Jérémie 4:13 - Mbeti ti Nzapa - Tënë so amu fini

¹³ “Baa, awato laa ayeke ga so! Ala yeke tongana mbinda! Apusu ti ambarata ti ala ayeke tongana ngangu pupu; ambarata ti ala akpe ahon *ngoalo. So mawa na e: ti e ahunzi awe!”

Jérémie 4:13 Iomraidhean Croise

2 Samuel 1:23

Na lango ti fini Saul na Jonatan kue, azo so aye ala mingi. Ataa so ala kui, kuâ akangbi ala pepe. Ala yapu lani mingi ahon *angoalo, ngangu ti ala ahon ngangu ti abamara.

Ésaïe 13:5

Aturugu ni alondo na kodro yongoro si aga, ala londo yongoro kâ na nda ti sese. KOTA GBIA na azo so ayeke fa ngonzo ti lo ayeke ga ti buba kodro ni kue.

Ésaïe 19:1

Nengo tënë na ndö ti Ezipte. Baa KOTA GBIA ayeke tambula na ndö ti mbinda so ayeke hon hio hio, lo yeke ga na Ezipte. Ayanda ti Ezipte ayeke do na mbeto na dawa ti lo; be ti azo ti Ezipte afun kue.

Ésaïe 3:8

Jérusalem ati awe, kodro ti Juda abuba awe. Ala ke KOTA GBIA na lege ti tënë ti yanga ti ala nga na sarango ye ti ala; ala sara ngangu li na KOTA GBIA so ayeke na gonda.

Ésaïe 5:28

Ala leke yanga ti ale ti kokora ti ala aza, ala gboto ya ti kamba ti kokora ti ala. Asokoto ti gere ti ambarata ti ala akpengba tongana têne, gere ti apusu ti ambarata ti ala ayeke turne wirrr tongana ngangu pupu.

Ésaïe 66:15

Biani, KOTA GBIA ayeke ga na ya ti wâ, apusu ti mbarata ti lo ayeke tongana kota pupu. Lo yeke ga ti fa sioni ngonzo ti lo, ti suku na azo na lege ti menga ti wâ.

Jérémie 10:19

“So mawa na mbi! So kota kpale ti nyen! Ka ti mbi ayeke hunzi pepe. Mbi tene lani na be ti mbi, mbi tene: Pasi ti mbi ni ayeke ngangu pepe, mbi yeke kanga be ti mbi daa senge.

Jérémie 4:12

Me pupu ni ayeke ngangu pupu so alondo kâ si ayeke ga; mbi laa mbi mu yanga titene pupu ni aga. Fadeso mbi ga nduru ti fâ ngbanga na li ti ala awe.”

Jérémie 4:31

Mbi ma mbeni go; go ni akpa ti wali so ya ti lo ayeke so ti du si lo yeke dema tere ti lo. Go ni akpa ti wali so ayeke du kozo molenge ti lo; go ni so ayeke go ti *Sion, pendere gbata: lo wu pupu gbaa si lo yeke dema; lo yoro maboko ti lo na nduzu si lo tene: “Ti mbi awe! Azo ti fango zo afâ mbi awe!”

Jérémie 46:18

Fini ti mbi! So tënë ti yanga ti Gbia, lo so iri ti lo ayeke ‘KOTA GBIA so ayeke na ndö ti dunia kue’: fade wato ayeke ga; lo yeke ga biani tongana ti so Tabor aluti nganganga na popo ti ahoto, tongana ti so Karmel ayeke na ndö ti kota ngu-ingo!

Jérémie 48:40

Baa, tënë so KOTA GBIA atene ayeke so: “Wato azi ya ti kpangi ti lo, lo yeke huru na ndö ti Moab tongana *ngoalo.”

Jérémie 49:22

Wato azi ya ti *kpangi ti lo, lo yeke huru na le ti nduzu tongana *ngoalo na ndö ti gbata ti Bosra. Na lango ni so, fade be ti angangu zo ti bira ti Edom ayeke fun kue tongana ti wali na ndembe ti dungo ni.

Jérémie 6:23

Aturugu ti mara ni so agbu akokora na alikongo. Ala yeke sioni mingi, ala yeke baa mawa ti zo pepe; go ti ala ayeke toto tongana kota ngu-ingo. Ala ko na ndö ti ambarata; ala leke tere ti ala awe ti tiri bira na *Sion, pendere maseka-wali.”

Jérémie 9:19

Ala awali, ayeke nzoni ala ma tënë so KOTA ayeke tene na ala; ala zi mê ti ala mbirimbiri ti ma tënë so lo yeke tene na ala. Ala fa na amolenge ti ala ti wali abia ti demango tere; ala awali, ala oko oko kue afa abia ti totongo kuâ na amba ti ala.

