Jérémie 4:30 - Mbeti ti Nzapa - Tënë so amu fini

³⁰ Ti mo Jérusalem, azo abuba mo awe! Mo yeke yu bengba bongo ti ngangu ngere, mo yeke yu aye ti pendere ti lôro si mo yeke kpaka aye ti baba na ndö ti le ti mo ti sara na nyen? Mo yeke sara aye ti pendere so gi senge senge; akoli so ayeke kpe lani na peko ti mo so, ala ke mo awe, ala ye gi kuâ ti mo.

Jérémie 4:30 Iomraidhean Croise

2 Agbia 9:30

Yehu ali na gbata ti Yizreel awe. So Yezabel ama tënë ni, lo kpaka ambeni ye ti pendere na tere ti kua ti le ti lo, lo leke kua ti li ti lo pendere si na pekoni, lo luti na le ti fenetere.

Amato 6:25

Mo sara nzara ti mara ti wali tongaso ndali ti pendere ti lo pepe; ayeke nzoni le ti lo so lo yeke sara ti handa na akoli so, agboto mo pepe.

Amato 7:10

Wali ni aga awara lo, lo yu bongo tongana wali-ndumba, be ti lo asi singo na tënë ti handa.

Ésaïe 10:3

Na lango ti fango ngbanga, fade ala yeke sara nyen? Na ngoi so kota pupu so ayeke buba ye kue alondo yongoro ti ga, fade ala yeke sara nyen? Ala yeke kpe na ndo ti zo wa titene lo mu maboko na ala? Ala yeke zia amosoro ti ala na ndo wa?

Ésaïe 20:6

Na lango ni so, azo so ayeke lango na yanga ti kota ngu-ingo so ayeke tene: “Azo so lani e zia be ti e na ndö ti ala so, baa ye so asi na ala laa! E ye lani ti honde tere ti e na ndo ti ala, titene ala mu na e maboko, titene ala zi e na maboko ti gbia ti Asirii! Fadeso e yeke sara tongana nyen?”

Ésaïe 33:14

Na *Sion, azo ti siokpari ado na mbeto, tere ti azo ti sioni ado. Ala yeke hunda tere ti ala, atene: “Wâ so ayeke gbi ye kue so, zo wa na popo ti e alingbi ande ti luti na tere ni, zo wa? Zo wa na popo ti e alingbi ti luti na tere ti kota wâ so ayeke gbi lakue lakue so zo wa?”

Jérémie 13:21

Azo so lani mo mu lege na ala ti ga akamarade ti mo so, na ndembe so ala yeke ga ti so na ndö ti mo, fade mo yeke tene nyen? Mo yeke baa pasi tongana wali na ndembe ti dungo ni.

Jérémie 22:23

Mo so lani mo duti kpoo na ndö ti hoto ti Liban; lani mo sara da ti mo na ya ti keke ti sedre tongana ti ndeke, fade mo yeke dema na ndembe so pasi ayeke ga na ndö ti mo; ye ayeke gboto mo si mo yeke do tere ti mo tongana wali na ndembe ti dungo ni!”

Jérémie 30:14

Andeko ti mo kue, be ti ala agirisa na mo awe, ngbanga ti ala ayeke na mo mbeni pepe. Biani, mbi pika mo, mo baa mo tene, mbi yeke fade wato ti mo. Mbi pika mo ngangu, ngbanga ti so sioni ti mo ahon ndoni, siokpari ti mo awu mingi.

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Abia ti demango tere 1:19

Mbi iri azo so aye mbi lani so, andaa ala ke mbi awe. Awayango-sandaga na *akangba ti mbi akui kue; ala kui kue na ya ti gbata ti Jérusalem, na ndembe so ala yeke gi kobe ti wara na ngangu.

Abia ti demango tere 1:2

Na bi, gi toto na toto ngbii ndo ahan. Ngu ti le ayeke sua na tere ti ngbangba ti lo. Na popo ti azo so aye lo lani mingi so, mbeni zo ti de be ti lo ayeke daa pepe. Amba ti lo kue akiri aka lo awe: ala ga awato ti lo.

Abia ti demango tere 4:17

Le ti e angba gi na lege ti ku; e baa ndo gbaa: zo ti ga ti mu maboko na e ayeke daa pepe. E ngba ti ku mbeni mara nde so alingbi ti ga ti soo e; andaa mara ni so alingbi ti soo e pepe.

Ezekiel 28:13

Mo yeke lango na Eden, yaka ti Nzapa; atêne ti ngangu ngere ndenge na ndenge akanga tere ti mo: rubis, topaze na diaman, krizolite, kornaline na zaspe, safir, grena na emerode. Aye ti pendere so mo yeke yu, a sara ni na lôro, a leke ni gi na lango so a sara mo.

Ezekiel 28:9

Na dawa ti zo so ayeke fâ ande mo, mo lingbi ti tene: ‘Mbi yeke nzapa’? Andaa na gbe ti maboko ti azo so ayeke fâ mo so, mo yeke gi senge zo, mo yeke nzapa lawa!

Abdias 1:7

Azo so kue mo na ala aga *ambuki so, ala tumba mo na ya ti kodro ti mo. Azo so mo na ala aye tere mingi so, ala handa mo si ala hon ndö ti mo. Azo so ayeke te lani kobe ti mo so, ala zia kuku na lege ti mo ti gbu na mo. Azo ni ayeke tene: “Lo hinga ndo pepe!”

Ahebro 2:3

Tongaso, tënë ti songo zo na kuâ ayeke kota ye mingi. Tongana e baa ni tongana mbeni senge ye na le ti e, fade e yeke kpe ngbanga ti Nzapa tongana nyen? Kota Gbia ato nda ti tene tënë ti songo zo na kuâ ni so kozoni. Na pekoni, azo so ama tënë ni, ala fa ni na e si ala ye gbe ni atene, tënë ni ayeke taa-tënë.

Aye so Nzapa afa 17:13

Ala baleoko kue, tënë ti be ti ala ayeke gi oko: ala mu komandema ti ala na ngangu ti ala na nyama ni.

Aye so Nzapa afa 17:2

Agbia ti sese asara aye ti ndumba na lo; azo ti dunia kue anyon vin ti aye ti ndumba ti lo si ayeke sara ala.”

Aye so Nzapa afa 17:4

Wali ni ayu pendere bengba bongo so ayeke za zango; lo yu aye ti pendere so a sara na lôro, na atêne ti ngangu ngere nga na alenge. Lo gbu mbeni kopo so a sara na lôro na maboko ti lo; ya ti kopo ni asi singo na aye ti sioni so zo alingbi ti baa na le ti lo fani use pepe, so ti tene aye ti ndumba so lo yeke sara.