Jérémie 4:19 - Mbeti ti Nzapa - Tënë so amu fini

¹⁹ Ae ya ti mbi! Ya ti mbi! Ya ti mbi ayeke so mbi sioni; be ti mbi kue ayeke so mbi! Ya ti mbi ni ayeke kporo kporongo. Lege titene mbi kanga yanga ti mbi ayeke daa pepe, ngbanga ti so mbi ma gi toto ti didi na dekongo ti azo ti bira.

Jérémie 4:19 Iomraidhean Croise

Tongo nda ti aye 49:6

Mbi ye ti li na ya ti bongbi ti lekengo tënë ti ala pepe, mbi yeke bongbi tere na ala pepe. Na ya ti ngonzo ti ala, ala fâ zo, ndali ti nzerengo tere ti ala, ala fâ ngbongo ti akoli-bagara.

2 Agbia 4:19

Molenge ni ato nda ti dekongo, atene: “Li ti mbi! Li ti mbi!” Babâ ni atene na zo ti kua ti lo: “Gue na lo hio na mama ti lo!”

2 Agbia 8:11

Mo ye ti baa, Élisée abaa ndo kpoo, lo baa ndo mbage na mbage pepe. Na pekoni, lo to nda ti toto.

Abia (Psaumes) 103:1

Bia ti David. Mbi ye ti mu singila na *KOTA GBIA! Na be ti mbi kue, mbi ye ti mu singila na Nzapa so ayeke nde si ayeke nzoni kue.

Abia (Psaumes) 116:7

Ayeke nzoni be ti mbi akiri aduti na siriri, ngbanga ti so KOTA GBIA asara anzoni ye mingi na mbi awe.

Abia (Psaumes) 119:136

Ngu ti le ti mbi ayeke sua mingi, ngbanga ti so azo asara ye alingbi na ndia ti mo pepe.

Abia (Psaumes) 119:53

Ngonzo agbu mbi ngangu mingi na tere ti azo ti sioni so azia lege ti ndia ti mo.

Abia (Psaumes) 146:1

Aleluya! Mbi ye ti sepela *KOTA GBIA!

Abia (Psaumes) 16:2

Mbi tene na *KOTA GBIA, mbi tene: “Mo laa mo yeke Kota Gbia ti mbi! Anzoni ye ti mbi kue alondo gi na mo.”

Ésaïe 15:5

Mbi dema na vundu ndali ti Moab. Azo ni akpe ngbii asi na Soar nga na Eglat-Selisia. Ala yeke toto si ala yeke ma hoto ti Luhit. Na lege ti guengo na Horonaim, ala yeke dekongo, atene: “Ye kue abuba awe!”

Ésaïe 16:11

Ndani laa mbi yeke toto na vundu ndali ti Moab tongana kundi so atoto. Be ti mbi aso mingi ndali ti Kir-Heres.

Ésaïe 21:3

Ndani laa tere ti mbi ayeke do na mbeto, tere ti mbi ayeke so tongana ti wali so aga nduru ti du. Ye so mbi ma so asara si li ti mbi aga kirikiri, ye so mbi baa so azia kota mbeto na be ti mbi.

Ésaïe 21:4

Li ti mbi aga kirikiri, mbeto ahon ndö ti mbi. Mbi yeke ku fade lakui ti wu pupu, me lakui ni akiri aga ye ti zia kota mbeto na be ti mbi.

Ésaïe 22:4

Ndani laa mbi tene na ala: “Ala zia mbi, mbi toto ngangu mingi. Kota kpale asi na azo ti mbi, ala tara ti de be ti mbi pepe.

Jérémie 13:17

Tongana ala ma tënë so pepe, mbi yeke toto na hondengo ni ndali ti baba ti ala so ahon ndö ni so. Ngu ti le ti mbi ayeke sua gbani gbani, ngbanga ti so a yeke gue na ataba ti KOTA GBIA na kodro wande.

Jérémie 20:9

Tongana mbi tene: “Awe! Mbi yeke kiri ti di iri ti lo na yanga ti mbi pepe, mbi yeke kiri ti fa tënë na iri ti lo pepe”; na ya ti be ti mbi kâ, tënë ni ayeke gbi tongana wâ. Mbi yeke sara ngangu ti mingo ni, me mbi ha gbaa.

Jérémie 23:9

Tënë na ndö ti awayanga-Nzapa: Be ti mbi afâ na ya ni kâ, tere ti mbi kue ayeke do. Mbi yeke tongana zo so anyon samba ahon ndö ti lo ngangu mingi. Aye so kue asi na mbi ndali ti *KOTA GBIA nga ndali ti atënë ti lo so ayeke nde si ayeke nzoni kue. Lo tene:

Jérémie 4:21

Mbi yeke ngba ti baa abendere so a gboto na nduzu so ngbii asi lawa? Mbi yeke ngba ti ma toto ti didi ngbii asi lawa?

Jérémie 4:5

Ala to mbela na sese ti Juda kue, ala to mbela nga na ya ti Jérusalem. Ala huru didi na ya ti kodro ni kue, ala dekongo ngangu, ala tene: “Ala azo, ala bongbi tere ti ala, ala li na ya ti agbata so gbagba ti bira ayeke na tere ni!”

Jérémie 42:14

e yeke gue na Ezipte. Kâ, fade e yeke kiri ti hinga ye so iri ni bira pepe, e yeke kiri ti ma toto ti tatalita pepe si nzara ayeke kiri ti fâ e pepe. E yeke sara kodro gi kâ!’

