Jérémie 39:3 - Mbeti ti Nzapa - Tënë so amu fini

³ Tongaso aturugu ti kota kamba kue ti gbia ti Babilone ali na ya ti gbata ni si ala duti na yanga ti gbagba so iri ni Ti-be-gbagba. Azo so aduti na ndo so ayeke Nergal-Sareser, kota komanda ti aturugu, lo na Samgar-Nebo, na Sar-Sekim, makonzi ti azo ti kua ti gbia, ala na tanga ti aturugu ti kota kamba kue ti gbia ti Babilone.

Jérémie 39:3 Iomraidhean Croise

2 Agbia 17:30

Azo ti Babilone asara yanda ti Sukot-Benot; azo ti Kuta asara yanda ti Nergal; azo ti Hamat asara yanda ti Ashima,

Jérémie 1:15

Mbi yeke iri amara nde nde ti Banga kue ti ga; ala yeke londo na ya ti akodro-gbia; so tënë ti yanga ti KOTA GBIA laa. Fade ala yeke ga, ala zia ambata ti ala ti gbia taa na tere ti ayanga ti gbagba ti Jérusalem; ala yeke zia ambata ni na tere ti gbagba ni angoro ni kue, nga na tere ti agbata ti sese ti Juda kue.

Jérémie 21:4

Tënë so KOTA GBIA, Nzapa ti Israel atene ayeke so: ‘Aye ti bira so ala yeke mu ti tiri na gbia ti Babilone nga na aturugu ti lo so ayeke na gigi ti gbagba ni so, fade mbi yeke sara si aye ti bira ni aturne, atuku kue na be ti gbata ni.

Jérémie 38:17

Tongaso Jérémie atene na Sedesias: “Tënë so KOTA GBIA, Nzapa so ayeke na ndö ti dunia kue, Nzapa ti Israel atene ayeke so: ‘Tongana mo sigigi ti gue ti zia tere ti mo na maboko ti aturugu ti kota kamba ti gbia ti Babilone, fade mo yeke soo fini ti mo si a yeke gbi gbata so pepe; mo yeke ngba na fini, mo na asewa ti mo.

Jérémie 39:13

Nebuzaradan, makonzi ti aturugu ti batango gbia ama tere na Nebushazban, makonzi ti azo ti kua ti gbia, na Nergal-Sareser, kota komanda ti aturugu na tanga ti aturugu ti kota kamba kue ti gbia ti Babilone.

Ezekiel 26:10

Fade fuku ti sese ayeke mu tere ti mo kue ndali ti hongo ti gba ti ambarata ti lo; agbagba ti mo ayeke yingi ndali ti toto ti gere ti ambarata na ti apusu ti mbarata. Ala yeke hon na yanga ti gbagba ti mo ti li na ya ti gbata ni tongana ti so zo ayeke li na ya ti gbata na peko ti so a koro du na ya ti gbagba ni.