënë ni na tere ti ngu ti Arnon, ala tene: Moab ati awe!

Jérémie 6:26

“Ala azo ti mbi, ayeke nzoni ala yu bongo ti mua, ala rule tere ti ala na ya ti fuku ti sese, ala sara aye so kue zo ayeke sara na ngoi ti mua, ala toto na ngu ti le tongana ti so zo ayeke toto ndali ti oko molenge ti lo ti koli so akui. Biani, gi hio tongaso, wato ayeke ga ti hunzi e kue!”

Abia ti demango tere 1:12

Ala ga abaa, ala azo so kue ayeke hon na lege so, ayeke nzoni amara ti ye tongaso asi na ala pepe! Pasi ti mbi alingbi na pasi ti mbeni zo-oo? Pasi so KOTA GBIA azia mbi na ya ni so ayeke ngangu mingi; KOTA GBIA azia pasi ni na tere ti mbi na lango so ngonzo ti lo alondo tongana wâ.

Ezekiel 21:12

Tongana ala hunda mo, atene: ‘Mo yeke dema ngbanga ti nyen?’ Fade mo kiri tënë na ala, mo tene: ‘Mbi ma mbeni sioni sango, ye ni ayeke si. Fade be ti azo kue ayeke fâ, maboko ti azo ayeke woko, ngangu ayeke tia azo, alikunu kue ayeke do kpakpakpa. Ngoi ni alingbi awe! Ye ni asi fadeso awe!’ So tënë ti yanga ti Kota Gbia NZAPA laa.”

Ezekiel 30:2

“*Molenge ti zo, tene tënë na iri ti mbi, mo tene: Tënë so Kota Gbia NZAPA atene ayeke so: Ala dema tere ti ala ndali ti lango ti mawa ni!

Joël 1:13

Ala awayango-sandaga, ala yu bongo ti mua, ala toto; ala so ayeke sara kua na tere ti gbalaka, ala dema tere ti ala! Ala azo so ayeke sara kua ti Nzapa ti mbi, ala ga, ala yu bongo ti mua, ala lango na ni na bi kue, ngbanga ti so azo ayeke na sandaga ti *ble na ti samba pepe ti ga na ni na ya ti kota da ti Nzapa.

Amos 8:10

Fade mbi yeke sara si amatanga ti ala aga ngoi ti vundu; abia ti ala ayeke ga abia ti totongo kuâ. Fade mbi yeke sara si azo kue ayeke yu bongo ti mua si ala yeke kio kua ti li ti ala; mbi yeke sara si ala yeke sara mua tongana ti so a yeke sara mua ndali ti oko molenge ti ya ti sewa so akui. Na lango ni so, fade aye so kue ayeke hunzi na ya ti mawa.”

Mishe 1:16

Ala azo ti Jérusalem, ala kio kua ti li ti ala, ala fâ kua ti li ti ala ndali ti amolenge ti ala so ala ye ala mingi so. Ala kio kua ti li ti ala kue titene aga tongana ti *ngoalo so amboko kue so. Biani, fade a yeke gbu amolenge ni ti gue na ala na kodro wande, yongoro na tere ti ala, azo ti Jérusalem.

Wungo ti azo 25:4

KOTA GBIA atene na Moïse: “Mo gbu amakonzi kue ti azo ni, mo kanga go ti ala na tere ti keke na nduzu, ala yeke baa le ti lâ, na dawa ti mbi. Tongaso si ngonzo ti mbi ade na tere ti azo ti Israel.”