Jérémie 49:2

Ndani laa, ambeni lango ayeke ga so mbi yeke sara titene azo ama dekongo ti bira na Raba, li-kodro ti azo ti mara ti Amon; so tënë ti yanga ti KOTA GBIA laa. Fade gbata ni ayeke ga ngonda, wâ ayeke gbi akete kodro so ayeke na tere ni. Na pekoni, Israel ayeke kiri ti mu ye so ayeke lani ti lo.” Tënë so KOTA GBIA atene laa.

Jérémie 50:22

Na ya ti kodro ni, gi toto ti bira; ye abuba mara ni use pepe!

Jérémie 6:24

“Na mango tënë so, e woko kue si be ti e afun kue. E baa pasi tongana wali na ndembe ti dungo ni.

Jérémie 8:18

Vundu ti be ti mbi ahon ndoni, yoro ni ayeke daa pepe; na ya ti be ti mbi kâ, mbi yeke baa pasi mingi.

Jérémie 8:21

Kota ka so azo ti mbi awara azia nga ka na be ti mbi. Vundu agbu mbi mingi si be ti mbi afun kue.

Jérémie 9:1

Tongana a mu na mbi fade mbeni ndo ti azo ti lege kâ na benyama titene mbi lango daa, ka mbi yeke zia azo ti kodro ti mbi, mbi hon yongoro na tere ti ala! Ala kue ayeke azo ti gingo akoli wala awali ti azo; ala ayeke bongbi ti azo so ake Nzapa awe.

Jérémie 9:10

KOTA GBIA atene: “Mbi yeke sara titene Jérusalem aga ndo so ye kue abuba daa; ndo so aga ndo ti lango ti *anzagua. Mbi yeke sara si agbata ti Juda aga gi ngonda, ndo so zo ayeke daa mbeni pepe.”

Abia ti demango tere 1:16

Ndali ti aye ti kpale so, mbi yeke toto. Ngu ti le ti mbi ayeke yuru, ayeke yuru. Zo ti de be ti mbi, zo so ayeke kiri ngangu na mbi so, lo hon yongoro na tere ti mbi awe. Amolenge ti mbi ti koli akiri angba zo pepe, awato ahon ndö ti e na ngangu awe!

Abia ti demango tere 1:20

KOTA GBIA, mo baa, pasi ti mbi ahon ndoni; akamba ti ya ti mbi kue ayeke do dongo; be ti mbi kue ayeke yingi yingingo, ngbanga ti so mbi sara ngangu li ahon ndoni. Kâ na gigi amolenge ti mbi akui; ge na ya ti da, gi kuâ na kuâ.

Abia ti demango tere 2:11

Mbi toto ngbii, le ti mbi avuko kue; akamba ti ya ti mbi ayeke do dongo. Tongana mbi baa akpale so asi na azo ti kodro ti mbi, mbi woko kue. Mbi baa akete molenge na ala so angba ti nyon me; ala woko kue si ala ti kirikiri na be ti lege ti gbata ni.

Daniel 4:19

Gbia, keke so ayeke mo, ngbanga ti so mo ga kota si mo ga ngangu; kota ti mo ni ague ngbii akpo le ti nduzu si ngangu ti mo ti sara komandema asi na nda ti sese kue.

Daniel 7:15

“Mbi Daniel, be ti mbi afun kue ndali ti abango-li so; aye so mbi baa azia mbeto mingi na be ti mbi.

Daniel 7:28

“Tënë ni ahunzi na ndo so. Me ti mbi Daniel, be ti mbi agi mbi mingi, mbi woko kue si mbi ngba ti gbu li ti mbi daa.”

Daniel 8:27

Tongaso, mbi Daniel, mbi woko kue si mbi ti na kobela aninga lango kete. Na pekoni, so tere ti mbi akai awe, mbi kiri na kua so gbia amu na mbi. Mbeto asara mbi mingi ndali ti ye so mbi baa na ya ti mbeni ye tongana bango-li so, ngbanga ti so mbi ma ya ni pepe.”

Amos 3:6

Tongana a huru didi na ya ti mbeni gbata ti fa tënë ti bira, fade mbeto alingbi ti gbu azo pepe? Tongana kpale asi na ya ti mbeni gbata, *KOTA GBIA laa asara ye ni pepe?

Habakuk 3:16

Mbi ma tënë ti aye so si li ti mbi kue akpe. Toto ti aye ni asara si yanga ti mbi ado dongo, bio ti mbi awoko kue, gere ti mbi awoko kue, mbi lingbi ti luti na nduzu pepe. Mbi duti kpoo ti ku lango ti ye ti vundu ni, ti ku lango ti gue ti tiri bira na azo so ayeke sara ngangu na e.

Wungo ti azo 10:9

“Na kodro ti ala, tongana ala gue ti tiri bira na awato ti ala so ayeke sara ngangu na ala, ayeke nzoni ala huru tatalita ni si ngangu dekongo ayeke na gbe ni. Tongaso, mbi KOTA GBIA Nzapa ti ala, mbi yeke dabe ti mbi na ala si mbi yeke zi ala na maboko ti awato ti ala ni.

Rome 10:1

A-ita, tënë so agbu be ti mbi si mbi yeke sambela Nzapa ndali ti azuife, ayeke titene ala soo kuâ.

1 Korente 14:8

Tongana zo ahuru tatalita si azo ama ya ti tënë ni nzoni pepe, zo wa laa alingbi ti leke tere ti lo ti gue na bira?

Galasii 4:19

Amolenge ti mbi, tongana ti so mama ti ngo ayeke baa pasi na ndembe ti dungo ni, mbi nga, mbi yeke baa pasi ndali ti ala ngbii dutingo ti ala aga tongana ti Christ.

Awafango-ngbanga 5:21

Kete ngu ti Kishon, kete ngu so asua ngbene ye aninga, asua amu awato ni kue ahon na ala. E gue na bira na mbeto pepe!