Jérémie 4:5 - Mbeti ti Nzapa - Tënë so amu fini

⁵ Ala to mbela na sese ti Juda kue, ala to mbela nga na ya ti Jérusalem. Ala huru didi na ya ti kodro ni kue, ala dekongo ngangu, ala tene: “Ala azo, ala bongbi tere ti ala, ala li na ya ti agbata so gbagba ti bira ayeke na tere ni!”

Jérémie 4:5 Iomraidhean Croise

Ésaïe 28:19

Na ngoi so kue ye ti ngangu ni ayeke si, fade ayeke wara ala. Biani, ye ni ayeke hon na ndaperere, na kota lâ nga na bi. Gi so azo ayeke ma tënë ni, kota mbeto ayeke hon ndö ti ala.

Jérémie 11:2

“Ala ma atënë ti ya ti *mbuki so nzoni! Mo tene tënë ni na azo ti Juda nga na azo so ayeke lango na Jérusalem.

Jérémie 35:11

Na ndembe so Nabukodonosor, gbia ti Babilone, aga si asara bira na kodro ni, e tene na be ti e, e tene: ayeke nzoni e gue na Jérusalem si e kpe aturugu ti Babilone na ala ti Sirii. Ndani laa e duti laso na Jérusalem so.”

Jérémie 5:20

KOTA GBIA atene: “Ayeke nzoni ala fa tënë so na *ahale ti Jacob. Ala sara si azo ti Juda ama tënë so.

Jérémie 6:1

Ala, azo ti Benjamin, ala sigigi na ya ti Jérusalem. Ala kpe agi ndo ti honde tere ti ala daa. Kâ na Tekoa, ala huru didi; kâ na Bet-Kerem, ala yo na nduzu mbeni bendere ti fa atene, mbeni ye ti sioni na kota kpale ti bubango ndo alondo na Banga ti ga.

Jérémie 8:14

“E ngba ti duti dutingo ngbanga ti nyen? E londo, e bongbi tere, e li na ya ti agbata so gbagba ti bira ayeke na tere ni, e duti kâ ti ku kuâ ti e ma! Biani, KOTA GBIA, Nzapa ti e aye gi kuâ ti e; lo ye titene e nyon gi ngu so sioni yoro ayeke daa, ngbanga ti so e sara siokpari ti ke lo.

Jérémie 9:12

KOTA GBIA akiri atene: “Ye ni asi tongaso, ngbanga ti so azo ni azia lege ti ye so mbi fa na ala, ala ke ti ma mbi; ala ke ti sara ye alingbi na tënë ti mbi.

Ezekiel 7:14

Ataa a huru tatalita, ataa a leke ye kue ndali ti bira, zo oko ti gue na bira ni ayeke daa pepe, ngbanga ti so ngonzo ti mbi ti wâ alondo na tere ti azo ti kodro ni kue awe.”

Osée 8:1

Ala azo, ala huru didi: sioni ye ayeke ga! Awato ayeke ti na ndö ti azo ti KOTA GBIA tongana *ngoalo, ngbanga ti so ala buba ya ti tënë ti mbuki ti mbi, ala sara ngangu li na ndia ti mbi.

Joël 2:1

Ala huru didi na ndö ti hoto ti *Sion, ala dekongo ngangu na ndö ti hoto ti mbi so ayeke nde si ayeke nzoni kue so! Ala azo ti kodro, ayeke tere ti ala ado, ngbanga ti so *lango ti KOTA GBIA ayeke ga, lango ni aga nduru awe.

Amos 3:6

Tongana a huru didi na ya ti mbeni gbata ti fa tënë ti bira, fade mbeto alingbi ti gbu azo pepe? Tongana kpale asi na ya ti mbeni gbata, *KOTA GBIA laa asara ye ni pepe?

Amos 3:8

Bamara ayeke toto, zo wa laa alingbi ti sara mbeto pepe, zo wa? Kota Gbia NZAPA ayeke tene tënë, zo wa laa alingbi ti ke ti tene peko ti tënë ti yanga ti lo, zo wa?

Wungo ti azo 10:2

“Mo leke atatalita use na wen ti nginza so a pika tere ni na martoo. Fade a yeke huru tatalita ni ti iri bongbi ti azo ti Israel wala ti mu lege na ala ti londo ti hon.

Wungo ti azo 10:3

Tongana a huru atatalita use kue, bongbi ti azo ti Israel kue ayeke bongbi na tere ti mo, nduru na yanga ti da ti bongo so KOTA GBIA na azo ti lo ayeke wara tere daa.

Josué 10:20

So Josué na azo ti Israel afâ azo ti mara ti Amori gbani gbani, angba kete ala hunzi kue. Ambeni oko oko so angba akpe si ala li na ya ti agbata ti ala so a sara angangu gbagba na tere ni.