Jérémie 39:5 - Mbeti ti Nzapa - Tënë so amu fini

⁵ Me aturugu ti Babilone atumba peko ti ala si ala wara Sedesias na lando ti Jéricho. Aturugu ni agbu lo si ague na lo na Nabukodonosor, gbia ti Babilone na gbata ti Ribla, na sese ti Hamat. Kâ laa Nabukodonosor afâ ngbanga na li ti lo.

Jérémie 39:5 Iomraidhean Croise

2 Samuel 8:9

Tou, gbia ti Hamat ama a tene, David ahon ndö ti aturugu kue ti Hadadezer, na bira.

2 Agbia 17:24

Gbia ti Asirii amu azo ti Babilone, ti Kuta, ti Ava, ti Hamat na ti Sefarvaim aga na ala si lo zia ala na ya ti agbata ti Samarii na plase ti azo ti Israel. Azo ni amu Samarii, aga sese ti ala wani si ala duti na ya ti agbata ni.

2 Agbia 23:33

Faraon Neko agbu lo si abi lo na da ti kanga na Ribla, na sese ti Hamat titene lo kiri lo le-gbia na Jérusalem pepe. Faraon Neko agbu azo ti Juda na ngangu ti futa na lo lapo: kilo saki ota ti wen ti nginza, kilo baleota ti lôro.

2 Agbia 25:6

Ala gbu gbia ni si ala gue na lo na gbia ti Babilone na gbata ti Ribla. Kâ, Nabukodonosor afâ ngbanga na li ti lo.

2 Mbai 33:11

Tongaso KOTA GBIA asara si amakonzi ti aturugu ti gbia ti Asirii aga na tere ti ala. Aturugu ni agbu Manase, ala yoro *kongi na ngbangba ti lo, ala kanga lo na zingiri ti bengba wen si ala gue na lo na Babilone.

Ésaïe 22:3

Aturugu ti mo ti kota kamba kue akpe, azo ti pikango kokora agbu aturugu ni ti ga azo ti kanga. Azo so kue awato awara ala, awato ni agbu ala ti ga azo ti kanga, ataa ala so akpe yongoro.

Jérémie 21:7

Na pekoni, mbi yeke zia Sedesias, gbia ti Juda, lo na azo ti gbe ti lo, na maboko ti gbia ti Babilone. Mbi yeke zia nga na maboko ti gbia ni azo ti gbata ni, ala so angba na fini na peko ti sioni kobela ti bubango kodro, ala so angba na fini na peko ti bira na kota nzara. Biani, fade mbi yeke zia azo ni na maboko ti awato ti ala nga na maboko ti azo so aye gi kuâ ti ala. Gbia Nabukodonosor ayeke fâ azo ni kue, lo yeke zia zo oko pepe, lo yeke baa mawa ti zo oko pepe, lo yeke hinga zo oko pepe; so tënë ti yanga ti KOTA GBIA laa.’ ”

Jérémie 24:8

“Me ti asioni fige so akpa titene zo ate ni pepe, ngbanga ti ala yeke sioni ahon ndoni so, tënë so mbi KOTA GBIA, mbi tene ayeke so: Ye so zo ayeke sara na afige ni, gi ni laa mbi yeke sara na Sedesias, gbia ti Juda, lo na akota zo ti kodro ti lo, na tanga ti azo ti Jérusalem na ala so kue angba na ya ti kodro ni nga na ala so aduti fadeso na sese ti Ezipte.

Jérémie 38:18

Me tongana mo ke ti zia tere ti mo na maboko ti aturugu ti kota kamba ti gbia ti Babilone, fade a yeke zia gbata so na maboko ti azo ti Babilone si ala yeke bi wâ na ya ni; ti mo, mo yeke kpe na maboko ti ala pepe.’ ”

Jérémie 38:23

Biani, fade a yeke mu awali ti mo na amolenge ti mo ti gue na ala na azo ti Babilone; ti mo, mo yeke kpe na maboko ti ala oko pepe. Gbia ti Babilone ayeke gbu mo ti ga zo ti kanga si lo yeke bi wâ na gbata ni.”

