Jérémie 4:16 - Mbeti ti Nzapa - Tënë so amu fini

¹⁶ Ala dabe ti amara nde na tënë so; ala sara titene azo ti Jérusalem ahinga tënë ni: azo alondo na mbeni kodro yongoro, ala ga ti mu gbata ni na bira. Ala yeke dekongo ti bira si ala yeke ga na tere ti agbata ti Juda.

Jérémie 4:16 Iomraidhean Croise

Ésaïe 34:1

Ala amara nde, ala ga nduru ge, ala ma tënë! Ala azo ti dunia kue, ala dingi mê ti ala, ala ma tënë! Ayeke nzoni sese na aye so kue ayeke na ndö ni ama tënë, dunia na aye so kue ayeke sigigi daa ama tënë.

Ésaïe 39:3

Na pekoni, wayanga-Nzapa Ésaïe aga awara gbia Ezekias si ahunda lo, atene: “Azo so atene na mo nyen? Ala londo na ndo wa?” Ezekias akiri tënë: “Ala londo na yongoro ndo, na Babilone, ti ga ti baa mbi.”

Jérémie 1:15

Mbi yeke iri amara nde nde ti Banga kue ti ga; ala yeke londo na ya ti akodro-gbia; so tënë ti yanga ti KOTA GBIA laa. Fade ala yeke ga, ala zia ambata ti ala ti gbia taa na tere ti ayanga ti gbagba ti Jérusalem; ala yeke zia ambata ni na tere ti gbagba ni angoro ni kue, nga na tere ti agbata ti sese ti Juda kue.

Jérémie 16:6

Na ya ti kodro so, fade akota zo na akete zo ayeke kui; a yeke lu kuâ ti ala pepe, a yeke toto kuâ ti ala pepe si zo ti suru tere ti lo na ka, wala ti kio kua ti li ti lo ndali ti ala ayeke daa pepe.

Jérémie 2:15

Abamara atoto na ndö ti lo awe; ala toto ngangu. Azo asara si kodro ti lo aga ngonda; ala gbi agbata ti lo, zo ayeke daa mbeni pepe.

Jérémie 31:10

Ala amara nde, ala ma tënë ti KOTA GBIA, ala bi tënë ni na mê ti azo so ayeke na ya ti azoa yongoro kâ. Ala tene: “KOTA GBIA akangbi lani azo ti Israel kirikiri, fadeso lo bongbi ala si lo bata ala tongana wabatango-taba so abata ataba ti lo.”

Jérémie 39:1

Na nze baleoko ni ti ngu gumbaya ni so Sedesias ayeke le-gbia, Nabukodonosor, gbia ti Babilone, lo na aturugu ti lo kue aga angoro gbata ti Jérusalem ti mu ni na bira.

Jérémie 4:17

Ala ngoro Jérusalem tongana ti so azo ti batango yaka ayeke ngoro yaka. Azo ni angoro Jérusalem, ngbanga ti so lo sara ngangu li na mbi; so tënë ti yanga ti KOTA GBIA laa.

Jérémie 5:15

So tënë ti yanga ti KOTA GBIA laa: Ti ala azo ti Israel, mbi yeke tokua mbeni mara so alondo na yongoro ndo ti ga na tere ti ala; ayeke mara so ala lingbi ti kinda ni pepe, mara ni ayeke ando giriri; ala hinga yanga ti kodro ti azo ti mara ni pepe, ala ma ya ti atënë so ala yeke tene pepe.

Jérémie 5:6

Ndani laa fade abamara ti gbako ayeke gbu ala, ambo ti benyama ayeke suru ya ti ala. Aze ayeke ku ala na tere ti agbata ti ala. Azo so kue alondo na ya ti agbata ni ti sigigi, aze ni ayeke gbu ala si ayeke suru ya ti ala, ngbanga ti so ala sara ngangu li ahon ndoni; ala sara aye gbani gbani so ake Nzapa.

Jérémie 50:2

“Ala azo, ala fa tënë ni na popo ti amara nde, ala sara si azo ama tënë ni na lege ti bendere so ala yo na nduzu; ala sara si azo ama tënë ni, ala honde ni pepe! Ala tene: A mu Babilone awe! Kamene ahon ndö ti ayanda ti lo awe! Biani, kamene ahon ndö ti Bel awe, Marduk ati biani biani awe!

Jérémie 6:18

Ala ma si, ala azo ti amara nde! Ayeke nzoni ala ma tënë ti ye so ayeke si na azo ti Jérusalem.

Jérémie 6:19

Ala ma si, ala azo ti sese kue: mbi yeke sara titene kota kpale ati na ndö ti azo ni, so ayeke futa ti asioni gbungo-li ti ala laa. Ala dingi mê ti ala ti ma atënë ti mbi pepe; ala baa atënë ti ndia ti mbi tongana mbumbuse ye.

Jérémie 6:22

Tënë so KOTA GBIA atene ayeke so: “Mbeni mara alondo na mbeni kodro ti Banga si ayeke ga; mbeni kota mara alondo yongoro na nda ti sese si ayeke ga.

Jérémie 6:23

Aturugu ti mara ni so agbu akokora na alikongo. Ala yeke sioni mingi, ala yeke baa mawa ti zo pepe; go ti ala ayeke toto tongana kota ngu-ingo. Ala ko na ndö ti ambarata; ala leke tere ti ala awe ti tiri bira na *Sion, pendere maseka-wali.”

Jérémie 8:19

Na ya ti mbeni kodro yongoro, azo ti mbi ayeke dekongo; ala yeke iri ndo titene a mu maboko na ala, ala tene: “KOTA GBIA ayeke na *Sion mbeni pepe? Gbia ti Sion ayeke daa mbeni pepe?” “Ngbanga ti nyen si azo so agi yanga ti mbi na vorongo anzapa ti awande so? Andaa so ayeke gi abuba ye so awande aleke ni.”

Ezekiel 21:22

Mbi nga, mbi yeke pika maboko ti mbi; mbi yeke sara ye ni ngbii ngonzo ti mbi ti wâ ade si. Mbi KOTA GBIA laa mbi tene tënë so.”