Jérémie 39:12 - Mbeti ti Nzapa - Tënë so amu fini

¹² “Gue mo mu lo, mo baa ndo na tere ti lo; mo sara sioni na lo pepe, me mo sara na lo ye so kue lo yeke hunda na mo.”

Jérémie 39:12 Iomraidhean Croise

Amato 16:7

Tongana KOTA GBIA ayeda na lege ti sarango ye ti mbeni zo, ataa awato ti zo ni, lo yeke leke songo na popo ti lo na ala.

Amato 21:1

Tënë ti be ti gbia ayeke na ya ti maboko ti KOTA GBIA tongana kete ngu so ayeke sua. KOTA GBIA ayeke hon na atënë ti be ni na ndo so kue be ti lo wani aye.

Amato 23:5

Gi so le ti mo ayeke ti na ndö ti mosoro ni tongaso, lo hon ti lo awe. Biani, nginza aleke *akpangi ti lo wani so lo yeke huru na ni na le ti nduzu ti hon tongana *ngoalo.

Jérémie 15:11

Andaa *KOTA GBIA atene lani na mbi, atene: “Mbi mu zendo ti zi mo titene mo baa nzoni; mbi mu zendo ti sara si awato ti mo avoro tere ti ala na mo na ngoi ti ye ti sioni nga na ngoi ti ye ti vundu.

Jérémie 15:21

Fade mbi yeke gboto mo na maboko ti azo ti sioni; mbi yeke zi mo na maboko ti azo so ayeke sara ngangu na zo.”

Jérémie 24:6

Fade mbi yeke baa ala na nzoni le si mbi yeke kiri na ala na ya ti kodro so. Mbi yeke kiri ti kungbi ala na sese pepe, me mbi yeke leke ala na nduzu; mbi yeke kiri ti gboto ala pepe tongana ti so a yeke gboto pere na gunda ni kue, me mbi yeke lu ala tongana ti so a yeke lu keke.

Jérémie 39:13

Nebuzaradan, makonzi ti aturugu ti batango gbia ama tere na Nebushazban, makonzi ti azo ti kua ti gbia, na Nergal-Sareser, kota komanda ti aturugu na tanga ti aturugu ti kota kamba kue ti gbia ti Babilone.

Jérémie 40:4

Gi laso laso, mbi yeke zi azingiri so a kanga maboko ti mo na ni. Tongana mo ye ti ga na peko ti mbi na Babilone, mo lingbi ti ga senge; fade mbi yeke baa ndo na ndö ti mo. Me tongana mo ye ti ga na peko ti mbi na Babilone pepe, mo ngba senge. Mo lingbi ti gue na ndo so kue be ti mo aye na ya ti kodro ni, zo akanga lege na mo pepe. Mo gue na ndo so kue mo baa nzoni na le ti mo.”

Amos 9:4

Tongana awato ti ala agbu ala ague na ala na kodro wande, kâ, mbi yeke mu yanga si a fâ ala kue. Le ti mbi ayeke ngba na ndö ti ala, mbi yeke sara sioni na ala, me mbi yeke sara nzoni na ala pepe.”

Awatokua 7:10

Nzapa azi lo na ya ti aye ti ngangu so kue asi na lo. So Joseph asi na gbe ti Faraon, gbia ti Ezipte, Nzapa amu na lo ndara si lo sara titene gbia ni abaa lo na nzoni le. Tongaso gbia ni azia Joseph ti sara komandema na ndö ti Ezipte nga na ndö ti aye ti da ti lo kue.