Jérémie 4:14 - Mbeti ti Nzapa - Tënë so amu fini

¹⁴ “Jérusalem, tongana mo ye titene a soo mo, ayeke nzoni mo *sukula sioni na be ti mo. Sioni tënë ayeke ngba ande na be ti mo ngbii asi lawa?

Jérémie 4:14 Iomraidhean Croise

Abia (Psaumes) 119:113

Mbi ke azo ti be use use, me mbi ye ndia ti mo.

Abia (Psaumes) 51:2

David adema tere ti lo na peko ti so wayanga-Nzapa Natan aga asuku na lo ndali ti so lo gi Batsheba, wali ti mba ti lo.

Abia (Psaumes) 66:18

Tongana mbi bata fade sioni ye na be ti mbi, ka Kota Gbia ama mbi pepe.

Amato 1:22

“Ala azo so le ti ala ahan pepe so, ala ye ti ngba tongaso ngbii asi lawa? Ala azo ti hengo ndo, ala yeke ngba ti he ndo ngbii asi lawa? Ala azo so ahinga ndo pepe so, ala yeke ke ti hinga ye ngbii asi lawa?

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Jérémie 13:27

Asarango ye ti ndumba ti mo, totongo ti mo tongana ti mbarata so ayeke toto na peko ti wali-mbarata so, asarango ye ti ndumba ti mo na li ti ahoto, nga na ya ti ayaka ayeke mu kamene na zo! Mbi baa afungo nzapa ti mo so kue! So ye ti mawa ti nyen, Jérusalem! Mo ye ti ga *nzoni pepe! Mo yeke ngba ti sara ye tongaso ngbii asi lawa?”

Jérémie 17:1

“Tongana ti so a yeke de mbeti na wen na tere ti têne, wala na diaman so li ni ayeke tongana ti pondi, a su siokpari ti azo ti Juda legeoko tongaso na ndö ti be ti ala nga na tere ti adidi ti agbalaka ti ala.

Jérémie 18:11

“Fadeso, ayeke nzoni mo tene na azo ti Juda na ala so ayeke lango na Jérusalem, mo tene: ‘Tënë so KOTA GBIA atene ayeke so: Mbi yeke leke na be ti mbi mbeni ye ti sara na ala, mbi yeke leke mbeni sioni kpale na tere ti ala. Ayeke nzoni zo oko oko azia sioni lege ti sarango ye ti lo. Ala sara si lege ti dutingo ti ala na sarango ye ti ala akiri aga nzoni!’ ”

Jérémie 2:22

Ataa mo sukula tere ti mo na ngangu mokpakpa wa, ataa mo mu gba ti savon ti sukula na tere ti mo, sioni ti mo ayeke ngba na le ti mbi tongana mbeni sioni nzoroko. So tënë ti yanga ti Kota Gbia NZAPA laa.

Jérémie 6:19

Ala ma si, ala azo ti sese kue: mbi yeke sara titene kota kpale ati na ndö ti azo ni, so ayeke futa ti asioni gbungo-li ti ala laa. Ala dingi mê ti ala ti ma atënë ti mbi pepe; ala baa atënë ti ndia ti mbi tongana mbumbuse ye.

Ezekiel 18:31

Ala bi asioni sarango ye ti ala yongoro, ala sara si be ti ala na yingo ti ala aga fini ni! Ala azo ti Israel, ala ye ti kui ngbanga ti nyen?

Zakarii 8:17

Ayeke nzoni ala gbu li ti ala pepe ti sara sioni na popo ti ala. Ala ke tënë ti dengo ba ti mvene, ngbanga ti so mbi ke aye so kue”; so tënë ti yanga ti KOTA GBIA laa.

Matthieu 12:33

“Tongana mbeni keke ayeke nzoni, fade lengo ni ayeke nzoni. Tongana keke ni abuba, fade lengo ni nga abuba. Biani, a yeke hinga keke gi na lege ti alengo ti lo.

Nzoni Tënë so Luc asu na mbeti 11:39

Tongaso *Kota Gbia atene na lo: “Ala afarizien, ala yeke sukula tere ti kopo na ti sembe, me nzara ti nzi na ti aye ti sioni asi singo na be ti ala.

Jean 13:9

Simon Pierre atene na lo: “Tongaso, Kota Gbia, mo sukula gi gere ti mbi pepe, me mo sukula gere ti mbi, maboko ti mbi na li ti mbi kue!”

Awatokua 8:22

Mo zia lege ti sarango asioni ye ti mo so, mo sambela Kota Gbia titene tongana lege ayeke daa, lo yeke zi sioni tënë so mo leke na be ti mo so.

Rome 1:21

Ataa so ala hinga Nzapa, ala gonda lo pepe, ala mu singila na lo pepe so alingbi na Nzapa. Me gbungo-li ti ala aga kirikiri, ala hinga ndo pepe si ala yeke duti na ya ti vukongo ndo.

1 Korente 3:20

A kiri a su nga, atene: “Kota Gbia ahinga tënë ti be ti azo ti ndara; lo hinga lo tene, tënë ni ayeke gi asenge senge ye.”

Jacques 4:8

Ala ga nduru na Nzapa si fade lo yeke ga nduru na ala. Azo ti siokpari, ala *sukula sioni ti ala! Azo ti be use use, ala zi aye ti sioni na be ti ala!