Jérémie 39:10 - Mbeti ti Nzapa - Tënë so amu fini

¹⁰ Me lo zia na ya ti kodro ti Juda ambeni wayere kete so ye ti ala oko ayeke daa pepe; lo mu na ala ayaka ti vinye na ayaka.

Jérémie 39:10 Iomraidhean Croise

2 Agbia 25:12

Me makonzi ti aturugu ti batango gbia ni azia ambeni wayere kete na ya ti kodro ni titene ala fâ ayaka ti *vinye na ayaka.

Ésaïe 7:21

Na lango ni so nga, zo oko oko ayeke bata mama ti bagara oko na amama ti ngasa use.

Jérémie 40:10

Ti mbi, mbi yeke ngba ge na Mispa ti luti na iri ti ala na le ti azo ti Babilone so ayeke ga na ndo ti e. Me ti ala, ala ko ale ti *vinye, ale ti keke na mafuta, ala bata ni; ala ngba na ya ti agbata so ala mu ti duti daa.”

Jérémie 40:7

Andaa ambeni makonzi ti aturugu, ala na aturugu ti ala angba na ya ti ngonda. Ala ma a tene, gbia ti Babilone amu Gedalia, molenge ti Ahikam azia lo na li ti kodro ni. Ala ma nga atene, gbia ni amu na lo akoli, awali, amolenge nga na awayere ti kodro ni, azo so a gue na ala na Babilone pepe, titene lo baa ndo na ndö ti ala.

Jérémie 43:6

Azo ni ayeke akoli, awali, amolenge, amolenge-wali ti gbia na azo so kue Nebuzaradan, makonzi ti aturugu ti batango gbia azia ala titene ala ngba, ala na Gedalia, molenge ti Ahikam, molenge ti Shafan. Ala mu nga wayanga-Nzapa Jérémie, lo na Baruk, molenge ti Neria si ague na ala.

Jérémie 52:16

Me lo zia ambeni wayere kete na ya ti kodro ni titene ala fâ ayaka ti *vinye na ayaka.

Ezekiel 33:24

“*Molenge ti zo, azo so angba na Israel si ayeke lango na ya ti gbata so abuba awe so, atene: ‘Abraham ayeke ando gi lo oko si lo mu sese so ti ga ye ti lo. Me ti e, e yeke gbani, e lingbi fadeso ti mu sese so ti ga ye ti e senge.’

Zakarii 11:7

Tongaso mbi ga wabatango-taba ti ataba so azo ti kango ala asoro ala ti gue na ala na ndo ti fango ala. Mbi mu anduru keke use ti awabatango-taba. Mbi di iri ti mbeni keke ni “Nzoni be”, mbi di iri ti mbeni “Beoko”. Na pekoni, mbi gue ti bata ataba ni.