Jérémie 4:23 - Mbeti ti Nzapa - Tënë so amu fini

²³ Mbi baa sese: sese angba senge, ye oko ayeke daa pepe. Mbi baa le ti nduzu: vurungo ndo ayeke kâ mbeni pepe.

Jérémie 4:23 Iomraidhean Croise

Tongo nda ti aye 1:2

Sese ni ayeke gi senge, ye oko ayeke daa pepe. Ndo avuko pitipiti na ndö ti angu so ali mingi; yingo ti Nzapa ayeke ya na ndö ti angu ni.

Ésaïe 13:10

Fade atongoro ti le ti nduzu na ala so abongbi tere na ndo oko ayeke kiri ti za pepe. Gi na sigingo ti lâ tongaso, le ti lâ ni ayeke vuko si nze ayeke kiri ti su pepe.

Ésaïe 5:30

Me na lango ni so, mbeni toto ayeke londo ti ga na tere ti ala tongana toto ti kota ngu-ingo. Tongana zo abaa ndo na ndö ti sese, fade lo yeke baa gi vukongo ndo na ye ti ngangu; angbongboro mbinda ayeke kanga sungo ti lâ.

Jérémie 2:12

Ndali ni, ala so ayeke lango na yayu, ayeke nzoni li ti ala akpe; ala do na kota mbeto si ala duti na mawa! So tënë ti yanga ti KOTA GBIA laa.

Jérémie 9:10

KOTA GBIA atene: “Mbi yeke sara titene Jérusalem aga ndo so ye kue abuba daa; ndo so aga ndo ti lango ti *anzagua. Mbi yeke sara si agbata ti Juda aga gi ngonda, ndo so zo ayeke daa mbeni pepe.”

Abia ti demango tere 3:2

Lo pusu mbi na dawa ti lo, na ndo so avuko pitipiti, lo gue na mbi na ndo so lumiere ayeke daa pepe.

Joël 2:10

Na singo ti ala, sese ayingi, le ti nduzu ado ngangu; le ti lâ na ti nze avuko pitipiti si atongoro akiri aza pepe.

Amos 8:9

So tënë ti yanga ti Kota Gbia NZAPA laa: “Na lango ni so, mbi yeke sara si lâ alinda na bekombite si ndo avuko pitipiti na kota lâ.

Zakarii 14:6

Na lango ni so, aye so ayeke su na le ti nduzu ayeke kiri ti su pepe, de ayeke kiri ti sara pepe, *glase ayeke kiri ti duti daa pepe.

Matthieu 24:29

“Gi na peko ti apasi so, fade le ti lâ ayeke vuko, nze ayeke kiri ti su pepe, atongoro ayeke londo na le ti nduzu ti ti na sese si angangu so ayeke na le ti nduzu ayeke yingi.

Matthieu 24:35

Fade yayu na sese ayeke hon, me atënë ti mbi ayeke hon oko pepe.”

Aye so Nzapa afa 20:11

Na pekoni, mbi kiri mbi baa mbeni kota vuru mbata ti gbia. Mbi baa nga lo so ayeke duti na ndö ni so. Sese na yayu alondo na dawa ti lo, akpe ahon, a kiri a baa ala mbeni pepe.