Jérémie 4:1 - Mbeti ti Nzapa - Tënë so amu fini

¹ So tënë ti yanga ti *KOTA GBIA laa: “Israel, tongana mo kiri, mbi laa, alingbi mo kiri na mbage ti mbi. Tongana mo zi afungo nzapa ti mo so na le ti mbi, mo yeke kpe ti hon kirikiri mbeni pepe.

Jérémie 4:1 Iomraidhean Croise

Tongo nda ti aye 35:2

Jacob atene na azo ti sewa ti lo nga na azo so kue amu peko ti lo, atene: “Ala zi anzapa ti akodro wande so ayeke na popo ti ala. Ala *sukula asioni ti ala si ala yu ambeni bongo nde.

2 Agbia 23:13

Ando so azo aleke na ndö ti ahoto si ayeke baa le na Jérusalem, na mbage ti Mbongo, gbia asara si aga *sioni. Salomon, gbia ti Israel asara ando ni ndali ti Astarte, fungo nzapa-wali ti azo ti Sidon. Salomon asara nga ni ndali ti Kemosh, fungo nzapa ti azo ti Moab, ndali ti Milkom, fungo nzapa ti azo ti Amon.

2 Agbia 23:24

Yosias aye ti sara ye alingbi na atënë ti *Ndia so a su na ya ti buku so kota wayango-sandaga Hilkia awara na ya ti kota da ti *KOTA GBIA na Jérusalem. Nilaa lo tumba na sese ti Juda nga na Jérusalem azo so ayeke hunda ayingo ti akuâ. Lo buba ayanda nde nde so azo ayeke voro nga na afungo nzapa so kue zo abaa na Jérusalem nga na sese ti Juda.

2 Mbai 15:8

So Asa ama atënë so nga na tënë so wayanga-Nzapa Oded atene na peko ti yanga ti Nzapa, lo wara ngangu si lo zi ayanda so ayeke na sese ti Juda na ti Benjamin; lo zi nga ayanda so ayeke na ya ti agbata so lo mu na bira si ayeke na sese ti Efraim, ndo so ahoto ayeke daa. Na pekoni, lo leke gbalaka ti KOTA GBIA so ayeke na dawa ti kubu so azo ayeke hon daa ti li na ya ti kota da ti Nzapa.

2 Mbai 33:8

Tongana azo ti Israel asara ye kue alingbi na yanga so mbi mu na ala, na andia, na akpengba tënë nga na mbela so mbi mu na ala na lege ti Moïse, fade mbi yeke kiri ti tumba ala pepe ti gue yongoro na sese so mbi mu na akotara ti ala.”

2 Mbai 34:33

Na pekoni, asioni sarango ye so kue zo alingbi ti baa na le ti lo fani use pepe, Yosias azi ni na sese ti Israel kue. Lo gbu azo so kue ayeke na sese ti Israel na ngangu ti sara kua na KOTA GBIA, Nzapa ti ala. Na lango ti fini ti lo kue, azo ni azia lege ti KOTA GBIA, Nzapa ti akotara ti ala pepe.

Ésaïe 31:6

Ala azo ti Israel, ala ke lani KOTA GBIA mingi! Ala kiri fadeso na mbage ti lo ma!

Jérémie 15:19

Ndani laa, tënë so KOTA GBIA atene ayeke so: “Tongana mo kiri na mbage ti mbi, fade mbi yeke kiri na mo na kua ti mbi. Tongana mo yeke tene anengo tënë, me abuba tënë pepe, fade mo yeke duti zo ti tenengo peko ti atënë ti yanga ti mbi. Alingbi azo ti Juda laa akiri na mbage ti mo; me ayeke ti mo ti gue na mbage ti ala pepe.

Jérémie 15:4

Tongaso, fade akodro-gbia kue ti sese ayeke do na kota mbeto na bango azo ni. Andaa, so ayeke gi peko ti sioni so Manase, molenge ti Ezekias, gbia ti Juda asara lani na Jérusalem laa.”

Jérémie 18:11

“Fadeso, ayeke nzoni mo tene na azo ti Juda na ala so ayeke lango na Jérusalem, mo tene: ‘Tënë so KOTA GBIA atene ayeke so: Mbi yeke leke na be ti mbi mbeni ye ti sara na ala, mbi yeke leke mbeni sioni kpale na tere ti ala. Ayeke nzoni zo oko oko azia sioni lege ti sarango ye ti lo. Ala sara si lege ti dutingo ti ala na sarango ye ti ala akiri aga nzoni!’ ”

Jérémie 24:9

Na ya ti akodro-gbia kue ti sese, fade mbi yeke sara si ala, azo ti Juda, ala ga tapande ti kpale so ayeke sara si azo ado na kota mbeto. Na ando so kue mbi yeke tumba ala daa, ala yeke ga tapande; zo ayeke mu iri ti ala ti zonga na mba ti lo wala ti he lo, ti he bia na iri ti lo wala ti deba lo.