Jérémie 4:12

Me pupu ni ayeke ngangu pupu so alondo kâ si ayeke ga; mbi laa mbi mu yanga titene pupu ni aga. Fadeso mbi ga nduru ti fâ ngbanga na li ti ala awe.”

Jérémie 44:30

Tënë so KOTA GBIA atene ayeke so: Mbi yeke zia Faraon Hofra, gbia ti Ezipte na maboko ti azo so aye gi kuâ ti lo tongana ti so mbi zia lani Sedesias, gbia ti Juda, na maboko ti wato ti lo Nabukodonosor, gbia ti Babilone, lo so aye lani gi kuâ ti Sedesias so.”

Jérémie 49:23

Tënë na ndö ti Damas. “Kamene ahon ndö ti azo ti agbata ti Hamat na ti Arpad, ngbanga ti so ala ma sioni sango si ala yeke gi be ti ala. Ala yeke do tongana kota ngu-ingo so alingbi ti duti kpoo pepe.

Abia ti demango tere 1:3

Mara ti Juda laa aga taa buba mara awe so? Ala gbu lo na ngangu, ague na lo na kodro wande; sarango kua ti ngbaa ahon ngangu ti lo awe! Lo yeke lango na popo ti amara nde. Lo wara lege ti duti na siriri oko pepe. Azo so ayeke sara ngangu na lo so, ala tumba peko ti lo, ala wara lo awe; mara ti Juda ayeke na ya ti kota pasi.

Abia ti demango tere 4:20

Lo so KOTA GBIA asoro lo ti zia lo gbia so, lo so fini ti e ayeke na maboko ti lo si e tene tënë ti lo, e tene: “Tongana e wara ndo na popo ti awande, fade lo laa lo yeke bata e.” Baa, awato agbu lo, abi lo na du ti kanga ti ala.

Ezekiel 23:24

Ala yeke londo na mbage ti Banga ti ga na tere ti mo. Ala yeke ga na apusu ti mbarata, na apusu nde nde; gba ti bongbi ti aturugu laa. Ala yeke mu *avala na akpoto ti wen ti ga na ni na tere ti mo. Ala yeke ngoro mo mbage na mbage kue. Mbi yeke zia tënë ti mo na maboko ti ala si ala yeke fâ ngbanga ti mo alingbi na ndia ti ala.

Habakuk 1:7

Ala yeke asioni zo, ala yeke zia mbeto na be ti azo. Ala wani ayeke sara ndia ti li ti ala, ala yeke sara si iri ti ala awu.

Wungo ti azo 13:21

Akoli ni ague, abembe ndo na ya ti kodro ni, ti londo na benyama ti Zin ngbii asi na Rehob, nduru na Lebo-Hamat.

Josué 13:5

Mbeni sese so angba titene ala mu ni ayeke sese ti Gebal nga na hoto ti Liban, na mbage ti To, ti londo na Baal-Gad so ayeke na gbe ti hoto ti Hermon ngbii asi na Lebo-Hamat.

Josué 4:13

Azo nduru na saki baleosio so aleke tere ti ala ti tiri bira, ala hon na dawa ti KOTA GBIA si ala fâ ngu ti Jourdain ti gue na mbage ti lando ti Jéricho.

Josué 5:10

Azo ti Israel asara bâbâ na Gilgal. Na lango baleoko na osio ti nze ni, na lakui, ala sara *matanga ti Pake na lando ti Jéricho.

Awafango-ngbanga 3:3

Amara so angba na ya ti kodro ni ayeke so: agbia oku ti azo ti Filistii, azo ti Kanaan kue, azo ti Sidon nga na azo ti Hivi so ayeke lango na hoto ti Liban, ti londo na hoto ti Baal-Hermon ngbii asi na Lebo-Hamat.