Abia ti demango tere 4:19

Awato ti e so ayeke tumba peko ti e, ala kpe loro ngangu ahon *ngoalo so ayeke huru na le ti nduzu. Ala tumba peko ti e na ndö ti ahoto; na benyama, ala honde tere ti ala ti ku e.

Ezekiel 26:10

Fade fuku ti sese ayeke mu tere ti mo kue ndali ti hongo ti gba ti ambarata ti lo; agbagba ti mo ayeke yingi ndali ti toto ti gere ti ambarata na ti apusu ti mbarata. Ala yeke hon na yanga ti gbagba ti mo ti li na ya ti gbata ni tongana ti so zo ayeke li na ya ti gbata na peko ti so a koro du na ya ti gbagba ni.

Ezekiel 38:9

Mo na aturugu ti mo kue nga na gba ti amara so ayeke na tere ti mo, ala yeke ga ti tiri bira na azo ni; ala yeke ti na ndö ti azo ni tongana kota pupu; ala yeke kanga ndö ti kodro ti ala tongana gba ti mbinda.

Daniel 11:40

‘Na lango ti ndani, gbia ti Mbongo ayeke kiri ti sara bira na lo. Me gbia ti Banga ayeke mu pusu ti bira, na azo ti kpengo na mbarata na amangboko mingi si lo yeke ga na ndö ti lo tongana kota pupu. Lo yeke li na ya ti akodro nde nde; lo yeke li na ya ti mbeni kodro tongana ngu so asuku si amu ndo kue.

Daniel 7:4

Kozo nyama ni ayeke tongana bamara, me akpangi ti lo ayeke tongana ti *ngoalo. So mbi ngba ti baa ndo, andaa a zi akpangi ti lo ni awe; a yo lo na nduzu na ndö ti sese, lo luti na ndö ti gere ti lo tongana zo si a mu na lo hingango ndo ti zo.

Osée 8:1

Ala azo, ala huru didi: sioni ye ayeke ga! Awato ayeke ti na ndö ti azo ti KOTA GBIA tongana *ngoalo, ngbanga ti so ala buba ya ti tënë ti mbuki ti mbi, ala sara ngangu li na ndia ti mbi.

Mishe 2:4

Na lango ni so, fade azo ayeke he bia na iri ti ala, azo ayeke he bia ti totongo kuâ so, atene: “A mu aye ti e kue kue kue awe! A gbanzi sese ti azo ti e awe! A kangbi ya ti sese ni na popo ti awato ti e. Ngbanga ti nyen si a mu aye ni na maboko ti e so?”

Nahum 1:3

KOTA GBIA ayeke sara ngonzo hio hio pepe, lo yeke ngangu mingi. Me zo so asara siokpari, lo yeke zia lo senge pepe. Lo yeke tambula na ya ti kota pupu so ayeke ya ngangu, lo yeke tambula nga na ya ti ngu-Nzapa so ayeke pika mingi mingi so. Ambinda ayeke tongana fuku ti sese, fuku ti sese so ayeke londo na peko ti gere ti lo.

Habakuk 1:8

Ambarata ti ala ayapu na loro ahon ze, ala yeke hon hio na bira tongana ambo ti ngonda so ayeke gi anyama na lakui. Azo ti kpengo na mbarata ti ala alondo yongoro si ala ga, ala mu ndo kue, ala yeke huru tongana *ngoalo so ayeke huru ti ti na ndö ti nyama.

Zakarii 6:1

Mbi kiri mbi yo le ti mbi na nduzu si na ya ti mbeni ye tongana bango-li, mbi baa apusu ti mbarata osio so alondo na popo ti ahoto use si ayeke ga. Ahoto ni ayeke na bengba wen.

Matthieu 24:30

Tongaso, mbeni ye ayeke sigigi na ya ti mbinda na le ti nduzu si ayeke fa na azo tënë ti gango ti *Molenge ti Zo. Amara ti dunia kue ayeke zia maboko na ndö ti go ti ala si ala yeke dema tere, ala yeke baa Molenge ti Zo so ayeke ga na ya ti ambinda na ngangu ti lo kue, na gonda ti lo kue.

Ndia ti fani use ni 28:49

KOTA GBIA ayeke tokua na ndö ti ala mbeni mara so alondo na yongoro ndo, na nda ti sese; mbeni mara so ayeke huru ti ti na ndö ti ala tongana *ngoalo, mara so ala ma yanga ti kodro ti lo pepe.

Aye so Nzapa afa 1:7

Ala baa, lo yeke na ya ti mbinda si lo yeke ga! Fade le ti azo kue ayeke baa lo, ataa ala so lani akpo lo. Fade amara ti dunia kue ayeke toto ndali ti aye so a sara na lo. So ayeke taa-tënë! Amen.