Jérémie 4:12 - Mbeti ti Nzapa - Tënë so amu fini

¹² Me pupu ni ayeke ngangu pupu so alondo kâ si ayeke ga; mbi laa mbi mu yanga titene pupu ni aga. Fadeso mbi ga nduru ti fâ ngbanga na li ti ala awe.”

Jérémie 4:12 Iomraidhean Croise

Abia (Psaumes) 11:6

Lo yeke sara si ale ti wâ na *sufre atuku na ndö ti azo ti sioni tongana ngu-Nzapa si pupu ti wâ aga agbi ala. Ye so ayeke ku ala so laa!

Jérémie 1:16

Mbi yeke fâ ngbanga na li ti azo ti Juda ndali ti asioni sarango ye ti ala. Biani, ala zia mbi awe, ala zö dukani na anzapa nde, ala kuku ti voro ye so maboko ti ala wani asara.

Jérémie 4:11

Na ndembe ni so, fade *KOTA GBIA ayeke tene na azo ti Jérusalem, lo tene: “Pupu ti wâ alondo na li ti ahoto, na benyama ti ya na ndö ti azo ti mbi; pupu ni ayeke pupu ti pengo ya ti ale ti kobe pepe, wala ti sukulango ale ti kobe pepe.

Jérémie 4:13

“Baa, awato laa ayeke ga so! Ala yeke tongana mbinda! Apusu ti ambarata ti ala ayeke tongana ngangu pupu; ambarata ti ala akpe ahon *ngoalo. So mawa na e: ti e ahunzi awe!”

Jérémie 51:1

Tënë so *KOTA GBIA atene ayeke so: “Mbi yeke tokua mbeni pupu ti bubango ye na ndö ti Babilone nga na ndö ti azo ti kodro ni.

Ezekiel 5:8

Ndani laa, tënë so mbi Kota Gbia NZAPA, mbi tene ayeke so: Mbi yeke ga na tere ti ala, azo ti Jérusalem. Mbi yeke fâ ngbanga na li ti ala taa na ya ti gbata ni, na le ti amara nde.

Osée 13:15

Ataa Efraim awara anzoni ye mingi na popo ti a-ita ti lo, fade pupu ti To ayeke ga, pupu ti KOTA GBIA so alondo na benyama ayeke ga. Pupu ni ayeke sara si li ti ngu ayeke hole, du ti ngu ayeke hole kasakasa. Fade a yeke nzi anzoni ye so kue ayeke na ya ti da ti batango mosoro ti lo.

Habakuk 1:11

Ala hon tongana ngangu pupu, ala yeke hon ti ala hongo, tongaso tënë aga na li ti ala. Ngangu ti ala wani laa ayeke nzapa ti ala.”