Jérémie 4:15 - Mbeti ti Nzapa - Tënë so amu fini

¹⁵ Mbeni tongo mbela alondo na mbage ti sese ti Dan kâ; tënë ni ayeke tënë ti kota kpale; tënë ni alondo na mbage ti hoto ti Efraim.

Jérémie 4:15 Iomraidhean Croise

Ésaïe 52:7

So ayeke nzoni ye mingi ti baa zo so aga na nzoni tënë na li ti ahoto! Lo yeke fa tënë ti siriri, tënë ti nzoni dutingo ti zo nga na tënë ti songo zo na kuâ. Lo yeke tene na Jérusalem: “Nzapa ti mo ayeke le-gbia!”

Jérémie 10:22

Mbeni tënë alondo kâ si ayeke ga, mbeni ye so ayeke yingi ndo alondo na Banga si ayeke ga, ayeke ga ti buba agbata ti Juda si agbata ni ayeke ga ngonda, ayeke ga ndo ti lango ti *anzagua.

Jérémie 6:1

Ala, azo ti Benjamin, ala sigigi na ya ti Jérusalem. Ala kpe agi ndo ti honde tere ti ala daa. Kâ na Tekoa, ala huru didi; kâ na Bet-Kerem, ala yo na nduzu mbeni bendere ti fa atene, mbeni ye ti sioni na kota kpale ti bubango ndo alondo na Banga ti ga.

Jérémie 8:16

Wato asi na sese ti Dan awe; so ambarata ti lo ayeke dekongo kâ, azo ayeke ma toto ni mango ge. Ndali ti toto ti ambarata ni, sese kue ayingi. Ala yeke ga, ala yeke buba kodro ni na aye ti ya ni kue; ala yeke buba gbata ni na azo ti ya ni kue.”

Josué 17:15

Josué atene na ala: “Tongana ala wu mingi si sese ti Efraim, ndo so ahoto ayeke daa alingbi na ala pepe, ayeke nzoni ala gue na ya ti gbako ti azo ti mara ti Perizi na ti Refa, ala fâ ndo ni, ala leke ni si ala duti daa.”

Josué 20:7

Agbata so azo ti Israel azia ni nde ayeke so: Kedesh, so ayeke na Genezaret na sese ti Neftali, ndo so ahoto ayeke daa, Sishem, so ayeke na sese ti Efraim, ndo so ahoto ayeke daa, Kiriat-Arba, so a iri ni nga Hebron na sese ti Juda, ndo so ahoto ayeke daa.

Awafango-ngbanga 18:29

Ala zia iri ti gbata ni Dan, alingbi na iri ti kotara ti ala, molenge ti Jacob; me kozo iri ti gbata ni ayeke Laish.

Awafango-ngbanga 20:1

Azo ti Israel kue abongbi tere tongana zo oko na dawa ti *KOTA GBIA na sese ti Mispa. Ala londo na sese ti Dan ngbii ala si na Bersheba nga na Galaad.