Jérémie 25:5

Lo tene na ala: ‘Ala zia ngbene lege ti sarango ye ti ala, ala zia asioni ti ala. Tongaso, fade ala yeke wara lege ti duti ngbene ye kpu na kpu, lakue lakue na ya ti kodro so mbi mu ando na ala nga na akotara ti ala.

Jérémie 3:1

*KOTA GBIA atene: Tongana koli atumba wali ti lo si wali ni ague, amu mbeni koli nde, fade kozo koli ni alingbi ti kiri na tere ti wali ni? Oko pepe! Kodro so azo ni ayeke sara mara ti aye tongaso ayeke ga sioni ahon ndoni pepe? Ti mo Israel, mo sara ye ti ndumba na gba ti andeko. Na pekoni mo tene, mo ye ti kiri na tere ti mbi? So tënë ti yanga ti KOTA GBIA laa.

Jérémie 3:12

Gue mo to mbela na tënë so na mbage ti Banga, mo tene: KOTA GBIA atene: ‘Israel, wali-pupulenge, mo kiri maa! Tongana mo kiri na tere ti mbi, fade mbi yeke be le na mo pepe, ngbanga ti so nzoni be ti mbi angba lakue. Mbi yeke bata mo na be lakue pepe; so tënë ti yanga ti KOTA GBIA laa.

Jérémie 3:14

“Amolenge ti pupulenge, ala kiri maa! Biani, mbi yeke wa ti ala; so tënë ti yanga ti *KOTA GBIA laa. Fade mbi yeke mu na popo ti ala, zo oko na ya ti mbeni gbata, zo use na ya ti mbeni kete mara ti kiri na ala na *Sion.

Jérémie 3:22

Azo ti ngangu li, ala kiri maa! Kobela ti ngangu li ti ala so, fade mbi yeke kai ni!” “Baa e laa! E yeke kiri na mo, ngbanga ti so mo laa mo yeke KOTA GBIA, Nzapa ti e.

Jérémie 35:15

Mbi mu ngoi ti mbi kue ti tokua na ala azo ti kua ti mbi, awayanga-Nzapa ti tene na ala, azo ti Juda, atene: ‘Ayeke nzoni zo oko oko azia sioni lege ti sarango ye ti lo; ala sara si sarango ye ti ala akiri aga nzoni; ala mu peko ti anzapa nde pepe ti voro ala. Tongaso, fade ala yeke ngba ti duti na ya ti kodro so mbi mu na ala, ala na akotara ti ala.’ Me ala dingi mê ti ala kete pepe, ala ma mbi pepe.

Jérémie 36:3

E hinga pepe, fade azo ti Juda ayeke ma nda ti asioni ye so mbi ye ti tokua na ndö ti ala si zo oko oko alingbi ti zia sioni lege ti sarango ye ti lo. Tongaso, fade mbi yeke zi sioni ti ala nga na siokpari ti ala na li ti ala.”

Jérémie 4:4

Ala fâ *ganza ndali ti KOTA GBIA, ala fâ be ti ala na ganza, ala azo ti Juda na ala, azo ti Jérusalem. Tongaso pepe, ndali ti sioni sarango ye ti ala, fade ngonzo ti mbi ayeke londo tongana wâ; wâ ni ayeke gbi ye kue si zo oko alingbi ti mingo ni pepe.”

Jérémie 7:3

Tënë so KOTA GBIA so ayeke na ndö ti dunia kue, Nzapa ti Israel, atene ayeke so: Ala sara si lege ti dutingo ti ala na sarango ye ti ala akiri aga nzoni! Tongaso si fade mbi yeke sara titene ala ngba ti duti na ya ti kodro so.

Jérémie 7:5

Me ayeke nzoni, ala sara si lege ti dutingo ti ala na sarango ye ti ala aga nzoni: tongana azo use ague na ngbanga, alingbi ala fâ ngbanga ti azo ni na legeni;

Jérémie 7:7

Tongaso si fade mbi yeke sara titene ala duti na ya ti kodro so; kodro so mbi mu ando na akotara ti ala ngbene ye kpu na kpu, lakue lakue.

