Jérémie 4:17 - Mbeti ti Nzapa - Tënë so amu fini

¹⁷ Ala ngoro Jérusalem tongana ti so azo ti batango yaka ayeke ngoro yaka. Azo ni angoro Jérusalem, ngbanga ti so lo sara ngangu li na mbi; so tënë ti yanga ti KOTA GBIA laa.

Jérémie 4:17 Iomraidhean Croise

Néhémie 9:26

Me akotara ti e asara ngangu li na mo, ala tomboka na tere ti mo, ala bi atënë ti ndia ti mo na peko ti ala; ala fâ awayanga ti mo so ayeke mu wango na ala titene ala kiri na mbage ti mo. Na sarango ye tongaso, ala zonga mo mingi.

Néhémie 9:30

Mo kanga be ti mo na ala na ya ti ngu mingi. Na lege ti yingo ti mo, mo mu wango na ala na lege ti awayanga ti mo; me ala ma awayanga ti mo ni pepe. Tongaso mo zia ala na maboko ti azo ti amara nde.

Ésaïe 1:8

Gbata ti *Sion angba gi lo oko tongana kete da na ya ti yaka ti *vinye, tongana kpangba ti yanga ti yaka ti kugbe ti kasa, tongana gbata so awato angoro ni kue.

Ésaïe 30:9

Biani, azo so ayeke azo ti ngangu li, ala yeke amolenge ti handango zo, ye so KOTA GBIA afa na ala, ala ye ti ma pepe.

Jérémie 5:23

Me mara ti azo so, be ti ala akpengba mingi, ala yeke azo ti ngangu li. Ala gboto tere ti ala si ala hon.

Jérémie 52:4

Na nze baleoko ni ti ngu gumbaya ni so Sedesias ayeke le-gbia, Nabukodonosor, gbia ti Babilone, lo na aturugu ti lo kue aga ti sara bira na Jérusalem. Lo sara bâbâ ti lo na tere ti gbata ni; azo ti lo abongbi sese aga *koto na tere ti gbagba ti gbata ni, angoro ni kue.

Abia ti demango tere 1:18

KOTA GBIA ayeke mbirimbiri; mbi laa mbi ke yanga ti lo. Ala azo ti mara kue, ala ma mbi si: ala baa nga pasi so mbi yeke na ni laa? Azo agbu amaseka-koli na amaseka-wali ti mbi, ahon na ala na kodro wande awe!

Abia ti demango tere 1:8

Azo ti Jérusalem asara siokpari ahon ndoni. Nilaa, gbata ni aga tongana mbeni sarate ye; azo so kue ayeke gonda gbata ni ando so, fadeso ala yeke baa ni tongana mbeni buba ye, ngbanga ti so ala baa tere ti lo so ayeke senge. Lo wani, lo dema, lo kiri na peko, lo hon.

Ndia ti fani use ni 9:24

Ngbene ye so mbi hinga ala, ala sara gi ngangu li na KOTA GBIA ngbii asi laso.