Jérémie 39:7 - Mbeti ti Nzapa - Tënë so amu fini

⁷ Na pekoni, lo koro le ti Sedesias, lo kanga lo na azingiri use ti bengba wen ti gue na lo na Babilone.

Jérémie 39:7 Iomraidhean Croise

2 Agbia 25:7

A fâ go ti amolenge ti Sedesias taa na le ti lo. Na pekoni, gbia ti Babilone akoro le ti Sedesias, lo kanga lo na azingiri use ti bengba wen si lo gue na lo na Babilone.

Abia (Psaumes) 119:8

Mbi yeke sara ye alingbi na ambela ti mo; mo zia mbi biani biani pepe!

Jérémie 20:4

Biani, tënë so KOTA GBIA atene ayeke so: ‘Mbi yeke sara si mo ga zo ti ziango mbeto na be ti mo wani nga na be ti amba ti mo so mo na ala aye tere mingi. Amba ti mo ni ayeke kui kuâ ti yongoro zeme na maboko ti awato ti ala. Ti mo, mo yeke luti ande ti baa ye ni na le ti mo. Mbi yeke sara si azo ti Juda kue ati na maboko ti gbia ti Babilone; lo yeke gbu ala ti gue na ala na Babilone si lo yeke fâ ala na yongoro zeme.

Jérémie 34:3

Ti mo, fade mo yeke kpe na maboko ti lo pepe; a yeke gbu mo si a zia mo na maboko ti lo. Mo na gbia ti Babilone ayeke baa tere le na le si lo wani, lo yeke tene tënë na mo. Na pekoni, mo yeke gue na Babilone.

Jérémie 44:30

Tënë so KOTA GBIA atene ayeke so: Mbi yeke zia Faraon Hofra, gbia ti Ezipte na maboko ti azo so aye gi kuâ ti lo tongana ti so mbi zia lani Sedesias, gbia ti Juda, na maboko ti wato ti lo Nabukodonosor, gbia ti Babilone, lo so aye lani gi kuâ ti Sedesias so.”

Jérémie 52:11

Na pekoni gbia ti Babilone akoro le ti Sedesias, lo kanga lo na azingiri use ti bengba wen. Lo mu lo ague na lo na Babilone, lo zia lo na da ti kanga ngbii asi na lango so lo kui na ni.

Ezekiel 12:13

Mbi KOTA GBIA, mbi yeke bi gbanda ti mbi na ndö ti lo si lo yeke ti na ya ti kuku ti mbi. Mbi yeke gue na lo na Babilone, na sese ti azo ti Kalde. Me lo yeke baa sese ni pepe si lo kui kâ.

Awafango-ngbanga 16:21

Azo ti Filistii agbu lo si akoro le ti lo. Ala gue na lo na gbata ti Gaza. Ala kanga lo na zingiri ti bengba wen, ala mu na lo kua ti nikango ale ti *ble na da ti kanga.