Ezekiel 11:18

Tongana ala, azo ti Israel, ala kiri awe, ala yeke zi afungo yanda kue na asioni ye so kue zo alingbi ti baa na le ti lo fani use pepe so.

Ezekiel 18:13

Tongana lo sara boon ti nginza na mbeni zo, lo yeke hunda gba ti nginza na ndö ni, lo yeke gi ti wara mbeni ye na peko ni. Mara ti molenge tongaso ayeke ngba na fini? Oko pepe! So lo sara aye so kue zo alingbi ti baa na le ti lo fani use pepe so, fade lo yeke kui si ngbanga ti mene ti lo ayeke kiri na li ti lo wani.

Ezekiel 43:9

Fadeso, ala zia sarango ye ti ndumba ti ala; ala zia akuâ ti agbia ti ala yongoro na tere ti mbi si mbi yeke duti na popo ti ala lakue lakue.

Osée 14:1

Fade azo ti Samarii ayeke wara ye ti peko ti sioni so ala sara, ngbanga ti so ala tomboka na tere ti Nzapa. Fade ala yeke kui na ya ti bira, a yeke nika amolenge ti ala so angba ti nyon me, a yeke suru ya ti amama ti ngo.”

Osée 2:2

Fade azo ti Juda na azo ti Israel ayeke bongbi ti ga oko, ala yeke mu mbeni makonzi oko ti zia lo na ndö ti ala si ala yeke wu ti mu ya ti kodro ni kue. Lango ni so ayeke duti kota lango ti Yizreel!

Osée 7:16

Tongana ala yeke kiri, ala yeke kiri na mbage ti mbi pepe. Ala yeke tongana kokora so aba bango. Fade amakonzi ti ala ayeke kui na ya ti bira ndali ti sioni yanga ti ala; ye so ayeke sara si azo ayeke he ala na ngia na sese ti Ezipte.”

Joël 2:12

So tënë ti yanga ti *KOTA GBIA laa: “Fadeso, ngoi titene ala kiri na mbage ti mbi na be ti ala kue laa; ala ke kobe ti sambela, ala toto, ala dema tere ti ala na mbi!

Zakarii 1:4

Ala sara ye tongana ti akotara ti ala pepe. Ando, akozo wayanga-Nzapa afa tënë ti mbi na akotara ti ala ni, atene: Tënë so KOTA GBIA so ayeke na ndö ti dunia kue atene ayeke so: ‘Ala zia ngbene lege ti sarango ye ti ala, ala zia asioni sarango ye ti ala.’ Me ala ma pepe, ala ma yanga ti mbi pepe; so tënë ti yanga ti KOTA GBIA laa.

Ndia ti fani use ni 27:15

‘Deba aga na ndö ti zo so amu wen akporo ni si asara na mbeni nzapa nde wala na mbeni yanda si lo honde ni na mbeni ndo ti voro ni!. So ayeke ye so maboko ti zo asara. Tongaso, ayeke ye so ayeke sioni mingi na le ti *KOTA GBIA.’ Fade azo kue ayeke kiri tënë: ‘Amen!’

Ndia ti fani use ni 4:30

Gbanda, tongana ye so kue mbi tene tënë ni na ala so asi na ala si ye ti vundu asi na ala, ala yeke kiri na mbage ti KOTA GBIA Nzapa ti ala si ala yeke ma yanga ti lo.

Josué 24:14

Josué akiri atene: “Fadeso, ala kpe mbeto ti KOTA GBIA, ala sara kua na lo na legeni nga na be ti ala kue! Anzapa so akotara ti ala asara ando kua na ala na mbage ti ngu ti Efrate nga na ti Ezipte so, ala zi anzapa ni yamba si ala sara kua gi na KOTA GBIA.

Awafango-ngbanga 10:16

Na pekoni, azo ti Israel aga azi anzapa ti awande so ayeke na popo ti ala, ala kiri avoro KOTA GBIA. Tongaso, KOTA GBIA akanga be ti lo gbaa na ndö ti pasi so azo ti Israel ayeke baa.

1 Samuel 7:3

Tongaso, Samuel atene na azo ti Israel kue, atene: “Tongana ala kiri na KOTA GBIA na be ti ala kue, ayeke nzoni ala zi na popo ti ala anzapa ti awande nga na ayanda ti *Astarte. Ala zia be ti ala na ndö ti KOTA GBIA, ala sara kua gi na lo oko si fade lo zi ala na maboko ti azo ti Filistii.”